مكتبة الشاعر أزهري محمد علي

بحبك بحر مـــعـــاى وغشيتك أسلم عليك أتكّل قصادك هموم الحراز أطمّن طيوف الخريف الوشيك أبشر دواخلك بوعد الرزاز مودر ملامحك غبيتك لقيتك بتلفظ شوارعك بيوتك

إضافة رد
  رقم المشاركة : ( 1 )  
قديم 03-08-2007, 04:33 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
مكتبة الشاعر أزهري محمد علي

 

 بحبك بحر



مـــعـــاى
وغشيتك أسلم عليك
أتكّل قصادك
هموم الحراز
أطمّن طيوف الخريف الوشيك
أبشر دواخلك بوعد الرزاز
مودر ملامحك
غبيتك
لقيتك
بتلفظ شوارعك بيوتك
تصادر خطاك وتكاجر مشيك
تغالط حواسك ملامحك
وتحرد عيونك مقاطع وشيك
سألتك خبارك ؟!
مسُوكر لسانك
! وصمتك يشفق
خبارك ! بتغرب شموسك
زمان الشموس البتشرق
تضيع الملاحه التعطن وجيهك
ومّنك تدفق
! خبارك غريبة
أقلب دواخلك
أكوس الحبيبة اللى عنك بتفرق
بتفرق حبيبتى البتلبس فصول الخصوبة
بتضحك أغانى
وتدفق عذوبة وبتنزل مطر
عشقتك لأنك حبيبتى
وبحبك بحر
عشقتك لأنك خواتم الحقيقة
وطريق الوصول لأنك بداية الخليقة واساس القبول
أحيّى الغيوم البتفطم ذبولك
ترضع سهولك ، مواسم الهطول
واحيّي المدائن البتفتح حدودا
وتمنح عيونك جواز الدخول
يزيد خيرك
ولا طابت بلاك عيشة
مقسمة إنت فى غيرك
مقسمة فيك ما فيشه
ومخيم ليلك العسعس
لا برقن بروق صحوك
لا صبحك رضى اتنفس
يحندك فى العطش غيمك
تمطري إنت فى الخاطر
وتنفضي من دواخلى العس
بديت أتسامى للآخر
رميت توب البيات الرث
قويت إتيقنت روحي
وسقط منى الكلام الغث
أنا الدّاخرك بصيرة وشوف
يا بقعة ضو
فى عتمة قلبى المحفوف
ومسربل فى بالشتا والليل
والخوف
فارغة ومليان بيك
وضيقه عليك البشره
أنا غيبتك بينى وكنتك
زمَََََََََََلتك فى الخاطر بُشرى
مزَقت ستار الجلد الهش
وطلعتى من الجسد القشرة
تاوقت
لقيتك فينى النفس الكاملة
تتوقى اليابسة
والنهر فى إيدك صلصال
يتسارق ضوَك خافت
متهافت نحوك أجرى
مهرول راكض
سابقت خُطاى وحدقتك
غيمة .. وضل .. وبُحيره
ضاريتك بينى وضاريتك
من الحزن القابض
نفسى وروحى واقف عارض
ستفت عيونك بالمطرة
وقرحتك ضد الزمن الراكض
وحدقتك حبيبتى
البتشبه فصول الخصوبه
تضحك أغانى وتدفق عذوبة
وبتنزل مطر
عشقتك لأنك حبيبتى
وبحبك بحر .



l;jfm hgahuv H.ivd lpl] ugd

 

ضع تعليق باستخدام حساب الفيس بوك

رد مع اقتباس
  رقم المشاركة : ( 2 )  
قديم 03-08-2007, 04:34 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 يا مشرع الحلم الفسيح


يا مشرع الحلم الفسيح
أنا بينى مابينك جزر
تترامى .. والموج اللّديح
القدرة والزاد الشحيح
كملتو .. ما كِمل الصبر
نتلاقى فى الزمن المريح
ميعادنا فى وش الفجر
يا مشرع الحلم الفسيح

يا مشرع الحلم الفسيح
يا بعض منى .. وفينى ساكن
أنا أصلى منك ومشتهيك
و بيناتنا ليل الغربة ... داكِنْ
هبّة هبوبك..
أفتح شبابيك المساكن
وسـِّع دروبك ..
ولـِّع مصابيح الأماكن
يا مشرع الحلم الفسيح


يا مشرع الحلم الفسيح
يومنا النـّهِـبْ .. أسلِبنا خوفنا
كبـِّرنا قدرك .. مرتين
وطـِّول قدر كتفك .. كتوفنا
يا رغبة الرعد البيسكن ..
بين غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا


يا مشرع الحلم الفسيح
أنا وإنت .. والمطر الفصيح
حانطوِّع الزمن القبيح
نأخد بعض .. شكل السما
حدِّثنى دايماً .. كلما
تنشف على البر الضفادع
يهجر الضو المواضع
وتسقط من الكف الأصابع
حدثني دايماً كلما
تحرد مراسيك السفن
تسكن مرافيك الزعامات .. الدُمى
حدثنى لو تاهت خطانا ..
على الدروب المبهمة
أو ربما..
تهدم آلات الشوارع ..
وترجمْ العُزّى الصواقِع
حدثنى لو مطرك همى ..
حدثنى لو صادف الكى المواجع
وضلك على الساحل رمى
حدثنى لو مطرك همى
علمنا دايماً كلما
نبذر على أرضك شهيد
يطلع شمس ..
يبهر بأنوارو السما

يا مشرع الحلم الفسيح

 

رد مع اقتباس
  رقم المشاركة : ( 3 )  
قديم 03-08-2007, 04:34 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 الطشاش

غيب إحساس الرضى
ومسَح الروح بالغباش
وانا ما نعيت
طيب معشرك
ولا أقمت عليك عزا
إشتهيت أفرد ضفيرتك للمطر
واحقن وريدك بالدُعاش
واكتفيت
أفضل أريدك إندهاش
أو ألوذ بي نفسي عنك
! يامدهشة
أنا وين أفوت منك أمش؟
بشفق عليك
من حسن ظنك
بالملايكة المارقه من باب الشمس
يا جابدة من تحتى الأرض
وقابضة فى نفسى العرش
يا نابضة من عطش الجسد للروح
مجلوبة إنت ومستباحه
كل المواعيد الزنيمه
كانت مباحة
ومطلقة
كل البراحات الحميمة
موصوده دونك ومغلقه
مسجونه فيك
إنتظارات السحاب
والإحتمالات المريحه ومقلقه
محلوبه من دمك عصارة العفه
فيك
لا فُضّ فيك
يا صومعة إملاقى والعشق المحال
دقت مسامير الفجيعه
على العُضام الحيه واللحم الحلال
بتمرقى من وجع المحجَه
وتندسى بين جرحى العُضال
وما انبله حلقك بالإجابات السؤال
فعلام جدواه .. السؤال
علام جدواه السؤال
وفارسك مدجج بالدعاوى الخايبه
والوعد الحنوط
رددتى فى سرك جلالات الهزيمة
وتليت على سرى التشهد والقنوت
مطموسة فيك كل الصحايح
بالفضايح
الواقفه شاهد والبيوت
وتعارضه ما بين الضحك والعبره
شوكة حوت
فعلام جدواه السؤال
يا باحثه عن كل السواقط
من نهاراتنا المهمة
ونابتة من خيبة أملنا
مع الليالى المدلهمة
يا متعبة
ومحقونة بى خدر الأمانى
المستجمة
أنا ما دلقتك للشوارع البارده
ولا البيوت المترفه
لو راودك عن نفسك الماجن الدّعى
وهدّ عزمك بالوعود الزايفه
ما تنسى إنك كنت وافقه
على المسامير الصقر
مجليه بى عرق الشفا
لا شاكيه من ذل العوز
لا باكية من وجع الجفا
وأنا ما دلقتك للشوارع البارده
ولا البيوت المترفه
يا واقفه مشروخه وأبيه يا نحملك شرف القبيله
ونغرمك سيف القضيه أو نبعثـك حُـرة ونـبيّه
لو قد ثوبك من قفا وأنا ما دلقتك .. ما دلقتك

