إضافة رد
  رقم المشاركة : ( 26 )  
قديم 11-04-2008, 08:30 AM
الصورة الرمزية الكروان
 
الكروان
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  الكروان غير متواجد حالياً  
الملف الشخصي
رقــم العضويـــة : 109
تـاريخ التسجيـل : Sep 2007
العــــــــمـــــــــر :
الــــــــجنــــــس :  Egypt
الـــــدولـــــــــــة : بعيـدأ عـن الحيـاه.!
المشاركـــــــات : 3,582 [+]
آخــر تواجــــــــد : ()
عدد الـــنقــــــاط : 83
قوة التـرشيــــح : الكروان will become famous soon enough
افتراضي

 

 اضغط على الصورة لرؤيتها بالحجم الطبيعي
يعد الطمبور بأشكاله المتعددة من أقدم الآلات الموسيقية الوترية الشعبية في العالم ويرجح قسم كبير من الباحثين أنه اقترع أصلا في الشرق الأوسط غير أنه معروف ومنتشر في مناطق شرقي البحر الأبيض المتوسط وأفريقيا ولا تزال بعض أنماطه القديمة مستخدمة في السودان بنفس بدائيتها.
ومن المناسب في بداية البحث في أصول هذه الآلة الموسيقية الشعبية العريقة الإشارة إلى أنها تنطق في السودان بالميم والنون ، وفد تنطق بالنون إلا أنها تكتب طمبورا . والطنبور (بالنون) يطلق على نوع الغناء الذي ساد العاصمة السودانية قبيل انبلاج فجر الأغنية السودانية (الحقيبة) ويسمى أفراد الفرقة الغنائية المصاحبة للمغني طنابرة، ويطلق اللفظ نفسه على غناء قبيلة الجوامعة التي يوجد مركزها الرئيسي في مدينة أم روابة عاصمة منطقة شرق كردفان وهو شبيه بغناء أواسط السودان في أوائل القرن الحالي.
اما الطمبور فيطلق على الآلة الموسيقية الشعبية المعروفة التي تتخذ عدة أسماء داخل السودان نفسه، ومن بينها الربابة، وهو (الأخير) الاسم الأكثر شيوعا في العالم العربي غير أن الاختلاف في نطق اللفظ لا يعني شيئاً، فـ(الطنابرة) العاصميون يسمون أيضا طنابرة في غرب السودان، ويحدث الإبدال الحرفي هناك أيضا، إذ يقول المطرب ابراهيم موسى في إحدى أشهر أغنياته الفلكلورية (أنطوكي للطنباري) . ولعل الأكثر شيوعا تغليب النطق بالميم . دخلت آلة الطمبور طور المشاركة الحقيقية في أغنية أواسط السودان بطريقة منظمة للمرة الأولى العام 1928 بعدما سجلت اول اسطوانة سودانية بصوت المطرب بشير الرباطابي، وقد أنتجتها شركة بيضافون المصرية في القاهرة . وكان الرباطابي : نسبة إلى قبيلة (الرباطاب ) يغني في مقاهي العاصمة بمصاحبة هذه الآلة التي تستخدمها على نطاق أوسع قبائل الشايقية والمحس والرباطاب والمناصير.
بيد أن اسطوانة بشير الرباطابي لم تطلق حمى الطمبور في الخرطوم ، ولم تكتب لتلك الآلة حياة في الأغنية القومية السودانية بعدما تغلب تيار الغناء (الحقيبي) الحديث ، غير أنها استعادت جانبا من مكانتها في الخمسينيات غداة ابتكار برنامج إذاعي يعنى بفنون ربوع السودان. وقد برع في عزفها المطرب الملحن النعام آدم الذي يعتبر مدرسة قائمة بذاتها في هذا الضرب من الفنون الغنائية. كما أن المطرب محمد جبارة يتميز باسلوب خاص بعزفها .
والطمبور هو (السمسية) المستخدمة في جنوب الجزيرة العربية. وهو الربابة في صعيد مصر، ويسمى أيضا الطمبورة. وكانت تسمى (كنر).
أما الطريقة التي دخل بها الطمبور السودان فذاك أمر يثير جدلا كبيرا، فهناك قسم من الباحثين يرى أنه سبح عكس تيار النيل قادما من مصر التي كانت ذات صلة وثيقة بالسودان. ويقول الباحث العراقي الدكتور صبحي الرشيد أن الطمبور أساساً اختراع عراقي كما انتقل إلى روما واليونان ثم إلى مصر ومنها إلى السودان. ويرجح جمعة جابر أنه ربما دخل السودان من أرض الحضارة البابلية عبر آسيا، حيث انتشر في دول الخليج ومنها وجد طريقه إلى أثيوبيا وارتريا فالسودان. غير أن عازف الطمبور والفنان النوبي السوداني المعروف محمد عثمان وردي يعتقد ان الطمبور نشأ في بلاد النوبة وتطور معها ويرفض أن يكون الطمبور وفد إلى الحضارة العريقة من أي مكان في العالم القديم. ولا توجد مصادر تاريخية تنبئ عن تطور الطمبور في بلاد السودان القديم، ويعتقد أن أقدم مصدر أشار إلى الطمبور في السودان هو كتاب الرحالة الأوربي يوهان لودفيج بركهارد الذي صدر في العام 1819م إثر زيارته للسودان العام 1813م . يقول بركهارد : (الآلة الموسيقية الوحيدة التي رأيتها في بلاد النوبة كانت نوعا من الطمبورة المصرية، عليها خمس أوتار، ومكسوة بجلد غزال) ، وأجواء النوبة مفعمة بـ(الميلوديات) . غير أن الرحالة الدنماركي كارستن نيبور ذكر أنه شاهد طمبورا في دنقلا 1776 .
