إضافة رد
  رقم المشاركة : ( 51 )  
قديم 12-04-2009, 12:01 AM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 الاغـــانى الــــوطـــنيه


قصيدة وطنية جميلة جداً

نشيد صه يا كنار

صه يا كنار و ضع يمينك في يدي
و دع الملامة للملالة و الدد
صه غير مأمور و هات هواتنا
ديما تهش علي أصيد الأغيد
*****
فاذا صغرت فكن وضيئئا نيرا
مثل اليراعة في الظلام الأسود
و اذا وجدت من الفكاك بوادرا
فابذل حياتك غير مغلول اليد
و خذ المطالب من زمانك و العن
العريف علي الرعاف و لا تد
فاذا ادخرت الي الصباح بسالة
فاعلم بأن اليوم أنسب من غد
و اسبق رفاقك الي القيود فانني
اّمنت أن لا حر غير مقيد
و املأ فؤادك بالرجاء فانها
بلقيس جاء بها غياب الهدهد
فاذا تبدل شمل قومك فاجمعاً
فاذا أبوا فاضرب بعزمة مفرد
فالبندقية في بداد بيوتها
طلعت بمجد لييس بالمتبدد
*****
صه يا كنار و دع يمينك في يدي
فكأن يوم رضاك ليلة مولدي
أنا كم رعيتك و الأمور عصية
و بذلت فيك جميع ما ملكت يدي
و جري فؤادي نحو قلبك سلسلا
لكن قلبك كالأصم الجلمد
*****
لك في فؤادي يا كنار مكانة
أسمي و أقدس من مكانة أحمد
و لدي أحمد كالحياة و كالمني
من كل ممتنع و كل مؤيد
قاسمته ظلم الحياة و ظلمها
و نشأت بين جنانه المتجدد
*****
صه يا كنار فما فؤادي في يدي
طورا أضل و تارة لا أهتدي
و لأنت أعلم كيف أقتنص الهدي
حتي قنصت به سهاد الجدجد
و أري العوازل حين يملكنا الظمأ
فأموت من ظمأ أمام المورد
و أرود أرجاء البيان مداجيا
فأضيق من أناته بالشرد
*****
أنا يا كنار مع الكواكب ساهر
أسري بخفق وميضها المتعدد
وعرفت أخلاق النجوم فكوكب
يهب البيان و كوكب لا يهتدي
و كويكب جم الحياة و كوكب
يعصي الصباح بضوئه المتمرد
أن كنت تستهدي النجوم فتهتدي
فانشد رضاي كما نشدت وجدد
و ان كنت لست تطيق لومة لائم
فأنا الملوم علي عتاب الفرقد
*****
صه يا كنار فبعض صمتك مسعدي
حتي شدوت فجاء شدوك مسعدي
و فضيلة بين التبسم و البكاء
لو تعلمون، تجلد المتجلد
و تأمل ملأ التأمل حسنه
و كساه من حلل الأصيل العسجد
ألم تأجج في ثيابك لم يكن
ليزول دون اهابك المتوقد
غربت به الأيام و هي عوابس
فقضيتهن مودعا في الموعد
*****
صه يا كنار فبعض صمتك موجع
قلبي و موردي الردي و مخلدي
أرأيت لولا أن شدوت لما سرت
بي سارياتك و السري لم يحمد
*****
أنا لا أخاف من المنون و ريبها
ما دام عزمي يا كنار مهندي
سأذود عن وطني و أهلك دونه
في الهالكين
فيا ملائكة اشهدي


وطنا - محجوب شريف


وطنا البإسمك كتبنا ورطنا
أحبك ..
أحبك مكانك صميم الفؤاد
وباسمك اغنى..
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك
واحبك عبوس
صحى بتملا عينى..
وتشّرف غناى

بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل

أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك




يابلدى ياحبوب


عشانك بكاك الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية وتوب
سروال ومركوب
وجبة وسديري
وسيف سكين
يا سمح يا زين

يا وجه مليان غنا
مليان عشق وحنين
يا بنت يادوب
نهيداتا قايمين
شايلين تخا وفي رخا
شايلين بنات وبنين
يا سمح يا زين

يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين

يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق وحنية
ياسمح يا زين

يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا كلمة عربية
يا وشمة زنجية



سلم مفاتيح البلد - محمد المكي ابراهيم

عليك الزحف متقدم
وليك الشعب متحزم ومتلملم
يقول سلم
سلم ومابتسلم
رحمت متين عشان ترحم؟
سلم مفاتيح البلد
سلم عباياتنا وملافحنا
مصاحفنا ومسابحنا
جوامعنا وكنايسنا
سلم مفاتيح البلد

تراث أجدادنا سلمنا
عقول أولادنا سلمنا
بنادقنا البتضربنا
الموجهة لي صدورنا
وبرضو حقتنا
سلمنا
سلم مفاتيح البلد

سلمنا الزمان الضاع
ليل الغربة والأوجاع
أحزانا العشناها
مع الوطن العزيز الجاع
سلم مفاتيح البلد

حتهرب وين من الألم الكبير والجوع
من تعليمك المدفوع
ومن شعبا سقاك لبنو سقيتو من الهوان والجوع
يا ساقي سمك المنبوع
سلم مفاتيح البلد

حتهرب وين من الذكرى وعذاباتها
ومن لبن الأمومة ومن حساب الرب
حتهرب وين وانت ايدينك الإتنين ملوثة دم
فصيح الدم ينضم وبتكلم يقول سلم
سلم مفاتيح البلد



مسـاجينك - محجوب الشريف


مساجينك مساجينك مساجينك

تغرد في زنازينك

عصافيراً مجرّحه بى سكاكينك

***

نغنى ..

ونحن فى أسرك

وترجف ..

وانت فى قصرك

!سماواتك دخاخينك

مساجينك مساجينك مساجينك

***

برغمك نحن مازلنا

بنكبر بى زلازلنا

بنعشق فى سلاسلنا

وبنسخر..

!من زنازينك

مساجينك مساجينك مساجينك

***

حكايات الهوى الأول..

بنحكيها

بدايات الغُنا الطول.. نغنيها

حقيقه وليس تتأول

!حتخجل من عناوينك

مساجينك مساجينك مساجينك

***

للسودان عواطفنا

وبالسودان مواقفنا

ولّما تهب عواصفنا

ما حيله قوانيك؟

مساجينك مساجينك



عُرس الفداء - الدكتور مبارك بشير

نلتقيك اليوم يا وطني .. لقاء الأوفيـاء
قــــد تـنـاديـنـا خِـفـافــاً
كطيور الريح فـي جـوف العتاميـر
يا أرض البطولات وميراث الحضارات
نُغـنـي الـيـوم عُــرس الـفـداء
هـا هنـا ..يبتسـم النهـر القـديـم
لبعانـخـي ولتهـراقـا وللمـهـدي
لـعــلــي عـبـدالـلـطـيـف
لعبدالقـادر الحَـبـوب ..للقـرشـي
لصمـود العُـرس فــي كــرري
وللـمـوت الـفـدائـي العـظـيـم
نذكـر الـيـوم جمـيـع الشـهـداء
كل من خطّ على التأريخ سطراً بالدماء
نذكـر الـيـوم جمـيـع الشـرفـاء
كل من صـاح فـي وجـه الظلـم لا
نحـن أبنـاؤكِ فـي الفـرح الجميـل
نحـن أبنـاؤكِ فـي الحُـزن النبيـل
سنغني لك يا وطني كما غنى الخليـل
مثـلـمـا غــنــت مـهـيــرة
تُلهـم الأجيـال جيـل بعـد جـيـل
ونغني لحريق المَكِ في قلـب الدخيـل
لـــلــــجــــســــارة
حينما استشهد في مدفعـه عبدالفضيـل
نُكحِل اليوم مآقينـا بمـرواد الصلابـة
وبإيـمـان كإيـمـان الصـحـابـة
ســـوف نُـفـديـك دوامــــا
ونــنــاديــك هُــيــامـــا
فلتعِـش حُـراً أبيـاً فــي مهـابـة



جيل العطاء - محمد المكي ابراهيم

من غيرنا يعطي لهذا الشعب
معنى أن يعيش وينتصر
من غيرنا ليغير التاريخ
والقيم الجديدة والسير
من غيرنا لصياغة الدنيا
وتركيب الحياة القادمة
جيل العطاء المستجيش
ضراوة ومقاومة
المستميت على المبادىء مؤمنا
المشرئب إلى النجوم لينتقي
صدر السماء لشعبنا
جيلي أنا..
هدم المحالات العتيقة
وانقضي سيف الوثوق مطاعنا
ومشى لباحات الخلود
عيونه مفتوحة
وصدوره مكشوفة
بجراحها متزينة
متخيرا وعر الدروب وسائرا
فوق الرصاص منافحا
جيل العطاء لك البطولات الكبيرة
والجراح الصادحة
ولك الحضور هنا
بقلب العصر فوق طلوله المتناوحة
ولك التفرد فوق صهوات الخيول روامحا
جيلي أنا ..
جيل العطاء لعزمنا
حتما يذل المستحيل وننتصر
وسنبدع الدنيا الجديدة وفق ما نهوى
ونحمل عبء أن نبني الحياة
ونبتكر


يا شعبا تسامى - محجوب شريف


يا شعبا تسامي
ياهذا الهمام
تفج الدنيا ياما
وتطلع من زحاما
زي بدر التمام

تدي النخله طولها
والغابات طبولها
والايام فصولها
والبذره الغمام

قدرك عالي قدرك
ياسامي المقام
ياملهم رماحك
سناهاالصدام
ام در والطوابي
في صدرك وسام
ملامح كم
تسامح
تغضب لا تلام
همه وعبقريه
ذمه وفنجريه
ضد العنصريه
وتحلم السلام