 

رد مع اقتباس
  رقم المشاركة : ( 4 )  
قديم 03-08-2007, 04:35 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 الخروج من بيت النمل

تمى غناك الخمجان
وزودى إيقاع الرقص
ومحل ما تمدى إيدك
أنزلى أمطار
وريحى أعصاب الطقس
مدستر فيك الزول الجواى
ومنك أول زول
نازل دستوروا معاى
أول زول صالحته لوجه الأرض
كان منك
آخر زول ناهر خوفى
وعارف معنى الرفض
كان منك
يا متوهطة حلم الكل
ومعلنة إنك ضد البعض
أنا راغب أستخلص عذبك
من بحر الشك المالح
أسقيك حليب الروح
أكسيك من عُري الزمن الفاضح
يا وحم العشق المحموم
ومخاض الجرح الفادح
أنا ليه قدامك .. دون
وعدتك نمشى نخصب حلم المويه
بوعد الرمل
رجعنا نكلم حلم المويه
برفض الرمل
وقعدنا بنقطع فى المويه وفى الرمل
سرقوك منى ودسوك
فى بيت النمل
طراك الصهيل حس الصرير فى بابى
أنا عازمك مقيل ومخصمك ما تابى
خليهو العويل كان يسترك جلبابى
يا جدية العُزاز ما بلحقك نشابى
فى الوادى الفسيح مرقت براها كلابى
فزت فى القنيص صدّن بلاها كلابى
أدتنى السلام سلمتها السبابى
حنت للرحيل رحلت مع الجلابى
وحّيدا الكتيل كتل المنخلع للدابى
ويا خيه .. كل البراحات وسوسه
الهاويه خلفك والبحر
وقدمك طنين الهلوسه
محمدك ساساق دروب الهم
محمدك .. طول المدى الشاسع
بين الإيدين والفم
ويا إنتى العشم مزبوح
أدسك فى خلايا الدم
تمرقى بى خراج الروح
حمل كاذب رعد أبكم
حبل متروك على القارب
واشوفك فى الحصار باهته
نتف غضب العُصار ريشك
حتل فيك الكلام الرخو
نقز فى دمى درويشك
واظنك إنتى
غشاك الشعور بالزهو
سقط سهواً غناك الكان
بكلب جلدة الغفوة
وينفذ من مسام الصحو
لكنك بتطلعى من حوافر الخوف
تطلعى من حلم مهووس
ومن فجة سفر طول
يسربك الحنين فينى
تعلنى عن زمن آتى
تعلنى عن وطن أجمل
ولكنك بتطلعى .

 

رد مع اقتباس
  رقم المشاركة : ( 5 )  
قديم 03-08-2007, 04:36 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 وضاحة

الـصباح الـباهى لونك
وضّـاحه يافجر المشارق
غـابة الأبـنوس عيونك
يَـابْنَيّه مـن خُبز iلفنادق
شـيدتي في جواىْصوامع للفرح
وفـتحتِ في دُنياي مسارح
للمرح
وبـقـيـتـي لــــيْ
سِــكّــه وعــيـون
لا قِـــدرْتَ أطـولـكْ
شــــان أجــيــكْ
لا قِـدرْتَ من غيرِكْ أكونْ
وانـا بـيك مالينى الكلام
حرّكت بيك عصب السكونْ
جَـلبتَ لـيكْ الغيم رحط
طـرّزتَ ليكْ النيل زفاف
حَــرَقْــت ليك
الــشــوق بــخـور
وفــرشــتَ لــيـك
الــريــد لِــحَـافْ
لا الـسِكَّه بـيكِ بِـتِنْتهي
ولا مـعاك ملّيت الطواف
يـا ريتني لو أقْدَر أكونِك
الـصباح الـباهى لونك
يَـابْنَيّه مـن خُبز الفنادقْ
غـابة الأبـنوس عيونك
وضّـــــاحــــه
لــو طــال ا لطريق
بـيناتْنا واتـرامي الـمدى
وصنَّت مَسَامْعِكْ من iiنِداي
شِـرْبَتْ فـيافيِك ا لصدى
مـا تـحنِْى هامات النخيل
مـا تـرمي دَمَعاتالندى
مـا تْشنِّفى الزمن الجميل
دا الـعُمرِ يـا دابـو اْبتدا
! والعُمْرِ إيه حيكون iiبدونِك
وضّـاحهَ يا فجر المشارِق
الـصباح الـباهى لـونِك
يـا بـنيه من خبز الفنادقْ
غـابة الأبـنوس عيونك

 

رد مع اقتباس
  رقم المشاركة : ( 6 )  
قديم 03-08-2007, 04:37 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 أبداكي من وين ؟؟؟؟

أبداكى من وين .. ؟

وفينى منك

لسة حاجات من مخاوف ومن شجن



أبداكى من وين .. وظنى إنك

فكرة إعلان الحياة

وإنتهاءات العوارض والمحن

نفسى ألقاكى وأكون

أنا كلى من بعضك

أو .. بعضى من كلك بدن

وداير أبقاكى وأوحد دورة الدم

المقسمة بينى .. بينك .. والسحن



أبداكى منى .. ولاّ منِّك

أبتديكى محل .. محل

من ياتو منفذ أدخلك

وكل المنافذ فيكى سدّاها النحل

من ياتو شارع أوصلك

وكل الدروب معطونة لى آخر الوحل

.. أستبيح كل الحواجز .. وأدخلك

من كلامك بدخلك

من بين مسامك بدخلك

من أى قاسم مشترك

وشبهة تشابه .. ادخلك

ونتلاقى نهرين من تسامى .. وإشتها

وأبداكى من حيث أنتهت عندك خواتم الإنتها

أبداكى .. وأخلع خيام عمرى المضى

وألقاكى مبسوطة اليدين

مفتوحة أبواب الرضا

أبداكى من لحظة أنستِكْ نار

وأخدت من قبسك .. هُدى

وأنا ضُمـّة زاهد

فى الدروب الما بتجيك

.. ولا بترجِّع ليا من تالاك صدى

أبداكى من وين ؟

 

رد مع اقتباس
  رقم المشاركة : ( 7 )  
قديم 03-08-2007, 04:38 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 حضنك البستان



مرقت من نهرك

جرف اخضر



بقامة حضنك البستان



بقامة يشتهيك الطل



وتحتشد الحديقه هديل



تنفض المدينة رهان



جنون الاعتصام



في بت تفسح ضحكتا الطاعمه



تستّف ما يشاء الدل



مسامات الازقه ضحك



يسلم ضحكتا الدخان

!!!!!


جنون

نفخ فيها الاله روحو



مرق احساسا من طين الحما المسنون

!

!


فعمّ يتسائلون
عن الوعد اليقين

اذا انتبذت حفيدة الطين



اقاصي الجرح



دارين من حنين



وغنّت لي فرح وهاج



وحلّت زي حلول الروح



جسد في جبة الحلاج



وهاج وحما الخليقه عليها



امشاج ابتلت امشاج



ما تاكت الباب البجيب الريح



ولا واربت نفاج



ومحتاج لي ضفتين من شوق



اذا الهدّام بلغ قيفك



ادخلي ما تسع ايديك



وامرقي ما يسع كفيك



انا اتسلبط في لونك



عشان اسرقك



من شمس تفر الضو



علي ابعد نفق في الروح



الوان من مزيج طيفك



منو السماك



ضرة الموية



ونديدة النار



يوم حتحتك فينا الرعاف



منو العلّمك



نسج التباريح في العصب



وانتي بتجلبي الغلا



في سنينا العجاف



بخاف تهجرك موية الرهاب



وفي السكة بستلفك وهم



وانا باتجاهك محتشد



بالرغبه واحساس اللغم

!!


انا متهم

اني البحبك وحدك

!!


انا متهم

اني البحبك للابد



فكرة وبساسق فيك



من ذرة بخار المويه لي قاع اللحد



البنيّات حاحن النوم



من عيوني وروحن



البنيات المن حلاتن عشرقن



ركّن علي غصني بيقوقن



نقدن قندول غناي



ونقّطن شهد ولبن

!


وفاتن مشن

فاتن مسافه يلمحنك ويمّحن



فاتن مسافه يكبجن



جماح الرغبه والحاح الجسد



فاتن مسافه يلفحنّك



من رمض او يمنحنك ضل



رتّبي مدخلات العشق



فراش بين الرحيق والفل



بناديلك حبيبة القلب



ينادولك حبيبة الكل



جرف اخضر



بقامة حضنك البستان



بقامة يشتهيك الطل



وتحتشد الحديقه هديل



تنفض المدينه رهان



جنون الاعتصام في بت



تفسّح ضحكتا الطاعمه



تستّف ما يشاء الدل



مسامات الازقه ضحك



نفخ فيها الاله روحو



مرق احساسا



من طين الحما المسنون

!!!!


جنون


 

رد مع اقتباس
  رقم المشاركة : ( 8 )  
قديم 03-08-2007, 04:39 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 سلامات يا زول يا رائع !!!

مدخل اول
لمتين متيم شطر النيل
متوقي اليابسه



متوكي الغنيه عصا موسي



بتهش من غيم الالفه الشارد



مهدود القدره وفترانه



حردان الضل البارد



بتوجّل لي يوسف في البير



يطلع من بطن البير المارد




:





مدخل ثاني

فات الكان بدينا احساس بالالفه



وكان راوينا



فات الباكي جرحنا وناسي جروحو



ولاّفي ورانا مدينه مدينه



فات الصاحي ونحن نغط



في النومه السابعه



طالق حسو ولا حسينا



حتحت فينا غناه الطاعم



وفات قنعان من خيرا فينا

^^

**



سلامات يازول يارائع



سلامات عوافي



سلامات يا خلاصة الخير الفي الناس



وترياق الزمن المتعافي



سلامات يازول يارائع



سلامات عوافي



محاصر فيك



بسال عن سكه تطلع منك



او سكه تودي عليك



بسال عن مخرج منك وليك



زي نهر بينبع ومالاقي مصب



بتمدد عشقك من اقصي ضواحي الروح



لي اقصي نواحي القلب



يتكثف بسعة اطلاق الرب



وانا كنت بفلي القلب بسيرتك



سمّيتك حلاب الغيم



من ضرع الجدب



وظنيتك مارست الفعل السري



وحفّظت فحولة النيل



ايام الخصب



ولمحتك انت بتمشي



وترقص في حمامك



علي حمة ايقاع الحرب



وتكلكل جلد الكلمه الحافه



لحبيبه بتفتح مجري الغنا في الدم



وتفّلس بيبان القلب



فيا بنوت الشارع الطاعم



قومن كب



قومن للما قصر في غناكن ضمه



ولا اتلوم بوراكن تب



لو تبقي السكه الماشه طشاش



ماتبقي السكه الجيه ضهب



وسلامات يازول يارائع






البارح عصفورتك



ركت في البال



رقصت



وادت عصفور الريد شبال



وطارة من قولة كر



ما الزول النهر العصفوره



بحرّض في كلاب الحر



لابسني وداخل في اللحم الحي



راصد كل البسال عن حالي



حرّش طلّي عليّ



ونتفّ زغب الخاطره التخطر علي بالي



ومنع العصفوره تحوم



استجوب كل الناس البجو في النوم



ما تقوم



يازول يارائع ومهموم



يا مضيع ضي عيني وراك



واقف



يامستف رئة الدنيا شهيق



ومشحتف روح الخرطوم



كيف حال يا ابوي



كيف حال يا خال



وتعال



اتفضل علي باحة بيتنا الطيب


ماعون الاطفال

ضمّد جراحاتك تعال



من ضلاماتك تعال



من حافة البرزخ تعال



من شرفة الملكوت - تعال



ادّينا هينين من صبر



السكه ابعد من مشيك



والجرح اعمق من حدود الاحتمال



السابله والاطفال هناك



قدّامك المشوار طويل



والريح وراك



كل البيوت



اتشرّفت لي طلعتك



القرقراب والقهقهة



مين سمي ترحالك غياب



والغيبة بتزيدك بها



لو يرتق الحزن المصاب



كان بعدك الموت انتهي



يا اقصي حالات الحضور المشتهي



يامنتهي



تعال قرّحنا بي دهشة غناك الحي



وحّي من جرحك الدامي



وفتر حيلك



وحّي من ضلك الرامي



وحمل شيلك



تموت متل الشدر واقف



تموت واقف علي حيلك



فيا حليلك






يا حليلك ..بنستناك



علي صهوة جياد الريح



بنستناك



في الزمن اللديح القيح



علي باب الحلم في غناك



بنستناك



رحيلك شلهت الدنيا



ورتب العالم البهناك



بنستناك



وانا تاني وراك شن لاحق



دهستني في بعدك



حدود الخوف



الداخله عليّ بالساحق



اديني القدرة التمنحني



بحجمك سعة الشوف



لو اقدر اطل من شاهق



لو اقدر الّوح لعيونك



تلمحني



وانا ضعفي امامك فاضحني



سامحني



ما قدرت اطولك



سامحني






شفتك من وجع طالع



علي برزخ ملتقي النيلين



كنت هناك وحيدك



وكل الناس اتنين اتنين



براك واقف



في حد السيف



براك الما وقف بين بين



تغازل حلمك الفارع



فتح بابين علي الملكوت



تسلّم خواتم عمرك اليانع



تسلّم علي حضرة جلال الموت



وتفتح في الارض نفاج



اذا امتلا الفراغ بالصوت



فيا باطن الاديم افتح



براحات الحنين مشرع



وانده لي مدن شاخت



انده لاطلال القري الراحت



بيوت في بيوت



تمرق من شبر مسرح



مدن فاضله



وعالم باتساع الحلم



بقامه يشتهي التابوت



فما لفظ البحر يونس



ولا انسدة شهية الحوت



ويازول ياريع



تمشي بالحسره وتموت؟



سلامات يازول يارائع

 