فداك وفي حواك
يامدد الكلام عفوك
انت ورضاك
وبرنا ليك تام
وبحلم بهواك بي حسن الختام
دينك كم علينا
منك والدينا
واجمل مالدينا
من يوم السمايه
من قبل الفطام

منك كل حته
في الخاطر
صبابه
جنبك نبته نبته
نكبر نحن ياما
نسألك انت
وانت ورينا الاجابه
علمنا الرمايه
والحجا والقرايه
والمشي بي مهابه
في الضحي والظلام



أصبح الصبح - محمد الفيتوري

اصبح الصبح
ولا السجن ولا السجان باقي
واذا الفجر جناحان يرفان عليك
واذا الحزن الذي كحل تلك المآقي
والذي شد وثاقا لوثاق
والذي بعثرنا في كل وادي
فرحة نابعة من كل قلب يابلادي

أصبح الصبح
وها نحن مع النو التقينا
التقى جيل البطولات
بجيل التضحيات
التقى كل شهيد
قهر الظلم ومات
بشهيد لم يزل يبذر في الأرض
بذور الذكريات
أبدا ما هنت يا سوداننا يوما علينا
بالذي اصبح شمسا في يدينا
وغناء عاطرا تعدو به الريح
فتختال الهوينى
من كل قلب يا بلادي
فرحة نابعة من كل قلب يابلادي


حنبنيهو - محجوب شريف

حنبنيهو ..
البنحلم بيهو يوماتى
وطن شامخ
وطن عاتى
وطن خيّر ديمقراطى

وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده
سياده
حريّه
مكان الفرد تتقدم..
قيادتنا الجماعيّه
مكان السجنِ مستشفى
مكان المنفى كليّه
مكان الأسري..
ورديّه
مكان الحسره أغنيّه
مكان الطلقه
عصفوره
تحلق حول نافوره
تمازج شُفّع الروضه
حنبنيهو
البنحلم بيهو يوماتى

وطن للسلم أجنحتو
ضدّ الحرب أسلحتو
عدد مافوق ما تحتو
مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه


بلا وانجلى - محجوب شريف

بلا وانجلى
بلا وانجلى
حمد الله الف على السلامه
انهّ كتف المقصله
والسجن ..
ترباسو انخلع
تحت انفجار الزلزله
والشعب ..
بى أسرو اندلع
حرر مساجينو اندلع
قرّر ختام المهزله
يا شارعاً ..
سوّا البدع
اذهلت أسماع الملا
كالبحر ..
دواى الجلجه
فتحت شبابيكا المدن
للشمسِ
واتشابا الخلا

شفت البنادق فى السما
الظبط والربط انتمى
للشعب..
شعب الملحمه
الصرخه كانت همهمه
والهبه كانت ململه

سداً منيعاً يا وطن
يا شعب وهّاج الفطن
للظلم يوماً ما ركع
مهما جرى
تباً لعهد السمسره
والنهب..
ثمّ السمسره
سداً منيعاً يا وطن
صه يا طنين البلبله
أبدا ً لحكم الفرد..
لا
بالدم لحكم الفرد..
لا
تحيا الديمقراطيه
كم نفديك يا مستقبلا
بلا وانجلى
بلا وانجلى
حمد الله الف علي السلامه
انهدّ كتف المقصله


عرس السودان - للفيتوري


ِفي زمنِ الغُربة و الإرتحال
تأخُذُنِي مِنكَ و تعلو التلال
و أنتَ عِشقِي, حيثُ لا عِشقَ يا سُودانُ إلا لِنسُوِر الجِبال
يا شُرفة التاريخ
يا رايةً منسوجةً من شموخِ النِساءِ و كِبرياءِ الرِجال
لِمن تُرى أعزِفُ أُغنيتي
ساعةَ لا مِقياسَ إلا الكَمال
إن لم تكن أنتَ الجمالُ الذي يملأُ كأسِي و يفيضُ الجَمال
فدىً لعينيك الدماءُ التي خَطت على الأرض سُطورَ النِضال
داست على جَلادها و هي في سُجُونِهِ و أستُشهِدَت بِجلال
فدىً لعيني طِفلةٍ غازلت دُموعُها حديقةً في الخَيال
شمسُكَ في راحَتِها خُصلةٌٌٌ طريةٌٌ من زهرِ البُرتُقال
و النيلُ ثوبٌ اخضرٌ ربما عاكسه الخِصرُ قليلا فمال
كان أسمها أمدُرمَان
كان أسمها الثورةَ
كان العُرُس عُرسَ الشمال
كان جنوبياً هواها
و كانت ساعةُ النصر إكتمال الهلال
فدىً لك العُمرُ
و لولا الأسى لقلتُ تفديك الليالي الطوال

 

ضع تعليق باستخدام حساب الفيس بوك

رد مع اقتباس
  رقم المشاركة : ( 52 )  
قديم 12-04-2009, 07:23 PM
الصورة الرمزية الكروان
 
الكروان
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  الكروان غير متواجد حالياً  
الملف الشخصي
رقــم العضويـــة : 109
تـاريخ التسجيـل : Sep 2007
العــــــــمـــــــــر :
الــــــــجنــــــس :  Egypt
الـــــدولـــــــــــة : بعيـدأ عـن الحيـاه.!
المشاركـــــــات : 3,582 [+]
آخــر تواجــــــــد : ()
عدد الـــنقــــــاط : 83
قوة التـرشيــــح : الكروان will become famous soon enough
افتراضي رد: مكتبه جميع كلمات الاغانى السودانيه

 

 المبدع دائمأ محمد مهدي تسلم على هذه الكلمات

الرائعه...ونحنا دائمأ فى انتظار كل ما هوا جديد منك

تقبل مروري وتحياتي العطره

الكروان

 

رد مع اقتباس
  رقم المشاركة : ( 53 )  
قديم 13-04-2009, 03:36 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 

اقتباس:
المشاركة الأصلية كتبت بواسطة الكروان مشاهدة المشاركة
المبدع دائمأ محمد مهدي تسلم على هذه الكلمات

الرائعه...ونحنا دائمأ فى انتظار كل ما هوا جديد منك

تقبل مروري وتحياتي العطره

الكروان

الرائع دوما الكروان لك التحيه اخى
على اطلالتك الجميله فى هذا البوست
واشكرك جزيل الشكر على المرور الرائع

 

رد مع اقتباس
  رقم المشاركة : ( 54 )  
قديم 13-04-2009, 03:42 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 جمــال مصــطـفـى (فـــرفـــور


أجسامنا ليه جسمين ..

روحنا واحده وكيف اتقسمت قسمين
شي عجيب في غرامك يافريع ياسمين
أنا يا حبيبي تجدني على هواك أمين
وما بيعجز عن أفكاري في التخمين
حواسي تحسد نظري في حسنك منتظمين
شمالي تاخده الغيره اذا جلست يمين
من المنام ما معاي ولا السته من ستين
عندي التلت من عقلي وعندك التلتين
سايقاني بسمة فاهك در عقيد ومتين
لولاها مالي صالح في الظلال والتين
يالفريد في ظرفك زي صداقتك وين
ما أظن تكون ولا بدعت قبل في التكوين
يامن أسرت فؤادي ملكته في اليدين
ياملفت الأنظار يا ناير الخدين
نحن الجميع مادمنا قلوبنا متحدين
تبقى الصداقه قرابه ونكسب الودين


خلي القسوه


ما قلنا ليك خليها
النظره دي خليها
اللفته دي خليها
القسوه ما تسويها
عارفينا طبعك لين
واصلك عطوف وحنين
بين حنانك لي
ارواحنا ما تجافيها
البسمه زايده حلاتك
والرقه احلا صفاتك
الجفوه ما من ذاتك
ما بتشبهك خليها
انت الامل والمنيه
ضحكاتك اجمل غنيه
يا احلا زول في الدنيا
وكل الحنان الفيها
عارفني لمن تزعل
والله ما بتحمل
احوالي ليك تتبدل
يبقى الحزن كاسيها
ازيد وازيد في حبك
وافرش ورود في دربك
اقول احنن قلبك
ديارنا تاني تجيها
خليك معاي واتدلل
للفرقه ما تستجعل
ده البينا ما بتحول
لو كنتا يوم ناسيها
اهديك غناي للذكرى
خليهو زاد لي بكره
اصلو الغرام والفكره
انك تكون حاسيها
ما قلنا ليك خليها
النظره دي خليها
اللفته دي خليها
القسوه ما تسويها


فى الحالتين انا ضايع




لا بعدك بفرحني لا قربك بريحني
في الحالتين أنا ضايع ما لاقي اللى ينصفني
أقول أنساك أفوت لي دنيا ما دنياك
يسرح قلبي في ذ**** تاني الشوق يرجعني
أتعب و أشقى برضي معاك
في الحالتين أنا ضايع و مالاقي البينصفني
لابعدك بفرحني
سنين والحزن مالكني
لمن قلت أنسى هواك أشوف غيرك ينسيني
لقيتك انت في قلبي
انت زاد دربي بعدك ما بفرحني
قربك ما بريحني في الحالتين انا ضايع
ومالاقي البينصفني لابعدك بفرحني
أتخاصمنا كم مرات واتراجعنا كم مرات
أتعاهدنا ننسى الفات
نطوي الماضي في صفحات
صفحة جديدة ما تكمل ترجع تاني تجهلني
لا بعدك بفرحني


مشكلة


إسحاق الحلنقي


الروح تروح ما مشكلة ..
تزيد جروحى علي جروح ما مشكلة ..
ينسى الفراش عطر الربيع ما مشكلة ..
ينسى الوديع صوت الوديع ما مشكلة ..
الشاري لو فكر يبيع لو ضاعت الاعمار تضيع ما مشكلة ..
لاتبين شمس لايهل قمر ما مشكلة ..
يبقى السحاب من غير مطر ما مشكلة ..
يرموني في نص البحر تجيبو لي الناس خبر ما مشكلة ..
لو هز صمت الليل برق ما مشكلة ..
والقاش رحل خلا الشرق ما مشكلة ..
لو عمري بالشوق يحترق لو رحت ما جبت الفرق ما مشكلة ..
الدنيا تبقى بدون جليس ما مشكلة ..
تبقى الليالي بدون ونيس ما مشكلة ..
وتنسى ليلى حبيبا قيس ما مشكلة ..
وتنسى العروس اسم العريس ما مشكلة ..
المشكلة
ريدتك بقت هى المشكلة
أدينى حل للمشكلة