رد مع اقتباس
  رقم المشاركة : ( 9 )  
قديم 03-08-2007, 04:40 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 جرحت ليه خاطر الحبية ؟

جرحت ليه خاطر الحبيبه



:الحبيبه

المشطت عصب التضاريس



وهدّت علي كل الخرايط ..والفراغات



مدهونه



بي لونه ارصفة المحطات



واقده من ريقا الفوانيس



جرحت ليه خاطر الحبيبه



دي السكه ابعد من حدود الاحتمال



والجرح اعمق من بكا الليل والنويح



ويوم استفزّت قدرتك



قيمة المسافات



عرفت انك قليل حيله وفصيح



ستّفت عمرك في حقايب الرجعه



للسفر القديم



مرقت



تشهّل غربتك



وبي توبا تستر عورة الزمن اللئيم



وتكسي في الشدر اللحا



ماهي الحبيبة الطولت ضل الضحي



وقعدت تفلي السكه من وجع الضريسه



وعضّة الجوع الزنيم



ماهي دي الحبيبه



الشحتفت روحي



ومعطنه في ينابيع الالق



الشاربه من فجر الشروق



وماخده من لون الشفق



ماهي دي الحبيبه



الداخله من بين مسامات العرق



رقراق



وطالعه زي قمر الدجي



وسايقاني في كل الدروب



ساساق



رامياني حد القريفه



وقالياني زي قهوة بجا



ما هي دي الحبيبه



يومي المشيت مجبور



علي السكه المريبه



ادتني احساسا الرطّب



وشهرت ضحكتا العزبه ومشت



كانت رؤاها بتحتشد



زي نار



بتسجن روحا



في عود الثقاب



وتعلن مهرجانات الحريق



لو كشت الواطه ولقيتا



ما كنتا ضليت الطريق



ودفقت مويتي علي الرهاب



مشيت ورا الشدر اليمامه



دي الرتبت خدر الحنين



في الروح وعبت



دوار النشوه...في جسد المنامه



وانا كنت مفتون بي تداعي اليابسه



في عرس التساب



مشدود علي حبل الصعود اسفل



مشلهت بالايادي الفوق



مشلهت والبدن منحل



لفحت من الارض طرقهوالشاطي



في ذروة المد



انكسر



وانا بعزمك علي مويه



عذبه



وضل وريف



لو هم سقط



من طاقه



في حلم الحبيبه






جرحت ليه خاطر الحبيبه

 

رد مع اقتباس
  رقم المشاركة : ( 10 )  
قديم 03-08-2007, 04:41 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 إختــــيار

يا مفتونه بصدق الوعد




يا مسكونه بحلم الغد



انا خيرتك بين الشهد



وبين البّن الفطره



وانتي اخترتي سواد البّن



وطعم القهوة البكره



انا خيرتك



وانتي اخترتي



هل قدرتي الرقعه الواقعه



بين الليله واحلام بكره



وكيف حتملي الحته الواسعه



بين الواقع وبين الفكره؟



وين حتلقي المويه الناقعه



يوم نصطاد في المويه العكره



انا بديك موانع الصاقعه



انتي اديني الموت والستره






انا خيرتك



وانتي اخترتي



واقف جنبك لو احترتي



بايع نفسي وشاريكي



دافنك بيني مواريكي



واصلك مني اتاريكي



لو تعرفي يوم شاهدتك



من روحي بتدخلي في نفسي





باريتك خلسه وغازلتك
سمعتك وما سامع همسي



كضبت عيوني وصدقتك



غيبت احساسك في حسي

:


وناديتك

يا مطمنه في قلبي الخوف



بتونسي روحي وبتحجي



بترجعّي لعيوني الشوف



اتلوّمي دايما واحتجي



مشتاقلك جدا وملهوف



واقف في دربك مترجي



وحجيجك بي قلبي يطوف



جواي بتعمري وبتحجي



وانا جيتك



مكسور الخاطر





جيتك مجروح
ولقيتك مفضوح الصمت



الفي عيونك بالبوح



ممحوق الزمن البين ضحكك والنوح



سكنتك كل الانفاس الحيه



وسلمتك مفتاح الروح



لو تعرفي يوم هدهتك



في ليل بستجدي الغمضه



اقدامك كانت في الصحرا



وايديك في البحر بتتوضا



كم حائط ينهض بيناتنا



كم حائط من بينا اتهدّ



قاومت الرهبة وناديتك






والصوت من عندك ما ردّ
طاوعت الرغبه وغنيتك



غنيت للمراءه الورد

 

رد مع اقتباس
  رقم المشاركة : ( 11 )  
قديم 03-08-2007, 04:42 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 نخلة و أبنوسه ...


الطشاش


غيب احساس الرضي


ومسّح الروح بالغباش
وانا ما نعيت طيب معشرك
ولا اقمت عليك عزا
اشتهيت افرد ضفيرتك للمطر
واحقن وريدك بالدعاش
واكتفيت
افضل اريدك اندهاش
او الوذ بي نفسي عنك
يا مدهشه
انا وين افوت منك امش؟
بشفق عليك من حسن ظنك
بالملايكه المارقه من باب الشمس
يا جابده من تحت الارض
وقابضه في نفسي العرش
يا نابضه من عطش الجسد للروح
مجلوبه انتي ومستباحه
كل المواعيد الزنيمه
كانت مباحه..ومطلقه
كل البراحات الحميمه
موصوده دونك مغلقه
مسجونه فيك انتظارات السحابات
والاحتمالات المريحه ومقلقه
لا فض فيك
يا صومعة املاقي والعشق المحال
دقت مسامير الفجيعه
علي العضام الحيه واللحم الحلال
بتمرقي من وجع المحجّه
وتندسي بين جرحي العضال
ما انبله حلقك بالاجابات والسؤال
فعلام جدواه..السؤال

علام جدواه..السؤال
وفارسك مدجج بالدعاوي الخايبه
والوعد الحنوط
رددتي في سرك جلالات الهزيمه
وتليت علي سري التشهد
والقنوت
مطموسه فيك
كل الصحايح بالفضايح
الواقفه شاهد والبيوت
ومتعارضه مابين الضحك والعبره
شوكة حوت
فعلام جدواه..السؤال
ياباحثه عن كل السواقط
من نهاراتنا المهمه
ونابته من خيبة املنا
مع الليالي المدلهّمه
يا متعبه
ومحقونه بي خدر الاماني
المستجمه
انا ما دلقتك للشوارع البارده
ولا البيوت المترفه
لو روادك عن نفسك الماجن الدّعي
وهدّ نفسك بالوعود الزايفه
ما تنسي انك كنتي واقفه
علي المسامير الصقر
مجليه بي عرق الشفا
لا شاكيه من ذل العوز
لا باكيه من وجع الجفا
وانا ما دلقتك للشوارع البارده
ولا البيوت المترفه
يا واقفه مشروخه وابيه
يا نحملك شرف القبيله
ونغرّمك سيف القضيه
او نبعثك حره ونبيه
لو قد ثوبك من قفا

وانا ما دلقتك
ما دلقتـ.ـــ.ـك

 

رد مع اقتباس
  رقم المشاركة : ( 12 )  
قديم 03-08-2007, 04:44 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 ثرثرة المياه و العصافير لامراءه بالغة العزوبة

فاطمه خباره ما مرقت علي المطره


ولا لاقت ايديها الغيث


معلقّه روحا في حبل الصبر قادوس


ولا كفت من الدعوات


علي التاكوه باب الروح


ولا فاقت من الفاتوها


في درب البحر بتكوس


فاطمه حبيبة الاطفال


ضاقت المره ما ضاقت


فارّه وبسيمها في قلب الضلام فانوس


غرستها في الارض تيراب


لا كملت ولا حاقت


ولا نقر عريقا السوس


فاطمه


لافته تؤدي الي النص





ممطوره ومتحايشه البلل


عصفوره


في وش الريح والزيفه


والخوف والعلل


حمدّني ودعك بالرحيل


وقعدني دربك بالشلل


عصفورة الوطن الجميل


ياباقيه والايام دول


امسينا حاضننك حلم


اصبحنا باكنك طلل


ياخيه بحجم الرهان


في المحنه والخطب الجلل


:نص











حان الان موعد اذان الغيث


وصلاة المويه علي الواطه


الحلبت ضرع الغيمه الدرا


الغيمة الانشرت في السما تبروقه


ودشرت همها من سبلوقة القبله


وفتحت بنيان الافق الواسع


للطير الرجع عصفورة قلبي المطلوقه وفر


للشمس السلت روحها


ومرقت من قطفان الليل زي قرّه


ودعوات القلب الفاتح


لطفله اترّت من اوزار الطين


واتوضت من درن الاحزان المره


وفتحت للطير الطار القبله


ياطير ياطيب ياصالح


تحلم بي عالم متصالح


ونحلم بالحاص في النبله


لي وين بنودي وشينا الكالح


من اسئلة الارض


ومن نقنقة الغيم الحبلي


نحن القصينا جناح الريح


وعبينا العالم في طبله


يا طير يا طيب ياصالح


ارحل ما شاء الترحال


في طلب المويه وقوت العام


وفذ ما فذ الوز


في السما او عام


وامرق من سلة حلمي الخاص


لرحاب الحلم العام


ياكائن-عام


قفاك اعوج وما طاب


في البسيطه مقام


يا طير يا طيب يا صالح


من الفتح الافق لحمام


فلت من ناب لي مخلب


عطش جارح


يغايض الصحرا ببقّه


في بطن الابل


وريق صبار- يضاير اللجه


لآخر فجه


في ذاكرة المياه العذبه


وينتخب المطر سلطان


وكان ..ماكان


حديث المويه في قعده


بداية الخلق
ابتدر الغنا الصلصال


وكشفت في الهجيج النار


اشتد الانين والطلق


دخلت في الوجع سرسار


وقالت قولتا الفاجعه


-الولاده اتعسّرت


وانقطع العشم في صرخه


انقطع حبل العشم


-:وندهنا


يا حلال تحلها


الواسعه


اضيق من رحل يا الله


فاض بينا الحنين لي طفله


حتحتنا في غناها النضم


ويا زوله امنتك غناي


وقهيت وراها نجم نجم


جايك والايام وراي


مكسوف وخائب ومنهزم


اديني من صبرك معاي


للزيفه والايام هدم


اديني لي روحك درب


واتعلمي انو العشق


يعني الغني في من تحب


يعني اشتعالك فيك


واخضرارك في القلب


قرنفله ونعناعه


يا مسبيه بي قسم الوعاظ الباعه


براك اديتي الشواذ العصمه


ودخلتي الاغاني الناشزه بيت الطاعه


براك


يا طاهره في الزمن النجس


ومستفه الحيل بي غناك


انا ما نسيتك في الرماد


شان ازرف الدمعات وراك


وانا لو ببيعك


ما كان غمدتا الكلمه في لب الجفير


ومرقتا اعزل في العراك


وانتي في مفترق الطرق تطمثي


تتحسسي السلك الهلاك


وتهبشي


للغلة في بيت النمل بتفتشي


ما قط ماعون من كفاف


الا وتراق موية وشي


يا واقفه في باب السقط
تدهبشي




يمرجحك العطش من بحر الجبل لي دجله


عاودني الحنين لي سحرتك


ساكت حمتني الخجله
انا كل ماشرقت شمس




القاك


تنقبي في اليقين من جلدي


وتلعبي في المفاصل حجله


كل ما شرقت شمس


تردحي في المنابر
(هي النار..هي النار)




مالهلبت جمره في كبد الرماد


تتشالقي وتاطيها


.......هي النار


قريبة الموية ومريودة السحاب تاريها


مارست الكمون في روحا


وانقطع طاريها


غبت للنسيم الغيم


ولبت بي هواها


غادر الشعرا انهار النبيذ الفيها


كنت كفيف والدنيا قيامه


وكل النار بتعاين


فيك مندهشه


وانا جايك من عبر تقاطع


طالع بيك الشوق والوحشه


انا جايك مهموم


جدعت فيني علق من يوسف


شفتها قامت زي اللهبه


طلعت زي السيف من غمدو


كنا تداعي الجسد الواحد


انتي بتهذي وانا محموم


جريت لقتك من عينهم


جريت باحساس الجري في النوم


كوركتي المد..المد


كان النهر فاتح


حضن المدينه سبيل


ومادي الايادي تكيه


وانا بين صرختك والبر


لوّحت لي اخر غريق ومشيت
لقيت قوس قزح في كتفي




وشنّقت الغمام طاقيه


صافحت الحراز للمويه
حمدني الخريف بي طيه




غنيتلك


(قسيمه تويه


حدث لي ابويا
عشان ازور الدونكي




اجيب لي حبة مويه)



مويه




لي بت منسابه وعذبه وصافيه


بتنبت في الجسد اشجار
وتنقع في الروح العافيه


سميتها النيل الازرق


حردت مني
ودقت ضهر الفيض بالموج


ناديتها العينه


صبّت في الرحم العاقر


وسالت كم؟؟
جرعة بتشفي غليل الواطه؟؟




وصبحت طينه


طلقت شيطان الريح الهوج


ناديت الام


المرقت من ضلعي المعوج
فرفر صوتها


وضحكت مليانه


وبرانا برانا اتونسنا
ونامت مبسوطه ورويانه




ومطامنه اتعارت توب المويه


واشتعلت بردا وسلام
صعدت سموها




البرق


وهبطت سميتها


الطاقه الكامنه


وصلينا صلاة المويه علي الواطه

 

رد مع اقتباس
  رقم المشاركة : ( 13 )  
قديم 09-05-2010, 09:29 PM
الصورة الرمزية سمل ود الولياب
 
سمل ود الولياب
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  سمل ود الولياب غير متواجد حالياً  
الملف الشخصي
رقــم العضويـــة : 3318
تـاريخ التسجيـل : Mar 2010
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 33 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : سمل ود الولياب is on a distinguished road
افتراضي

 

 كلمات جميلة تسلم عيونك يااااحبيب

 

رد مع اقتباس
  رقم المشاركة : ( 14 )  
قديم 09-03-2011, 11:23 AM
 
TAYSEER
:&: عضو فعال :&:

 الأوسمة و جوائز
 بينات الاتصال بالعضو
 اخر مواضيع العضو
  TAYSEER غير متواجد حالياً  
الملف الشخصي
رقــم العضويـــة : 105
تـاريخ التسجيـل : Sep 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : السودان
المشاركـــــــات : 265 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : TAYSEER is on a distinguished road
افتراضي

 

 ادمن ..
شكرا كتييييييير على كل الجمال والروايع ..
ازهري محمد علي ذلك الرائع ..
تقبل مروري

 

رد مع اقتباس
  رقم المشاركة : ( 15 )  
قديم 09-03-2011, 11:27 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 

اقتباس:
المشاركة الأصلية كتبت بواسطة سمل ود الولياب مشاهدة المشاركة
كلمات جميلة تسلم عيونك يااااحبيب
وتسلم لينا يا سمل ،،،
متشكر يا سيدي على التشريف

 

رد مع اقتباس
  رقم المشاركة : ( 16 )  
قديم 09-03-2011, 11:28 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 

اقتباس:
المشاركة الأصلية كتبت بواسطة tayseer مشاهدة المشاركة
ادمن ..
شكرا كتييييييير على كل الجمال والروايع ..
ازهري محمد علي ذلك الرائع ..
تقبل مروري
الروعة في التشريف تيسير ،،
نورتي البوست
مع التقدير

 

رد مع اقتباس
  رقم المشاركة : ( 17 )  
قديم 28-03-2011, 07:18 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 

ثلاثه مقاطع لطفل ما



مدخل اول:
من كان منكم بلا خطيئه فليرمها بحجر
أعلمُ أنك حجر لا تضر ولا تنفع
ولو لا أنني رأيتُك تكسر جدار الصمت العربى لما قَبلتُك.

مقطع أول:
كانت نضالاتَكْ حِلم زي كُلْ علامات الأسى
تسلب مخاوفنا وتعيد لبيوتنا
حلم الانتصار
أو زي حكايات المساء
تَلهِب عواطِفْنا وتموت
بيناتنا فى وضَح النهار
يا مْصَحِّى جُوانا الغضب
يا مْذكِّى فى نفوسنا اللهب
يوم كان ثباتنا والانكسار
كانت نضالاَتكْ حِلم
والحلم من دونه الكوابيس
والأرْضِ من دُوَنا المتاريس
والرَكْب قِدَّامو المطاميس البوار
تدفِن توارِيبَكْ قَمِح تَطْرَح قنادِيلك دَمار
لَمِلم جراحاتَك للشَّمس
تَنْضَح مسامتَكْ غُنا
وتَمْطِر سماواتك حُجار



مقطع ثانى:
وسْوسْتَكْ بِكِلْمة سِّرْ
عَوّزتَكْ من عين الناس الشافيه
كَلّمْتَك بالموت والبعْث
بالعرس الأكبر وصيِّتَكْ
زَفّيتَك للمدن الدافيه
حدّثْتَك بالفرق الواضح جداً
ما بين الدِين والمافيا
عتّقتَكْ بدمِ الشُهداء
جَرْتَقتَك بعرق العافيه
قَدَّمتَكْ ودسَّيتْ فى إيدك
حجرين واللون والقافيهْ

مقطع ثالث:
بتْسَاسِق يا ولدى نهارك
تسأل عن اسم وهويه وجِنْسْ
تسأل عن بيت أو رِمْسْ
وتعود والليل كضَّاب
سجيِّل سجيَّل غضبك وحجارك
تاهتْ بين القفطان والكاب
بين خُطب الأسياد اللّخْمَه
البال الخمران بالتُّخْمَه
وقانون الغاب
والأرِض البينك ما بينا
ألغَام ومُلوك وكلابْ
بِنْسِلَّها حتماً يا ولدى
من بين المِخْلب والناب!

 

رد مع اقتباس
  رقم المشاركة : ( 18 )  
قديم 28-03-2011, 07:21 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 

يازولة


الصوت الطالع مني
بِدّي مسامعك راس الخيط
و الشوق البِحسِب حَب الرمل التحتِك
بِعرِف رنّة ضحكِك ..
رقم الهاتف ..
و شارع البيت
و الخوف البِفضَح صمتي
بِعرفِك إنتي
يعلم إنّي
ماني المالي هدومي
و ما في الجُبَّةِ إلّا إنتي ..
زولة ..
و كاكاو الدم الفيك
مين السّماكِ سِفاح
من رحم أبنوسة و نخلة
مين الورّاك إفراز الشهد
و أداكِ مذاق من ريق النخلة
كضّابة الغابة القالت
تشتِل أنناسة على الصحرا
كضّابة القلتي
حتفصّلي توب العيد للهلة
كضّاب القلتَ
ملحوقة خطاوي المهلة
يا زولة ..
مخنوقة الشهقة الفي رئتي اليمنى
محمومة خلايا الدم و الزفرة
مهمومة شعاب القفص الصدري
ممحوقة حُلول الشِفرة
مفقود مفتاح الباب السري
تذّكر؟ ..
وين لاقيتَك صُدفة ؟
قالتلي – حبيبة القلب الأولى
و الفرح المُعلن مدسوس
دسيت على رِحم الذاكرة النطفة
في هذا الزمن السوس
إتْرَفَعتْ بيناتنا الكُلفة
غنيتِك نخلة و أبنوس
و مشيتِك متقرّب لعيونِك زلفى
تذّكر؟ ..
وين لاقيتَك صُدفة ؟
أذكُر كنّا عناصر شتى
إكتملت بيناتنا العفّة
و الصيف اللاذع شتّا
صفق النيم إتساقط حتَّ
طرفة لمحتِك
قلت النفس
الأبى يتختَّ
يضحك صحوِك
نوّر كلَ مناحي الحِتة
و ما إتسائلت عن إسمِك حتى
إتلمينا عليكِ و بغتة
دسيناكِ من خفر الليل
فسحناكِ المليون ميل
صرّينا تراب أقدامِك في المنديل
و شهلناكِ هتاف
.. و مديح
.. و صهيل
و قدّمناكِ قُربان للنيل
و كان من عندِك بدت الصحوة
جيتِك مِنّك
شادّي خيال الشوق الصهوة
بدينا نفلّي الروح
من نزق الشهوة
و إترجّلتَ بفعل النخوة
جلسنا نخمّس فنجان قهوة
إتشاركنا الزاد و المقعد
فتحنا ملف الزمن الأبعد
قام الفرح الطوّل مُقْعَد
لاقيناك دلوكة و دبكة
و إتسالمنا سلام غُبار السكة
زولة
و كاكاو الدم الفيك
مين السماك سِفاح



 

رد مع اقتباس
  رقم المشاركة : ( 19 )  
قديم 28-03-2011, 07:29 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 

أمنيه

دبت على عصبي الافاعي
وحقن مفاصلنا الشتا
وهبت رياح كل النوازل والتداعي
وزل ايقاع الخطا
قالت حبيبة قلبي لي:
اكسيني من جلدك غطا
وسامحني لو نبتت بذور الريد غضب
ضربت جذور العشق في الزمن الخطا

 

رد مع اقتباس
  رقم المشاركة : ( 20 )  
قديم 30-09-2011, 04:26 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبة الشاعر أزهري محمد علي

 

 