انت مافي

.
اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي
انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي
انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي
انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي


لا بعدك بفرحني لا قربك بريحني


في الحالتين أنا ضايع ما لاقي اللى ينصفني
أقول أنساك أفوت لي دنيا ما دنياك
يسرح قلبي في ذ**** تاني الشوق يرجعني
أتعب و أشقى برضي معاك
في الحالتين أنا ضايع و مالاقي البينصفني
لابعدك بفرحني
سنين والحزن مالكني
لمن قلت أنسى هواك أشوف غيرك ينسيني
لقيتك انت في قلبي
انت زاد دربي بعدك ما بفرحني
قربك ما بريحني في الحالتين انا ضايع
ومالاقي البينصفني لابعدك بفرحني
أتخاصمنا كم مرات واتراجعنا كم مرات
أتعاهدنا ننسى الفات
نطوي الماضي في صفحات
صفحة جديدة ما تكمل ترجع تاني تجهلني
لا بعدك بفرحني


روحي ملكك ولا ملكي


سيبني أبكي..سيبني أشكي
غير تبكي الناس وحاتك
عمري ما شفتك بتبكي
لو تجيب القمرة ليا
والشمس ما بين ايديا
مستحيل تقبل عينيا
ترضى من عندك أسية
تبقى واهم لو تفكر تاني تتحكم عليا
ليك زمانك ولي زماني
انت مالك ومال حناني
وليه عليك أبني الأماني
الأماني مضيعاني
سيبني وحدي مع دموعي
أبكي مرة و أبكي تاني
خوفي يا ظالم حبيبك
دمعة المظلوم تصيبك
أحسن أبعد من طريقك
وأقفل الباب البجيبك
و لو بكيت خليني أبكي
ومن دموع عينيا سيبك
روحي ملكك



يا حمامه.....


يا حمامه مع السلامه ظللت جوك الغمامه

طيري في جوك المعطر
وانشدي شعرك المسطر
قولي للشادن المبطر
زيد دلال وزيد وسامه

انشدي شعري بين دورو
علو يذكرني في خدورو
اوعي يلعب عليكي دورو

يا حمامه مع السلامه ظللت جوك الغمامه

اسأليهو عن المحبه
وعن فؤادي الذي احبا
ليتو يسأل عن الاحبه
مره في عمرو يا حمامه

يا حمامه مع السلامه ظللت جوك الغمامه


الغرام ناسي فيهو ذاتي
فيهو خاطرتا بي حياتي
اين حبي وذكرياتي
اصبحت روحي مستهانه

يا حمامه مع السلامه ظللت جوك الغمامه


كلميني عن الموده
كيف ضاعت وكيف صد
بعد ذلك اذا استبدا
0قابل الجا بي ابتسامه

الجمال يا حمامه فاتن
فيه اروع من المفاتن
كل من يعشق المحاسن
قل ان يوجد السلامه

يا حمامه مع السلامه ظللت جوك الغمامه



افتتـــــــــــــــــــــــــــــــــــتان


لى حق اذا اتهمتا فؤادى عندك انتا ياحبيبى انا بيك افتتنتا
***************
حبيب الروح سلمتا ما بيا لوعلمتا
انا الامين ووافى وليك ودادى صافى
ياملهمى القوافى ولكل معنى وافى
ذى بسمة الازاهرفى نظرى ابتسمتا ذى نقشة الخواتم فى قلبى اترسمتا
ياحبيبى انا بيك افتتنتا
*****************
اقوليك اذا سمحتا انا شايفك حبيبى شايفك
انا شايفك تبهرج كل ما ليك لمحتا كضوء الفجر لحتا
كزهر الروضه فحتا وذى اغصانا محتا
ياحلو المناظر ياساحرالنواظر
ان نظروك فرحتا وان نظرتا جرحتا
يا حبيبى انا بيك افتتنتا

*******************
بدر الحسن انتا وبين الناس عرفتا ان وصفوا المحاسن بسيماهم وصفتا
انابعيونى شفتا وصادق لو حلفتا
من تاثير عيونك خديتنى ورجفتا ومن تاثير عيونى على خديك فقتا
انا انا انا نارى نار انا نارى تعال ياحبيبى
*********************
ولى حق اذا اتهمتا فؤاى عندك انتا يا حبيبى انا بيك افتتنتا



غنية رائعه..


كلمــات : اسحق الحلنقي
الحان : علي أحمــد


على صفق العنب اسميــن ..
كتبناهم بدمع العيــن ..
ومرت بينا غيمة فرقة ..
واتفارقنا مجبوريــن ..
ولمــا رجعنا من غربتنا ..
فرحانين مع العايديــن ..
لقينــا الريح محت ذكــرى ..
بكيــنا على ضيــاع اسميـن ..
كتبنا الاسامي زمان ..
واشهدي يا ضفــاف النيـل
طفولتنا القضيناها ..
زغاريد فرحة شاقة الليل..
سنينا تضوي بالآمال ..
وكــل العشنا زاهــي جميل ..
ماشيــن في دروب الريــد ..
نغنــي والأماسي تشيــــل ..
جاتنــا الفرقة زايرة ديارنا ..
في ليلة اللي ما بتنــدار ..
مدت ايــدا شالت زهــرة ..
كانت ضاوية ساحة الــدار ..
خلت بيتــنا لا ضو شمعة ..
لا حــس فرحة لا نــوار ..
سواقيــنا الحنــينة بكت ..
علــى الريـــد الولفــنا صغــار ..
كبرنـــا الليــلة جيــنا نشــوف ..
حكاية حزيــنة لي قلبيــن ..
كنا رسمناهم على صفق العنب اسمــين ..
قايــلين نلقى ماضي الذكرى ..
فوقنا يلالي زي نجميــن ..
لقينــا الريــح محا الذكـــرى وبكينا على ضيـــاع اسميــــن
وبكيـــــــــــــــنا على ضياع اسميـــن




الما بعرفك


يا قلبي في طبعك ملك .. سامحت كل البدلك
ما عرفو آخرك وأولك .. والما بعرفك بجهلك
يا قلبي دايماً مبتسم .. مهما تعاني وتنظلم
الدنيا أبداً ما بتهم .. فرحك عذابك منقسم
مهما براك عشت الشقا .. الحلوة برضك تعشقا
من غير حليفة تصدقا .. ما بتشكي نارا المحرقة
يا قلبي لو زمنك قسا .. لي وعدو اتنكر نسى
الدمعة دايماً أحبسا .. وكلمة ملام ما بتهمسا
يا قلبي شيل جمر الصبر .. همك سحابة صيف تمر
مدام في باقي من العمر .. أيامك الجاية بتسر


بسماتي

يا الحارم نومي و بسمـــاتي ..
يطول في غيابك أناتـــــــــــي ..
لو كان أنا لي عندك خاطر
رجع وحياتك فرحاتي ..

نسيان الريد عندك ساهل ..
وأكتر من كده تعمل زعـــلان ..
لو كنت معاك أنا متساهل ..
وبعامل فيك بي روح فنان ..
ما تجرح احساسي المرهف ..
انا برضك في الآخر انسان ..

بكرة الأيام حتوريك ..
كيفن لو كنت معاي ..
أنا رغم قساك كنت بأمل ..
في يوم حتحس بالجواي ..
أصلي وحاتك ما بتألم لو طيفك فارق دنيايا ..


وقفه مع كلمات اسحاق الحلنقى هذا المبدع صاحب الكلمات الساحره


غربة وشوق / اسحاق الحلنقي


غربة وشوق
جيناكم يا حبايبنا
بعد غربة و شوق
نغالب فيه ويغالبنا
ونكتم أهة
تظهر أهة
تتعبنا
حنين لشوفة الغالين
مدوبنا

هناك ما هنتنا يا حلوين
الهم بدل واحد يبين همين
وفيها قلوبنا
تتأوه ونتاوه
سنين وسنين
مصيره الحى يلاقى حبايبه
لو صادقين

سماع أهلا
من الاحباب شروق أمال
ووصف البهجة بالكلمات
محال يتقال
حلاوة العودة
غنيناها فى موال
تحكى عن الولف
واصلة الولف كتال



بتتعلم من الايام
--------------------------------------------------------------------------------
بتتعلم من الايام مصيرك بكره تتعلم
وتعرف كيف يكون الريد وليه الناس
ليه ليه بتتــــالـــم
متين عرف الهوى قلبك
متين فاضت بااهات متين سهر
عيونك ليل طويله ساعات
وحاتك لسه مابتقدر تقاسم قلبى دقاتو
اقابلك وكلى حنيه واخاف من نظرتك لليا
واخاف شوق العمر كلو يفاجئك يوم فى عينيه
ورى البسمات كتمت دموع وبكيت من غير تحس بيا
وبكره وبكره الريد الريد بدون مواعيد يزورك
ياحياة عمرى وتقول ياريتنى لو حبيت
زمان من بدرى
وتعال تعال تعال فرح ليالينا وتعال قبل
السنين تجــــرى


يا أعز الناس حبايبك نحن
زدنا قليل حنان
دا العمر زادت غلاوتو معاك
وصالحني الزمان
يا أحن الناس حنان
كنت من قبلك
بشيل الليل دموع
واطويه هم
انا كنت بخشى
على الأماني الطفلة
يفنيها العدم
وجيت لقيتك بين قلبي دموع
وغنيتك نغم
يا حبيب
ورد الأماني
الفي أعماقي فتح
وابتدا القلب
العاش العمر في آهاتو
يفرح
والزمن ماظنو بعدك انت
يرجع تاني يجرح
نامت أحزان عمري
غنى زماني
واتلاشت صعاب
أنا قبلك الأيام
قضيتا سراب
يسلمني السراب
وبيك طويت من عمري
صفحة ماضي مكتوب بالعذاب


هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنا
غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدة فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن00



الريد جوّ قلبي بحبك بدا
ياطيبة حياتي يا قطر الندي
ما كان في خيالي تتنكر كدا
أيامن الجميلة ليه بتنكدا
جربت هواهم
قليبي انكوى
تاريهم جاروا
وماصانو الهوى
حاولت اسيبك واتناسى المضى
أيامك معاي ساعات الرضى
المكتوب علي أنا قلبي ارتضى
ياريت الليالي عطفو يعوضا
الكلمة الحنينة مشتاق اسمعا
روحي خلاص جفيتا والشوق لوعا
الدمعات
عيوني كيفن تمنعا
وانا شايف سنيني جورك ضيعا
يومي الشفتك انت حسيت بالهنا
طويت يا حياتي شمعاتي انا
بعد الحب دا كلو يا أجمل منى
لي بكيتني تاني عاودت الضنا
جربت هواهم
قليبي انكوى
تاريهم جاروا
وماصانو الهوى



ليه يا كروان خليت عشك
باريت الغربة البتغشك
فارقت البلد البتريدك
بالصندل كانت بترشك
ليه يا كروان سبت ديارك
ومشيت خليتهم سمارك
دي الغربة الحتت نوارك
ما تسيبها تقلل مقدارك
دا البعد الحاصل كان منك
ليه نرمي اللوم على اقدارك
ليه يا كروان خليت ناسك
ومشيت للناس الماناسك
انت المعروف بين جلاسك
معروف بي رقة احساسك
ليه تنسى عيون النيل والليل
والريد الحابس انفاسك

 

رد مع اقتباس
  رقم المشاركة : ( 55 )  
قديم 14-04-2009, 11:59 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,738 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبه جميع كلمات الاغانى السودانيه

 

 مجهود جبار جداً محمد مهدي ... وتستحق التقييم يا ملك
دمت بهذا التواجد يابطل ...

اوووعك تقيف واااصل ...



وتم التقييم ... ++++

 

رد مع اقتباس
  رقم المشاركة : ( 56 )  
قديم 15-04-2009, 02:32 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 

اقتباس:
المشاركة الأصلية كتبت بواسطة طارق عبد القادر مشاهدة المشاركة
مجهود جبار جداً محمد مهدي ... وتستحق التقييم يا ملك
دمت بهذا التواجد يابطل ...

اوووعك تقيف واااصل ...



وتم التقييم ... ++++

الشكر كل الشكر اخى الفنان على هذا التقييم الرائع
واشكرك على هذا المرور الرائع الزى اسعدنى

 

رد مع اقتباس
  رقم المشاركة : ( 57 )  
قديم 16-04-2009, 06:10 PM
الصورة الرمزية حدبايه
 
حدبايه
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  حدبايه غير متواجد حالياً  
الملف الشخصي
رقــم العضويـــة : 856
تـاريخ التسجيـل : Apr 2009
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 8 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : حدبايه is on a distinguished road
افتراضي رد: مكتبه جميع كلمات الاغانى السودانيه

 

 لك التحيه والتجلا اخى محمد
على هذا المجهود الجبار
اشكرك من قلبى

 

رد مع اقتباس
  رقم المشاركة : ( 58 )  
قديم 17-04-2009, 11:34 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 اشكرك كتير على تواجدك
لك التحيه

 

رد مع اقتباس
  رقم المشاركة : ( 59 )  
قديم 19-04-2009, 11:23 AM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 التفاؤل


عليكم الله يا احباب اتلموا وابقوا قراب
خلونا النعيش أيامنا الموت ياداخلناالباب
الدنيا العبوس غدارة زي راية الفكي الكضاب
تضحك لك تقول جيدلي تتكئتغرس النشاب
الموت يا صحاب بالجملة اصبح ما بدورو اسباب
والعاقل يعيش اياموما دام من تراب لتراب
هسى ان ماتو مننا عشرة تلقاهم 8 شاب
والتاسع يكونوسطاني والعاشر يكون يا داب
اخدوا الحكمة من تربالنا اتوكل رمي التيراب
وعارفربو من بينساهو والصابر دعاهو مجاب
علمني الزمن يا خلا درسا ما قريتلوكتاب
انو الدنيا مهما تبقى كلها في سؤال وجواب
اللقى يا رفاق من الله زيوكذلك الانجاب
والحظ ما بتجيبوا القوة والشقى ما بزيلو عزاب
والبكا ما بجيبالرايحة لو جرت الدموع صباب
والأفراح تدور يمشولا والحزان تجيكبالباب
الدايرة السعادة يكوسها وبينا وبين حزنا حجاب
أولا في زنين الضحكةقمتا في لقى الأحباب
يا اخونا التفاؤل نعمة ديمة يريح الأعصاب
والزولاليكون متشأم العصفور يشوفو غراب




ســـــــــــــــــافر

علليك الله سافرعليك الله شيل الأمانى معاك
وشوف البيبكى عليك أو حتى يترجاك
أنا تعبتا خلاص من جورك انت على
تزعل بدون اسباب ومن تانى ترجع لى
خليك معاى واضح لا يبقى قولك نى
يا انت ابقى معاى يا انتى ماليك بى

رغم الحصل والكان ياما صبرتا عليك
كان العشم جواى تصدق معاى عينيك
لكن غرورك فاض كتل البراءة الفيك
خلاك تقول مجبور أنا بكره برجع ليك
اوعك تظن فى يوم أنا قلبى برض الذل
او يستكين هيمان ويرجاك عند الضل
انت الفتحت الباب وقت للخصام ادخل
وانت الزرعتا الشوك وقلعت شجر الفل
أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فوق الكرامه وداس
مجبور اقول القول القالوا (بوفراس)
فى شعروا قالوا كلام مدهش جميل يسبى
لا تملك الحسناء مهما تكون قلبى
أنا برضى زيو كمان أعلنت لى حربى
وعايش قليبى بقول يا اخوانا آيه ذنبى
والله يا المريود خليتنى فيك محتار
مرات بشوفك نور مرات بحسك نار
مرسالى وكتين جاك قابلتو باستهتار
وما تنسي أى حريق دائماً بدايتو شرار
يا قلبى اصبر اصلو الظروف قاصداك
معليش إذا جاء الليل وخيم على دنياك
عذراً إذا الأحلام اكبر من الإدراك
وعفواً اذا حبيت زول ماعرف معناك




الرواسى

بـــدر مـــدر يـــا رواســـى نـحــن بـعــاد لحـقـنـا الـقـيــف
انـت مدبـج ونحـن نقاسـى بــرد امشـيـر والـمـوج والزيـفـة

مركـبـك الماليـهـا مـطـارق تمـشـى تقـيـف تـسـرح بيكـيـفـة
مـرة مغـارب ومـرة مشـارق وانـت تخـاف الريـح وحفيـفـة

ساوهـا زينـة وفـوقـا بـيـارق وأنــت مـدبـج تــوب وقطيـفـة
فيها المات زو الضاربه الفالق والمسلمين فـى حالـة مخيفـة
كـل النـاس تـرزح فــى كـفـة وأنــت ونـاسـك فــوق الـدفـة
الدايشيـن والراسهـم لفـة والشاخصيـن فـى الـمـدى للضـفـة
سـاولــك فـوقـهـم الـفــة فـــوق الـمـويـة وريـقـهــم جــفــة
مـن العطـش النـص اتوفـى وبـاقـى الـنـص الفـضـل جيـفـة
ضاقوا المـر والحـال استعصـى الشغـال واللاحـق الحصـة

الـواصـل للـرحـم اتقـصـه والـهـداى مــو لاقــى الـفـرصـة

الرسـاى سافـر مـا وصـى خلـى محـمـد واحـمـد وحفـصـة

الأطـفـال العـرفـو القـصـة ســدت جــوه حلـوقـهـم غـصــة

مــن الـجـوع الــدم اتمـصـه واصـبـح كــل الحـلـم رغـيـفـة

كـل الراكـب شـاف احـلامـو دون احـسـاس مـاتـت قـدامـو

فـن كتابـو وكسـر اقـلامـو لا الوالـديـن لا جــار مــا لامــو

هزموه اخوانو البى الجوع ناموا وكم خريج ما لاقى وظيفة

يـا الفكيتهـا وقلـت لهـا سيـرى وعـارف إنـو الدنيـا دمـيـرى

لا فى ضفاف لا شفنا جزيرى لا فى الحيرى لا فى الطيرى

كسـرت جناهـا وقلـت لهـا طيـرى واتملكـت الكانـت ميـرى

يـا السـودان الناصـع وجيـرى ايـد الـحـق صابـونـة وليـفـى

قبلـك كـم متعلـم وقــارى عـكـس الـريـح فكـولـو الـصـارى

مشدوهـيـن متعـشـى وحــارى ريـسـهـا شـلـتـه والـبـحـارى

كـم سنـوات علامهـا البـارى واقفـة وهــم شايفنـهـا جــارى

بقينـا هـلاك والقيـف مضـارى لا حجـار لا دوحــة وريـفـة

حـسـك عيـنـك مــا تتـمـادى وتنـسـى الـراكـب عـنـدو إرادة

الأهـوال الشافهـا وخاضهـا كــان فــى مـدرسـة ولا عـيـادة

شفـنـا الإيــد الكـانـت اجــواده عـلـمـت الله مـــن التعـريـفـة

يــا ريـسـنـا قـــدر وديـــرك فـــك الـدفــة وادهـــا غـيــرك

احفـظ نفسـك ترضـى ضميـرك وقـف اوع تواصـل سيـرك
كان طاوعتنـا شـن بيضيـرك عـرض اكتافـك وفـك البيريـك

لا هنـى وشكـرا وكتـر خيـرك و اي انسـان فـى الأرض خليفـة .