عفوا سيدي الحجاج
أزهري محمد علي

كلابك والأفاعي الحايمة من روتانا لي أمواج ..
كاورت البلد بي حالا ..
... ولا لقت اليقولها جر ..
في ناس جيعانة ما قلبت حرف في صاج ..
... في ناس عريانة ما لفحت هدم في الزيفة ..
ما طالت ايديها رغيفه ..
والسبب المعكر كيفا ..
دق بنوتا بالكرباج ..
ناس غلبانة بس دغرية ..
ما بتعرف تخت طاقية في طاقية ..
والدين الحنيف في شرعها الحرية ..
زدتها في الحرج احراج ..
وزدتها في الدجل دجال ..
عوج شفناهو ماسمعناهو في قول زول ..
قال بنات دقوها دق العيش ..
ولاد ما أندقوا في شبال ..
بقت في غصة الأيام ..
قيم غنيتا يا قدال ..
قيم شلناها عمة وتاج ..
رقيص الشامة بت حمدين ..
وخت الحنة لي يات من حضور ضفرين ..
ونمات العديل والذين ..
ورقصة جون مع أوهاج ..
مشينا نقدم البنوت على ضو الرتاين ..
خفت وهج الغنا الوهاج ..

 

رد مع اقتباس
  رقم المشاركة : ( 21 )  
قديم 30-09-2011, 04:27 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبة الشاعر أزهري محمد علي

 

 

ورحل صوت المغني حزين ..
ورطن صوت العنج هراج ..
سقط في غفلة نون النسوة ..
أخوان البنات والنخوة ..
ستار العيوب والرسوة ..
شيال الحمول أبعاج ..
.. فيا حجاج أكل نارك ..
واتلفح بشاكيرك ..
مع طلعة شهر زو الحجة ..
وأحرم حاج ..
وطوف فوق الجثث طاؤوس ..
وشعبك لا أكل لا علاج ..
وحاج في شنو؟ ..
معاك كل البلد هاصت ..
وفار نحل الجباية وهاج ..
فيا فالق نواة الحبة يافراج ..
ويا باسط عجايب الإسرا والمعراج ..
ويا خالق الخلايا الحية .. أمشاج ابتلت أمشاج ..
طحنتنا طاحونة الفقر ..
طحنتنا سنواتا العجاف ..
يا الله تلزمنا الصبر والسترة ..
والعيش الكفاف ..
وترحمنا من صرة وشي ..
في وش وليداتنا الضعاف ..
..............
غرقان بيرقص منتشي ..
ووطنا مقطوع من خلاف ..
وبأسم الله ما خلالنا شي ..

 

رد مع اقتباس
  رقم المشاركة : ( 22 )  
قديم 30-09-2011, 04:27 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبة الشاعر أزهري محمد علي

 

 

وفصلنا في آخر المطاف ..
يا ناسي أقدار الرجال ..
ما تخشى غدر الله وتخاف ..
كتر عوج الكلام والميل ..
وتحت الجزمة مليون ميل ..
تحت الأزمة طاحونة حوافر الخيل ..
سقط تلت البلد عفوا ..
سقط نص البلد لهوا ..
سقط كل البلد سهوا ..
فهل صحاك ضمير الأمة في هجعة هوايد الليل ..
على زبد الغنا الممحوق؟ ..
شنو الخلاك تنوم تحلم على على خرطة وطن مسروق؟ ..
وطن في السوق .. وطن أشتر ..
مرق من ذمة التاريخ على ذمة كلاب الحر ..
ينوم في جبة الدرويش ..
يقوم بي بدلة العسكر ..
.. فيا ويلك في يوم الويل ..
ويا ويلك .. تقوم تحتك قيامة الناس ..
أفواج الضحايا ..
ستات الكجيك والشاي ..
والناس البعرفو شليل ..
حشود الطلبة والعمال ..
وبنوت الغياب والليل ..
طفولة مشردة ونازحين ..
وكم حجاج .. يجيك من ديل يجيك من وين ..
أولاد الشوارع عووك .. المعدمة ومعدومة ..
قطامة وقرضمة وراندوك ..

 

رد مع اقتباس
  رقم المشاركة : ( 23 )  
قديم 30-09-2011, 04:28 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبة الشاعر أزهري محمد علي

 

 

لماضة وطرقت حلقوما ..
من كل حتة يجوك .. يوم التسود يوما ..
ناسات حكومة الجن .. وناس جنها الحيكومة ..
ما طالا الشوارع في .. في ولاد بعرفوا القوما ..
ولاد راقدين .. وأولاد اسمها المايقوما ..
ديل أولاد شريعة قوش .. المستضعفين في الأرض ..
يبنوا ويهدوا عروش ..
لا بتخون البعض لابتشتريها قروش ..
في كل حته وراك تمرق تلاقي جيوش ..
أصدق لسان الحال من نضمك المهبوش ..
نفس الولاد جايين من طينة حضارة كوش ..
حافظين شعر حميد ..
فاهمين قصايد الدوش ..
ما تمشي يا محجوب دايرين نظبط بوش ..
يا داب عرفنا الصاح ..
دخل الكلام الحوش ..
وشكرا .. شكرا سيدي الحجاج

 

رد مع اقتباس
  رقم المشاركة : ( 24 )  
قديم 08-06-2012, 07:51 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبة الشاعر أزهري محمد علي

 

 

عبثاً يحاول النص ان يوارى سؤات الرحيل .. وحدك تدركين ان جسد الفاجعة أوسع من جلباب القصيدة ...



صـالـحة

دخلتى زي ختّـة نفس

ومرقتى في لمحة بصرْ
مرقتي لا حِس لا خَبـَرْ
لا لوّحـَـت إيديك تلويحة وداع ..
لا سبتي جنب الباب أتر
هشّيتي أسراب الحمام
و أفشيتي في الأرض السلام
و كأّنِك إنتي المنتظر ..
و كأنك إنتي المُنتهى ..
وأول تصاريف القدر ..
ونحن إدخرناك ... لليالي الحالكات
للزمان المُـرْ
وساعات الخطرْ
أديتي فرضِك والنوافل
والباقيات الصالحات .. يا طيبة ..
وانتي على سَفر ..

يا الله .. مِن هذا السفر

يا الله ... مِن هذا اللهيب ..
مِن ... وجهها الطلق الخصيب
مِن ... كفها دعاش المطر
مِن ضحكتها و رِقة صباحاتا الحليب ..

من وشّها المليان بطر

أنا خُفتها تفتح شبابيك النحيب ..
و تشُر على روحي الفَّـترْ ..

وانا شفتها في لحظة الحلم الغريب

تتوالي في الخاطر صُوّر
كانت حكايات كلّها
و أضحت مواجع كُلّها
أدمنّا وجع الاجترار
و إحتجنا لي لحظة مقيل .. في ضُلها
إحتجنا نكتبلِك قصيد
ونغنى ( بنحبِّك بحر) ..
واحتجنا لى لحظة زمانّا المترعة
زمن الأمانى الطيبة .. و الريد .. والدِّعة
والقلب فاتح والخلايا أبوابا كلها مشرعة ..
العاديات .. عدّت على تعب الجسد
و ركضت خيولك مسرعة
ليه راقدة في ضِيق اللّحد
و الدنيا بي هذى السِّـعة ..!