يا محسنين

قومة من النباه ما ضاقلو قوت الفاه
غير كلمتين فى اليوم إعتادنالحلقوم
من الصباح للنوم يا مـحسنين لله
تبدأ الصباح بالآه ومنك زمن تواه
وتتمسى يا الله من شدة المأساه
ترقد رفقت الشاه حالاً صعب رضاه


جواها صوت مخنوق ما بيسمعوا المخلوق
وبالاً شتيت ممحوق وأنه أسىوخازوق
بحت لسان مريوق ينادى مـعـتـصـمـاه
يا محسنين لله
حبل المروه الكانممدود من الجيران
وأعـمـــامـه والخلان بالمطرقة وسندان
يا حليل رجلنا زمانبس فضلو الأشباه

قبال ثلاثة سنين يتمت من الوالدين
ومن بعـــــدو بسنتينراح الكفيل وحنين
خلا لها دمعة عين وخلا لها خمسة أفواه


صبارة قادرةتطيق كل الآلم والضيق
وتغلب نشاف الريق والمصلا والابريق
وقلبـــاً وفىوصـــــديق لا ضل يوم لا تاه

إلا الصغيرونين يتبـــــاكو هم دايرين
فىلحظة وحين مـا بيعوفـوا المن وين
والحــوجة سيفه سنين يقتل رقابالجاه

سالت دموع أنهار جسر الصمود إنهار
عارفى العدم جبار مر ما بيراعىصغار
إلا الفقر مـو عار بس للوجوه شواه

ضايقى العذاب كم نوع وعارفىالسؤال ممنوع
شبعانه فوقو الصوع ورويانه نوح ودموع
الله يجازى الجوع كم كمحنالو جباه

تب يا زمن مـحاق من ضلك الرقـــــاق
يا قاسى يا فراق يا اللىالفرح سراق
حنضل أساق دقاق مـا بيحملنو شفاه

عطش السنين فى الجوف طردالسئم والخوف
فرش دواخلى حـروف روينا بالمعــــــــروف
ولا قلةالمصـــــــروف لا الحـــــوجــة تتوطاه





خطاب الطفل لاخية الجنين)


صيغة خطاب مكتوبه من قلب الولد
من جوف طفل لحظاتو بين مره وشهد
لسع ما عرف طعم الحياة ويادوبو لسع في المهد
كلنو كان يعرف تمام غير انو مخلوق في كبد
كانت رسالتو دروس حياة في الزهن تسكن للابد
فيها المداد دمعة عيون منسابه الهبة الغدد
كلماتو من معجم لغات الدنيا كلها تستمد
مظروفا جوف كاتم انين فياض دوام ما ليهو حد
والطابعه كانت قبله من بين الشفاه مختومه بي صبر و جلد
عنوانا كان ظاهر مبير من غير حروف اللا اسد
الي رحم امي وختي قوس قبال يقفل القوس قصد
يكتب كلام شان يلفت الانظار قصد
مضمونو بين قوسين يقول( ممنوعه ما يقراها حد)
وكان الخطاب عبر البريد السري حافظ المستند
في ذبذبات هذت دواخل امو لهبا ما برد
لمن صرخ ومسك الثدي واتواري في حجرا وغمد
لما الخطاب وصل الرحم بقي نطفه يادوبك تعد
تكوينا ما وصل المشيج في علقه منتظره المدد
لكن قدر يحكي الظروف الجات عليه بلا وعد
حكي لاخوه وقال كلام لابد من يلقالو رد
وكان الحدث صحوة ضمير علاما حلال العقد
دي رساله من طفلا صغير حكي لاخوه وقال سرد
********
دنيانا ما دنيا واحلامنا ما احلام
دي حقيقه ما رؤيا وقالو السبب اقسام
لو ليك كتب تحيا ضي عالم العلام
طال شوقي لي لقيا وخايف من الايام

بالله زنبنا ايه من قبل نتلاقي
نرد الغفار والتيه في الدنيا نتشاقا
ليه شجرة الوالدين يتحتو اوراقا
ما نلقي جيم لسين غير المعيشه اقسام

انا شوقي لجيتك دايرك معاي رفيق
بي جيها خايفلك عيشت نشاف الريق
انا نيتي زي نيتك لمت شقيق وشقيق
سالكين طريق مسدود ما بمشي لي قدام

انا داير احكي لك احوالي بالتفصل
انا كالضفاف مخضر كانت حياتي قبيل
لكن بدين اصفر لمن هجرني النيل
اسع بقيت مجبر اتحمل الاقدار

العيشه بين والدين من مده متفرقين
زي المياه والطين وفقد النظر للعين
بيقلوا مشتاقين شاربين كؤس البين
كاس الوداد في الحين اصبح شرابو حرام

ما راعوا للجاين وما قدروا المولود
واظنهم ناسين الجاي والموجود
حتي الشرع والدين اتناسو ليه حدود
لما الصحف رفعت وجفت الاقلام

والليله ندمانين ايه الندم بيفيد
خلوني باكي وحزين عايش فرد وحيد
زي زهرة الياسمين من ايد اروح لي ايد
قطعوا الشديد ومتـــين لا غربه لا ارحام

انا داير اوصيك اصبر علي البلوه
ولا بد تلاقيك المره و الحلوه
كل العشم فيك انك تكون اقوي
من كل بلاويكا دنيكا تبقي سلام
ودنيانا ما دنيا واحلامنا ما احلام..





لسان الحال





معذرة.. لو معاك منى الكلام حـــــره .. معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع البطان الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة
**********

الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب

اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب

قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب

فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب

سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب

والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب

لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب

البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب

الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب

وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب

حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب




أنا العليت - جعفر السقيد






أنا العليت هواك براي ولمن طال وطال مالاي
وقادر تاني برضو أهد الكان وغادي وجاي
ياخي مامعقول اصلو ما معقول
تهدي مناي وتنسي وفاي وتغدري بي
تحبي سواي وتنسي وفاي وتغدري بي
تهدي مناي تقرري تاني ترجعي لي
أكون لليله مستنيك وراجي الري
ياخي مامعقول

حليلو زمن يسوقني الشوق علي لقياك هٍديً ورٍضيً
هسه بقيت يجيني نداك إطانش وأقول ما لي
خريفك كان شلع براقو برفع للكريم إيديً
أقول حوالينا ما ها علينا تنزل في الهويد والصيً

نفضت هواك من طرفي عشان ربطك مرخرخ وني
طويت ز**** والاحلام ونجضت الجرح بالكي
ولقًيت صدري للايام مسارب للامل والضيً
بعد ما كنتي كل حياتي هسه ولا بتمثلي شئ

فرصه سعيده كانت بيك عليك تتعرف احزاني
وأعرف وين مدى صبري قوة عزمي وايماني
وحات الله ما محزون علي الراويهو شرياني
زمان اديتك المعدوم ووسدتك قليب حاني

ومنك ما لقيت غير طعنه سكنت في صميم اعضاي
وضرت ريدي ليك للريح وشتت للاماني قواي
وشقيت بين جروحي طريق ومن غدر الحبيب نجاي
وقت اظلم عليً الكون وودع في النجم ضواي

ورغم البي من احزان وكنت تلى الفرح هدًاي
والجرح البينتح جوه يطلع من صميمو غناي
والقمريه رغم النبله وصوت الطلقه والحاحاي
مالاي غناها عصرياتنا يوم ما خلت القوقاي

 

رد مع اقتباس
  رقم المشاركة : ( 60 )  
قديم 26-04-2009, 03:43 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 مجــــزوب اونـــســه



أقدار يا نور عيني - مجذوب اونسه




أقدار يا نور عيني
يا الكنت فاكرك لي

ما الكنت متصور
يوم أجيك مغلوب
شايل جرح دنياي
من زول أكان محبوب
دي الدنيا يا ما توري
والدهر يا ما يقري
لمن تفوت أنت
الدنيا بس شن لي

أنا فاكر لي
ناسي الزمن وأحكامو
هم البريد في يومو
ما بدور يشوف قدامو
تاري الزمن بفرقني
منك بعيد يحرمني
يظلم سنينا السمحة
ينسى العذاب البيّ

صبر السنين الكان
حاضننوا في الأعماق
كم بغرو منو الناس
بقى للعزول حراق
لوكان خلاص مليتني
قلبي الحنين خليتو
مجبورأسامحك أنا
وأمسح دموع عيني

أنا ما بلومك أنت
مهما الدموع تتحدر
تفضحني غصبا عني
دموعي
البينا أكبر وأكبر
من قلبي ليك بتمنى
تسعد دوام وتتهنى
باكر تبارك لي
الحنة في إيدي
يا الكنت فاكرك لي

أقدار يا نور عيني
زادت عذابي البي
يا الكنت فاكرك لي



يا الرحتو طولتو - مجذوب أونسه



يا الرحتو طولتو
وعليّ ما سألتو
يا الكنتو مني قراب
انا وين وين انتو

أيام وراها أيام
إتكاملت أعوام
لا شوفه تفرحني
لا حرف شوق لا سلام
كيف هانت الأيام
ونسيتو يا إنتو
انا وين وين انتو

عهد الوداد خنتو
والكان عزيز فتو
بدلتو ريدو خلاص
بالبيهو ماعرفتو
وين بالو ودرتو
ونسيتو يا انتو
أنا وين وين إنتو

ياريت بريدكم جاب
كلمات تواسي الغاب
كان بس شوية ارتاح
أصلو المحبة عذاب
اصلو الزمن غلاب
غلبني يا انتو
أنا وين وين انتو




ده ما سلامك - مجذوب أونسه



ده ما سلامك
ولا الكلام الكان زمان
هسي كلامك
ولاّ يعنى نويت تسيبنا
في الخريف تحرم غمامك

جينا بعد الفرقه نسأل
جينا نلقى محنه عندك
نحكي ليك عن ليل شقانا
وعن متاهات نجمو بعدك
نحن سالمناك بطيبه
وياما بكت عيوننا ردك
ليه زمان اديتنا ريدك
وجيت حرمتنا تاني ودك
وقلبنا الجرحت خاطرو
برضو ما قادر ملامك

كنا قايلين بي ورانا
إنت زينا طاري ديمه
كنا قايلين نحن عندك
زي عيونك لينا قيمه
قلنا تتلقانا إنت
الزهور تحضن نسيمه
إلا ريدك تاري روِّح
عدي فات زي كل غيمه
جينا ليك بالأبتسامه
إلا ما لقينا ابتسامك

جينا شايلين ليك فرحنا
كان عشمنا تزيدو حبه
تطرى ناس فاقدين عيونك
بي وراك ما خلوا غربه
قلنا ننسى تعب سفرنا
بليالي معاك أحبه
جينا ما لقينا في عيونك
ذكرى ساكت للمحبه
شلنا شوقنا رجعنا بيهو
ما ندمنا على سلامك



الغلابــــــــا

للشـــــاعـر : الصـــــــادق اليـــــــــاس

غناء الرائع : مجذوب اونسة

الغلابة

يا الغلابة تهتو في العيشة وصعابها
البلد في عز عذابها كل زول خلاها سابها

يا الغلابة.....

النضال فكينا دربو في طريق مسدود مشينا
التراب ضيعنا حقو عشنا عاد في غربة شينة
وروحنا واقفة ممحنة ويلا نبدا من هنا
الكفاح العاجبو الهنا وقبضة الثوار مهابة

يا الغلابة.....

كل واحد حالتو حالة همو فوق اهلو الحزانة
همو في بلدو وحكايتو الخلاص فقد المكانة
وبالكفاح الليلة نشقى بكرة عاد يا حلوة نلقى
المصانع النورها بقا والبلاد الفوقها سابها

يا الغلابة.....

الفات ( الساب) اهله ودياره خلّف الاحزان وراهو
الطشى من امو وابوه يمضي حول ما يشوف جناهو
الزمان اظن قصدنا في البلاد شتت عددنا
ربي عاين لبلدنا وارحم الناس التعابة
يا الغلابة.....

الخريف هجر البوادي والحزن في كل شارع
الجفاف في الوادي عما وشفتو في وجه المزارع
يا مداين يا جناين نحن اصبح حالنا باين
يا مصانع يا جناين نحن اصبح حالنا باي

يا بلدنا يا بلدنا ..يا بلدنا يا بلدنا ..يا بلدنا يا بلدنا ..يا بلدنا يا بلدنا ..يا بلدنا يا بلدنا ..
مافي داعي نقيف نعاين نرجى في مطر السحابة

بلدنا يا بلدنايا .. بلدنا يا بلدنا ..يا بلدنا يا بلدنا ..يا بلدنا يا بلدنا ..يا بلدنا يا بلدنا ..


يا الغلابة يا الغلابة تهتو في العيشة وصعابها

البلد في عز عذابها كل زول خلاها سابها

 

رد مع اقتباس
  رقم المشاركة : ( 61 )  
قديم 26-04-2009, 04:00 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 معتــــز صــــباحى




باينــ عليكــ ::



باين عليك مرتاحه انتى مع الزمان



باين عليك مرتاحه انتى مع الزمان


ما توحى لى انك حزينه في دنيتكــ


واقدار لعبت بيك كمان ... لعبت بيكــ كمان


انا يوم عرفتك كنته فاكر القا فى جنبك حنان


الكنتا فاقد طلعتو ونسيت معالم روعتو

جات المصالح باعتو واحلامى ضاعت فى الرهان


أنا يوم عرفتك كنتا فاكر ألقا في جمبك أمان ..

يجمعنا قاسم مشتركــ

ما كنته قايل الريد شرك

ومعاركو في غير معترك

ونعاني بعد الريد هوان ...


بعد الريد هوااااااااااااان





رحله هواي ::


منك بديت رحلة هواي يوم ضقت فيك طعم الشجن

شديت رحالي نويت أجيك .. واخترت أعماقك سكن

أسرجت خيل سفري الطويل سافرت ليك قاصدك وطن

غنيت على ارضك غناي ودعت ليلات الحزن

يلاك معاي

يلاك معاي

نجمع هواك معا هواي واسقيك من ريدي ووفاي عايزك معاي في كل حين

نرسم فرحنا على الجبين

ندي الملامح لون غروب وشوقنا في العينين يبين

في الساعة ديك يا غالية مين يفرقنا مين؟





دا الخلاني أحبكــ أكتر ::



دا الخلاني أريدك أكتر
انو حنانك لي ما اتغير
انو قليبك رغم الفرقا لا راح لغيري ولا اتنكر

فت عشانك وسبتا عيونك
كان المنية أجي وألقاك
كان الخوف مرات في الغربة
انو سواي بوراي بهواك
انو عيونك تنسا حناني
وابقا غريب انا في دنياك
جيت ولقيتك برضك وافي
كتر الشوق للقاي بكاك
آآآ وانتا صبحتا فعيني أكبر
دا الخلاني أريدك أكتر


وانا يا حنين برضي وحاتك
عشتا سنين الغربة وحيد
مهما عيون ناداني جمالا
ما حاولت سواك أريد
دي الأفراح ما شفتها بعدك
كيفن أفرح وانتا بعيد
حتى العيد لو مر بدونك
زي حسيتو بلاك ما عيد
وانا بي غيرك ما بتأثر
دا الخلاني أريدك أكتر


يلا نعــيد أيامنا الأول
وما نندمـــ علي كل الراح
كل الناس نهديها فرــح ــنا
ليل الغربة نعيشو صباح
لا تنساني ولا أنساكــ
نملا الدنيا هنا وأفراح
الاح ــزان لو جات كايسانا
نقولها عدى زمانكــ رااااح
افضل أح ــبك اكتر واكتر
افضل اريدكــ اكتر واكتر





بحبكــ موووت ::




بحبك موت يا هاجرنى يا مودرنى

انا بهواك صوره وصوت

انا حبيتك افقى وراسى يا الفى اعماقى شراعك راسى

انا بهواك صوره وصوت

وحبك بانى دواخلي بيوت

والعاطفه البيناتنا شهود

انا بهوك صوره وصوت


يا الضوقتا عيوني الكيف انا من حبك اهرب كيف

او من طيفك اقدر افوت انا من غيرك ما موجود

انا بهواك صوره وصوت



انا حبيتك افقى وراسى يا الفى اعماقى شراعك راسى

وحبك بانى دواخلى بيوت والعاطفه البيناتنا شهوود

انا بهواك صوره وصوت





خلاص فوتي ::




كمل جواى كلام الريد خلاص فوتى

بقاوم فى هوك جواى وفى سكوتى

بحاول انسه كل الفات واشيل العبره من صوتي

خلاص فوتى

بقيت اسف على حبى على اشواقى والذكرا

بقيت انسان بدون عنوان بدون فكره

خلاص فوتى الزمن غشاك

غدرتينى نسيتى بحر هواكـــ



خــــــــــــــلاص فـــــــــــــــــــــــــــوتي




مين علمكــ أحرف غاني ::



كـــــل الدروب بتودى لى يا طالعه منى منى وماشه لى


من علمك احرف غناى خلاكى تسكنى فى رآى


تتخللى الاعماق وراى يا ساكنه فينى صوتك صدا

انا بلقاكى فى صوت المطر فى رنت القلب الوتر


بالقاكى فى شفع فريق كيسين شليل وين رحل


يا كل مطارات السفر يا بنيه زى ايام امسى


يا واقفه فينى الشوق شمس


يا ساكنه فينى ومارقاء حس


كل الدروب بتودى لى يا طالعه منى منى وما شه لى






فرحه ::


انتا المدار داير بعيد يا فرحة العيد السعيد


لو تبقا لى واحت فرح تمسح شقا الزول البريد

يا غالى يا نور الامل نور دياجر ظلمتى


ظللنى بى غيم امانى رجع هيامى وفرحتى


خلينى اشعر انا اشعر بى وراك فى صحوتى وفى غفوتى

اكون دوام عايش معاك يا احلى زول فى دنيتى

ما تقول خلاص ضاع العمر ما احنا حاكمانا الظروف

بمشيهو دربك لو سنين لو كان موانع وكلو خوف


اصلك مصطر و مقدر فى دمى بى صدق الحروف

ما انتا اول وتانى لى باكر مصير الحى يشوف


باكر مصير الحى يشوف

باكر مصــــــــــــــــــــير الحـــــى يــــــــشوف




بعزكـــ ::


خلاص ما ضاعت الآمال
شنو الفضل يخافو عليه
بعزك كنت جد بهواك
قلبي فتحتو ليك تقري

خلاص ما ضاعت الآمال
شنو الفضل يخافو عليه
بعزك كنت جد بهواك
قلبي فتحتو ليك تقري

قايلك انتي صادقة معاي
وحبك صنتي وبتسقيوقلت أجوب مدى الرييد
ولي آخر العمر بمشيه

كتبتك في القمر عنوان
شلتك للبيوت افراح
أكوسك في شراع مشدود
واحسك في مساري غرام

ادسك كنتا في حسي
وفي لب الخلايا سماح
مشيت الليلة واحتارت
معاك شتله غناي الراح

ما قلتي معاي بتبني العش
وين ودر كلامك داك
قلتي معاك بقاسم الشين
وبفرش بالمحنة حماك