الغيم في متناول إيديك

والقلب بور
والمطر زى ما تشتهِى
أرميني في أرضك بذور
لميني من وجع الغياب
تلقيني في دمّك حضور
و أديني مفتاح السحاب
نرسم مسارات الطيور ..
يا مُترعة ..
مفتوحة شارات المرور
ما بين غيابك و ( مشرع الحلم الفسيح)
ضاعت محطات الوصول
من حيلة الخطو الكسيح
قدرِك...
تباريك المناحات
و تعيش سنين العمر في قفص التباريح
والذكريات في كل ليل
تفتح حنينك بيت بكا
و تعصف رياح الفرقة
بي حلم المراجيح
قدرك ...
تلاقي الدنيا في باب الخروج
و تفتح حنين القلب للراحلين ..... ضريح
قدرك ..
تداري الحزن في القلب الذبيح
لا انت آخر الأنبياء
لا إنت في حلم المسيح

ويا صالحة .. وينو ضلك ..

في الطريق .. وين خطوتك ..فى الرملة
صُرِّيها في منديل علق ..
و مديها بحق السنين ..
والعُشرة .. والدم .. و العرق ..

أيدك في إيدى سوا سوا ..

من الصباح حتى الشفق
من الشفق حتى الزوال
و القمر إذا اتسق
و كما اتفق ..
نجلس على ضل المزاج
نتعاطى ضحكات الحبيبة
و نحتسي كاسين من الحب الرحيم
نقراها باسم الذى خلق
ونقراها حرِف حرِف
نسكب صهيل الجرح
في صمت الورق
و نلقاها في الريح العصف
خُضرة سنينا اليانعة
و اتحتحتت صفق
ونلقاها في ضهر الخيول
البتفزع من حوافرها في السبق ..
و تهرع كلّما اشتدّ الرهان
وبانت ملامح اللّفة في آخر النفق ..
نلقاها ..
في جيّة الضيوف
والفرحة كلما الباب طَرَقْ
نلقاها في ختّة الراس والحلم
في الهجعة وإن طال الأرق
نلقاها في ضُل الصباح
والونسة .. ضحكات الصغار ..
و طقطقة الاصابع .. طَقْ ، طرق ..
نلقاها بآخر رمق
وقفت على حد الكفاف
رمَت السناسن في الطبقْ
فجّت ضلامات السنين ..
قامت على ذات النسق ..
مدّت ايديها على الحنين
و رشّت المشاغبين بالنبق ..

ياصالحة

لِميني على ثراك
واعفينى من هذا الرهق
وسلميلى على المعاك
السابقين .. الطيبين ..الصادقين
الجمّلوا العالم هناك
طفلة وملامحها من رؤااك
موءودة انتي على التراب
موءودة كانت فى حشاك
انا شفتها بتضمدي أحزانك براك
و أنا شفتها ..
في البعث في هيئة ملاك ..
في جيدها باقات النجوم
و في إيدها أغصان الأراك

أنا شُفتها ..

في ذلك اليوم العظيم
في نشوة بتردّد غُناك
بى حِسّـها الرطب الرخيم
فتحت عليك في الكَتمَة
شباك النسيم ..
حضروها كل الأولياء الصالحين
في الطور مع موسى الكليم
مرقت بواطن الأرض من رحم الأديم
و فتحت مصابيح الخلاص
في عَتمة الليل البهيم
وأنا شَفتها
عبرت معاك .. حبل الصراط المستقيم
و مرقتي أجمل ما يكون
إنسان على كف النَّعَشْ
مرقن معاكي بنات كتار
وغابن وراك بنات نعش ..
ركّن على دم الغروب
فرّن مع وش الدّغَش
ردحّن على حِس الهبوب
و انا حِسِّـي
يبقالِن طرَشْ
غشّني بي موية الرهاب
و شنقّنِّـي بى حبل العطش
واعدتهِن ..
ما تواعدن
واعدتهن ...
ماتواعدن ..
ضحكاتن اللبن الحليب
والقمرة مرّة مرّة بتشبهِن ..
ما شُفتهِن .. شافنّي هِـنْ
مابين طشاش السّكة والشوف البصيص
.. شبّهتَهِنْ ..
غسلنِّى من خوفي الرخيص
شبّهتهِِن ..
حِزنن علّيْ
و حِزِنْتِ أكتر مَنّهِن ..
وبكينا كلّنا من دواعي الخيبة
و الحظ التعيس ..

سرقن صهيل الجرح من خلف الكواليس

و كتبن تراجيديا الصراع الجب
و امرأة العزيز
النسوة والدم .. والقميص ..
مديتي أيدك للحريق
بَـقّـن أصابعينك شموع
والقلب كان حِنّة عريس
و بكيتي والوش منطرح
و ضحكنا والايد في الجرح ..
لمعَت دياجى الأرض في ضو الفوانيس
ما تلبسى تياب العطش
اتلفحى النيل قرمصيص ..
و ادخُلينى على عجل
يا صالحة من باب السلام
مفتوحة أبواب الفراديس
اتفضلي

 

رد مع اقتباس
  رقم المشاركة : ( 25 )  
قديم 08-06-2012, 07:57 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبة الشاعر أزهري محمد علي

 

 

ما تتوصى
قيلي فى الحواس واتمسى
وافتحي فى ظنونك شرفة

بالضحكة البتفتح نفسي
خليك واضحة
ولا امرقي من هوس
القصائد هسى

خطاويك قصرا المشوار
خطاوى الشوق عليك بتخب
كتبتك فى دماي تذكار
قريتك فى الاحاجى كتب
آنستك قبس من نار
غنيتك مقاطع حب
ما كان الحبيب يوسف
ولا قلبك غيابة الجب

ولا ببكيك طلل فى الروح
عشان اندب برج نحسي
خليك واضحة
ولا امرقي من هوس
القصائد هسى

لمحتك زى خيوط النور
فى آخر النفق بتلوحى
تلوحي بين غياب وحضور
ومرات من عيوني تروحي
عليك خاطر الغناء المكسور
بسر الحقيقة تبوحي
وتقسمي للبيوت بالدور
صدى الضحكة المشحتفة روحي

يشيل مر النسيم همسك
يشيل همس النسيم حسى
قيلى فى الحواس واتمسى
وافتحي بين ظنونك شرفة
بالضحكة البتفتح نفسى
خليك واضحة
ولا امرقى من هوس هسه

 

رد مع اقتباس
إضافة رد



يتصفح الموضوع حالياً : 1 (0 عضو و 1 ضيف)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مكتبة الشاعر محمد الحسن سالم حميد الشايقية محمد الحسن سالم حميد 81 05-06-2012 11:18 AM
الشاعر محمد ابو القاسم مكتبة صوتية طارق عبد القادر منتدى الأدب والشعر والخواطر 0 16-05-2012 06:19 AM
الشاعر أزهري عبدالرحمن- جرحت ليه خاطر الحبيبة طارق عبد القادر منتدى الأدب والشعر والخواطر 2 07-03-2011 01:42 PM
مكتبة الشاعر / محمد الحسن سالم حميد الشلالي منتدى المكتبات الشعرية 6 28-05-2009 12:57 AM
مكتبة الشاعر محمد طه القدال طارق عبد القادر منتدى المكتبات الشعرية 3 06-07-2007 11:35 PM


الساعة الآن 04:59 AM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd. Trans by
© منتديات شبكة سوداني ون ©

a.d - i.s.s.w