انا الوالهاان وقلبي عليك
اغالب شوقي واستناك
وفارق قلبك القاسي
دروب عشقا مشيتا معاك

لو قلبك رجع عاود
واشتاق الغرام تاني
لو عينيكي عاشت صح
معنى عميق وجواني

كنت اغفر ليكي انا
واشتلك زهره واغاني
بس بعتي ودادي بي ارخص
لي زمن من غير معاني





الحب البديع



شلت الكلام القلتو فيك

وقفت قدام الجميع

وتاني الكلام اهديتو ليك

كل الكلام اهديتو ليك

جاهرت بي حبي البديع

جااااهرت بي حبي البديع

يا قمة الريد المثالي

ومدخل الذوق الرفيع

خليني جنبك يا عظيم

اكسب رضاك انا لو استطيع

يا حبي لو جار الزمن

تلقاني بخلص ليك وأطيع

ياسيدي لو جار الزمن

تلقاني بخلص ليك واطيع

ما بشاور بي غرامك

ما بجامل انا لو اضيع

يا نسمة هلت

هلت من سراب

مليانة بالشوق والحنين

يا نبتة في دروب اليباب

يا فرحة الليل الحزين

اديني من روحك امان

احميني من جور الزمان

ضمد جراحااااات السنين

كتبت ليك الاغنيات

نظمت فيك أنا أحلى الكلام

قبل الشجن والأمنيات

قدمت ليك الاحترام

لا داير اكتر من رضاك

لا طالب اكتر من سلام

وافضل احبك انا من بعيد

اتباهى بالريد والغرام

وافضل احبك آااه من بعيد

اتباهى بالريد والغرام






الليلة جاية



قالو انتي الليلة جاية

جايبة بسماتك هدايا

شوفي كيف وجداني غنا

أحلا أشعاري وغنايا

شوفي كيف وجداني غنا

أحلا أشعاري وغنايا

كل دقة باب ونبضو

يرقص الشوق في الحنايا

أسرع الخطوات شوية

وافتح الباب بي عنايا

أسرع الخطوات شوية

وافتح الباب بي عنايا

ألقى انو الباب متيم .. قصدو يلعب بي هوايا

فجأة دق الباب حقيقة

والوعود صدقت معايا

فاح مع الأنسام عبيرك

عطرت كوني وسمايا

أصلي شايلك في سنيني

ياربيع فرحي وهنايا

أصلي شايلك في سنيني

ياربيع فرحي وهنايا




وحيده سارحة



لما تبقي وحيده سارحة

ناجي عينيك واسأليها

عن حبايب

عن قرايب

عن عيون مشتاقة ليها

كم مضت ايام جميلة

والهنا العشناهو فيها

هوي هوي

يانسيم الليل مسافر

عدي بي كل البيوت

وازرع البسمة فشفاهو

واطرد الأحزان بعيد

كل ضحكة آااه تمحو دمعه

والألم يرحل يزول

هوي هوي

كنا في أيام صفانا

نزرع الحب في القلوب

الورود كانت معانا

فايحه في كل الدروب

صفي قلبك قلبك لي هوانا

واسمع اللحن الطروب

هوي هوي






[هويتك ]




بحبك حبيبي

شعور احتواني

شعور امتلكني

من اول ثواني

لحظة رأيتك تأكد هويتك

نسيت العذاب

تلاشت ظنوني

هويتك تسارع اليك الكلام

تناغم تجمل تصبب هيام

قالت عيونك

وباحت الغرام

بحبك حقيقة بكل احترااام

هويتك تسارع اليك الكلام

تناغم تجمل تصبب هيام

اوووو قالت عيونك

وباحت الغرام

عشقتك حقيقة بكل احترااام

هويتك بتمسح هموم الليالي

بتنظم هوانا

تقول لي عيونك

عشقتك حقيقة

برغم احتمالي صدك عذابي

بحبك حقيقة

شجونك هواني





[يا محــتار ]



يامحتار بدرب الشوق

حتلقى الشوق صعب

آاه ودار

تشوف الحيرة والآلام

ودنيا ملانة بالأسرار

وتلقى الشوق صعب آاه ودار

يا محتار

نحنا بدينا في اصرار

مشينا نناغم المجهول

وقلنا تعبنا بكرة يزول

نجيك ومعانا سمح القول

و ريداً في القليب مشتول

و ريداً في القليب مشتول

نواصل في زمن غدار

ونلقا الشوق صعب ودار

ونلقى الشوق صعب آاه ودااااااااار

آااه دروب الشوق نفتش فيها ليل ونهار

متين كان الدرب معروف

ونحنا وصلنا حد الخوف

نصارع في زمن ملهوف

وتاااني نصالحو بي المعروف

وتاااني نصالحو بي المعروف

ندور في السكة والمشوار





كلمات اغنيه شايل الافراح



شايل الافراح انا جاييكي والقلب دوام مشتاق ليكي
سافرت بعيد قاصد فرحك ما كان القصد ابكيكي
قضيت العمر بعيد عنك فاكر من بدري نسيتيني
في صدفة جميلة اتلاقينا من اول نظرة عرفتيني
من طيبة قلبك واخلاصو بي دمعة شوق قابلتيني
مع اني زمان ياما جرحتك بي كل حنان سامحتيني
لا فايتك تاني ولا مسافر يا احلا عيون فايضه مشاعر
يكفيني اعيش في اوطاني مليانة محنة وحب طاهر
والماضي الفات ما بطراهو ابنيها معاك احلام باكر
والامل الغاب من دنيانا يرجع من تاني يكون زاهر





سيد المعزهـ ::



ذ**** ليها لذة يا سيد المعزة

مشتاق لعيونك ما برتاح بدونك

الا سلاح جفونك هز قليبي هزة

مشتاق لعيونك ما برتاح بدونك

الا سلاح جفونك هز قليبي هزة

في دربك طمعت ومنك ما قنعت

بصوتك سمعت وهز قليبي هزة

في دربك طمعت ومنك ما قنعت

بصوتك سمعت وهز شعوري هزة

ده الحطم شقايا بريد الزول برايا

لو عرفو الحكاية قالو عليها اهزا

ده الحطم شقايا بريد الزول برايا

لو عرفو الحكاية قالو عليها اهزا

ذ**** ليها لذة ذ**** ليها لذة

ذ**** ليها لذة يا سيد المعزة




بغنيلكـ ::


بغنيلك وأغني معاك

وأمد كف الأمل للنور

وبين دنيانا والأفراح

نمد كل المسافة جسور

بغنيلك واغني معاك

بغنيلك انا اغني معاك

اها المواسم في حداك

كل المواسم اخضرار

والخطى الدامت زمان

بين المظالم والوداع

ترجع ويرجع ليها نور

ايقاعها مشوار انتظار

مفتونة بالندى والنهار

بغنيلك واغني معاك

الحروف في وصفك انتي

بتبقى ما ياها الحروف

بتبقى زي عرس النجوم

ضواية في احلك ظروف

مخضرة زي فرح السنابل

منتشرة في كل الجروف

زي نسمة الحنية عبرت

وشايلة كل الريد تطوف

بغنيلك واغني معاك

بغنيلك انا اغني معاك





لون ::



يطلع منك في ريدك تاني
فرح اطفال زهور واغاني

بحلم بيك وانتي معاي
شايلة في ريدك زهر صباي

وانظم فيك احلى اغاني
نرجع تاني ريد واماني

لانك فينا اللون التاني
بذوب فيك اااه بس كفاني

فيك الروح وقليب مجروح

لما الشمس تطل من تاني
تفضلي فينا اللون التاني





جرح الفرقا ::



زي ما بنشفق احنا عليك

اشفق انتا علينا كمان

ما تعذبنا

ما تجرحنا

كفانا عمرنا مع الحزان

سبنا عشانك كل الناس

برضو جزانا تروح سايبنا

وبرضو تفوت من غير ما تسأل

عارف الدمعة بوراك تغلبنا

لو حكمتا ضميرك مرة .. مصيرك ترجع وتطايبنا

لو عارفين قلبك بيظلمنا

كنا زمان من أول تبنا

جرح الفرقا في قليبنا بينزف

جيت الليلة تزيدو جراح

وما هماك الليل الطول

دا ودر مننا أحلى صباح

شمعة ريدنا قبل ما تضوي

جات الفرقا شايلة رياح

والقايلينو بيجيبو أملنا

جاب لعيوننا الدمعة وراااح

قبل ما تهل علينا عيونك

وتعلمنا كلام الريد

وما قايلنك يوم حتسيبنا

وآخر العشرة تروح سايبنا

بعد توهتا خطانا بعيد

زمان فرحتنا أول ساكت

جيت بكيتنا صباح العيد

زمان فرحتنا أول ساكت

 

رد مع اقتباس
  رقم المشاركة : ( 62 )  
قديم 28-04-2009, 06:11 AM
 
مجنون صباحى
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  مجنون صباحى غير متواجد حالياً  
الملف الشخصي
رقــم العضويـــة : 913
تـاريخ التسجيـل : Apr 2009
العــــــــمـــــــــر :
الــــــــجنــــــس :  Sudan
الـــــدولـــــــــــة : على قلب صباحى
المشاركـــــــات : 27 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : مجنون صباحى is on a distinguished road
افتراضي رد: مكتبه جميع كلمات الاغانى السودانيه

 

 تسلم يا غالى مع انى زعلان منك

 

رد مع اقتباس
  رقم المشاركة : ( 63 )  
قديم 28-04-2009, 03:38 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 

اقتباس:
المشاركة الأصلية كتبت بواسطة مجنون صباحى مشاهدة المشاركة
تسلم يا غالى مع انى زعلان منك

تسلم انتا يا قلب

ليه فى شنو ربنا ما جاب زعل

 

رد مع اقتباس
  رقم المشاركة : ( 64 )  
قديم 06-07-2009, 02:55 PM
 
دوب الليل
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  دوب الليل غير متواجد حالياً  
الملف الشخصي
رقــم العضويـــة : 1365
تـاريخ التسجيـل : Jun 2009
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 1 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : دوب الليل is on a distinguished road
افتراضي

 

 السلام عليكم ورحمة الله وبركاته

بارك الله الله فيك
مامبدع

 

رد مع اقتباس
  رقم المشاركة : ( 65 )  
قديم 10-07-2009, 12:24 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي

 

 

اقتباس:
المشاركة الأصلية كتبت بواسطة دوب الليل مشاهدة المشاركة
السلام عليكم ورحمة الله وبركاته

بارك الله الله فيك
مامبدع

بشكرك كتير اخى على مرورك الرائع

لك التحيه

 

رد مع اقتباس
  رقم المشاركة : ( 66 )  
قديم 24-08-2009, 10:57 AM
الصورة الرمزية الامورة
 
الامورة
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  الامورة غير متواجد حالياً  
الملف الشخصي
رقــم العضويـــة : 1694
تـاريخ التسجيـل : Jul 2009
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 1,900 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : الامورة is on a distinguished road
افتراضي

 

 كنت بفتش في كلمـآت اغنيه لفرفور

و قوقل جاابني هنـآ

ههههههههههههههههههههههههه

 

رد مع اقتباس
  رقم المشاركة : ( 67 )  
قديم 07-10-2009, 12:56 PM
 
مزاهر
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  مزاهر غير متواجد حالياً  
الملف الشخصي
رقــم العضويـــة : 1612
تـاريخ التسجيـل : Jul 2009
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 3 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : مزاهر is on a distinguished road
افتراضي

 

 دي كلام جميل الله يديكم العافية

 

رد مع اقتباس
  رقم المشاركة : ( 68 )  
قديم 08-10-2009, 02:48 AM
الصورة الرمزية الكروان
 
الكروان
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  الكروان غير متواجد حالياً  
الملف الشخصي
رقــم العضويـــة : 109
تـاريخ التسجيـل : Sep 2007
العــــــــمـــــــــر :
الــــــــجنــــــس :  Egypt
الـــــدولـــــــــــة : بعيـدأ عـن الحيـاه.!
المشاركـــــــات : 3,582 [+]
آخــر تواجــــــــد : ()
عدد الـــنقــــــاط : 83
قوة التـرشيــــح : الكروان will become famous soon enough
افتراضي

 

 ادينى احساس بالامل
فى كل لحظة شوق تطول
وادى الخطاوى الراجعة ليك
فى سكتك عشم الوصول
ما الدنيا كلها انتظار
و الارتحال قدر الفصول
ما الموجة بتحلم بالضفاف
و الغيمة بتحلم بالهطول
راحل معاك ضى الامانى
و الزكرى للايام هناك
لحظات بتزخر بالمعانى
و كيف انى تذكارات هواك
نتحمل الغربة و نعانى

و نفسى عشان نكسب رضاك
و نغنى لو زارنا الحنين
يا ريتو كان سفرا معاك
يا ريتو كان سفرا يطول

 

رد مع اقتباس
  رقم المشاركة : ( 69 )  
قديم 03-12-2009, 10:30 PM
الصورة الرمزية احمد كنه
 
احمد كنه
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  احمد كنه غير متواجد حالياً  
الملف الشخصي
رقــم العضويـــة : 2582
تـاريخ التسجيـل : Nov 2009
العــــــــمـــــــــر :
الــــــــجنــــــس :  Sudan
الـــــدولـــــــــــة : السودان ام درمان
المشاركـــــــات : 89 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : احمد كنه is on a distinguished road
افتراضي

 

  شلت الكلام القلتو فيك وقفت الجميع
تاني الكلام اهديتو ليك جاهرت بحبي البديع
ياقمة الريد المثالي ومدخل الذوق الرفيع
خليني جنبك يا عظيم اكسب رضاك انا لو استطيع
ياحبي لوجار الزمن تلقاني انا بخلص ليك واطيع
ما بساوم بغرامك ما بجامل انا لو اضيع
يانسمة هلت من سراب مليانة بالشوق والحنين
يانبتة في دروب اليمام يا فرحة الليل الحزين
اديني من روحك امان احميني من جور الزمان
ضمد جراحت السنين
انا كتبت فيك الاغنيات نظمت فيك انا احلى الكلام
قبل الشجن والامنيات قدمت ليك الاحترام
لاطالب اكبر من رضاك ولاداير اكتر من سلام
وافضل احبك انا من بعيد ابداها بالريد والغرام

 

رد مع اقتباس
  رقم المشاركة : ( 70 )  
قديم 08-12-2009, 01:02 PM
 
نصف القمر
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  نصف القمر غير متواجد حالياً  
الملف الشخصي
رقــم العضويـــة : 1270
تـاريخ التسجيـل : Jun 2009
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 52 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : نصف القمر is on a distinguished road
افتراضي

 

 حلو شديد بس لو تكتب لفانين شباب

 

رد مع اقتباس
  رقم المشاركة : ( 71 )  
قديم 13-12-2009, 05:13 AM
 
الشيخ منقة
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  الشيخ منقة غير متواجد حالياً  
الملف الشخصي
رقــم العضويـــة : 2263
تـاريخ التسجيـل : Oct 2009
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 4 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : الشيخ منقة is on a distinguished road
افتراضي

 

 مشكور يا حفيد المك زيد وابدع من روائع بلادنا

 

رد مع اقتباس
  رقم المشاركة : ( 72 )  
قديم 06-02-2010, 09:46 AM
 
محمد ط
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  محمد ط غير متواجد حالياً  
الملف الشخصي
رقــم العضويـــة : 3055
تـاريخ التسجيـل : Jan 2010
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 1 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد ط is on a distinguished road
افتراضي

 

 لا قادر أنتظرك شجون لا أخترت من غيرك بديل
كيفن تفوتى نهار عشم تتوسدك مأساتى ليل
ماطالها ما طالك أمل و الباقى من دربك طويل
خليهو فيكى الإنكسار و إتقبلى الشكر الجزيل

 

رد مع اقتباس
  رقم المشاركة : ( 73 )  
قديم 13-02-2010, 08:10 PM
 
كركراب
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  كركراب غير متواجد حالياً  
الملف الشخصي
رقــم العضويـــة : 3137
تـاريخ التسجيـل : Feb 2010
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 15 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : كركراب is on a distinguished road

 

 :but_Download::save:

اقتباس:
المشاركة الأصلية كتبت بواسطة حفيد المك مشاهدة المشاركة
الهواء يستحيل


كلمات الشاعر العملاق : ابراهيم ابنعوف


غناء الفنان : عبدالقيوم الشريف


اهواك ويلا واحتمل ....................ويلات هواك *** ***


اهواك ..طوعا كون انّو ................هواك لي نبضا وحس


اهواك موهدب بصراع اللقيا ............ والخوف والوجس


اهواك قدر مكتوب علي ............... كيفن من القدر احترس


وا ضيعتي ..وا ضيعة فؤادا ............... فيهو حبك متغرس


همسات غنيواتنا الزمان ..................... الكنّا نسمعا بهمس


تحت الشتيلة محل ..نناجي ................. الريدة نحلم بالعرس


من بعدك الايام خلن .................... والعيشي فيها بلا نفس


كيفن يضوق طعما ويروق .............. زول فصّل الاحزان لبس


زرّت امانينا الرياح ..................... خلّت عقاب حظا نحس


في دنيا ما تفرحني يوم ................ من تاني ترجع تنعكس


ارجاها بالحلم الضحوك ............. تظهر لي بالوجه العبس


سدس السعادة تقسّموا .............. وتلحقني في باقي السدس


عزيّت سهادي علي المنام ........ شوقرت طرفي الما نعس


بلشوق كويت جرح الفواد ......... معانو تب مابيتلمس

 

رد مع اقتباس
  رقم المشاركة : ( 74 )  
قديم 12-07-2010, 02:59 PM
 
بلاك بيري
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  بلاك بيري غير متواجد حالياً  
الملف الشخصي
رقــم العضويـــة : 4584
تـاريخ التسجيـل : Jul 2010
العــــــــمـــــــــر :
الــــــــجنــــــس :  Saudi Arabia
الـــــدولـــــــــــة :
المشاركـــــــات : 2 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : بلاك بيري is on a distinguished road
افتراضي

 

 لا ابي بابا يغسل العده

 

رد مع اقتباس
  رقم المشاركة : ( 75 )  
قديم 12-07-2010, 03:03 PM
 
بلاك بيري
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  بلاك بيري غير متواجد حالياً  
الملف الشخصي
رقــم العضويـــة : 4584
تـاريخ التسجيـل : Jul 2010
العــــــــمـــــــــر :
الــــــــجنــــــس :  Saudi Arabia
الـــــدولـــــــــــة :
المشاركـــــــات : 2 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : بلاك بيري is on a distinguished road
مجهول

 

 بصراحة المنتدى يبيلة دردشة

 

رد مع اقتباس
إضافة رد




يتصفح الموضوع حالياً : 1 (0 عضو و 1 ضيف)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
جميع كلمات الفنانه(اصاله) الجنرال الاغاني العربية 112 02-11-2008 01:40 AM
كلمات الاغانى لى الاستاذ الكبير محمد الامين الكروان اغاني الرواد والحقيبة 24 19-08-2008 02:27 AM
جميع كلمات الفنان (كاظم الساهر) الجنرال الاغاني العربية 179 09-04-2008 07:20 PM
جميع كلمات الفنانه ( لطيفه ) الجنرال الاغاني العربية 89 09-04-2008 07:09 PM
كلمات الاغاني للفنان الرائع >> علي الحجار << الكروان الاغاني العربية 8 09-01-2008 08:38 PM


الساعة الآن 10:51 PM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd. Trans by
© منتديات شبكة سوداني ون ©

a.d - i.s.s.w