يؤنث أهل اليمن الطمبور، ويشير الدكتور نزار غانم إلى أن الأرجح أن الطمبور إنتقل من بلاد النوبة إلى سواحل البحر الأحمر من خليج السويس شمالا إلى باب المندب وعدن جنوبا. وكثيرا ما يرد ذكر ميناء سواكن في أراجيز رقصة النبوان الخليجية، وهي قولة في النسبة إلى بلاد النوبة بل ويورد الدكتور نزار كلمات إحدى أشهر رقصات الطمبورة اليمنية ومنها : حبيبي دقنة دقنة يا ماله ـ انجليزي يتمنى حرب سواكن. وجلي الإشارة إلى البطل عثمان دقنة.
ومما يستدل به على انتقال الطمبور من بلاد السودان إلى منطقة الخليج أن معظم أغنيات السمسية في تهامة وعموم الجزيرة العربية تقوم على السلم الخماسي. ومن أشهر انماط الغناء في اليمن نمط يقال له نوبية . وأشار سيد محمد عبدالله في كتابة ( من حياة وتراث النوبة منطقة السكوت) إلى أن طمبورا شوهد في منزل مغني نوبي يدعى خليل معروف خليل في جزيرة صاي شمال السودان قبل حوالي مئة عام. ونسب المؤلف إلى المطرب النوبي السوداني المعروف محمد عثمان وردي القول أنه شاهد طمبورا في متحف اللوفر في باريس وضعت عليه عبارة (آلة موسيقية نوبية) .
ولا يختلف اسلوب عزف الطمبور في مختلف مناطق السودان على رغم اختلاف خصائصه في كل منطقة. ويقول الدكتور / مكي سيدأحمد العميد السابق لمعهد الموسيقي والمسرح في إطروحة الدكتوراة التي بحث فيها خصائص اللحن والإيقاع النوبي في منطقة السكوت التي ينتمي إليها أن آله الطمبور تنتج نظاما نغميا يتميز بأنه خماسي بصورة مطلقة كما يتميز بخلوه التام من أنصاف الصوت.
شاهد المؤلف طمبوراً العام 1994 لدى الفنان السوداني محمد عثمان وردي اعترته إصلاحات وابتكارات عدة، لجهة المواد التي صنع منها، وتزويده أدوات عصرية حديثة لشد الأوتار ودوزنتها، مع تزويقه بطريقة تزينيه معاصرة. وأوضح صاحبه أنه تلقاه هدية من شاب نوبي مصري مغرم بفن النوبة وأصوات أبنائها. وكان الفنان السوداني أبو عبيدة حسن قد استخدم في مستهل السبعينات طمبوراً مطوراً مماثلا.
ويوجد الطمبور في معظم أنحاء السودان وبأسماء مختلفة، مع اختلافات طفيفة في مواصفات الصنع والتصميم. غير أن تلك الاختلافات واسعة للغاية في مجال الدوزنة. يسمى النوبيون الطمبور الكسر، وتسمية قبائل جبال الانقسنا في جنوب النيل الأزرق جنقر، وتعرفه فبائل البرتا باسم إبنقرنق. وتسمية قبيلة الشلك النيلية في جنوب السودان توم MOHT . وفيما بقيت أوتار الطمبور في شمال السودان خمسة فحسب على مر العصور، توجد أنواع من الطمبور لدى قبائل الشلك والدينكا والزاندي في جنوب السودان يتراوح عدد أوتارها بين السبعة والتسعة. والأرجح أن الطمبور تأثر هناك بالطمبور الشائع في كينيا واثيوبيا واريتريا .
أجزاء الطمبور:
ـ القدح : صندوق الصوت .
ـ جلاد رأس البقر : لجلاد القدح.
ـ فتحات : للصوت.
ـ الداقن: لتثبيت الكوبري (الكج)
ـ الكج: كوبري تشد عليه الأوتار.
ـ المرق : قاعدة مثلث الطمبور.
ـ الجرتق : زينة الطمبور (ليست أساسية)
ـ السلك: (تشد منه الأوتار)
ـ فيكاي : ملابس قديمة .
ـ الوحيد : الوتر الأول.
ـ الوتر الثاني: (أغلظ وتر في الطمبور)
ـ الوسط : الوتر الأوسط.
ـ الحنين : الوتر الرابع من تحت لفوق ، والثاني من فوق إلى تحت .
ـ المجاوب : الوتر الخامس.
ـ السندالة : أو سنادة لتثبيت اليد لتمكين العازف من العزف بأصابعه,
ـ الضراب : أو ضرابة وهي الريشة التي يضرب بها الطمبور..
ولى عودة مرة اخري....
مع اطيب تحياتي لكم
الكروان

 

ضع تعليق باستخدام حساب الفيس بوك


التعديل الأخير تم بواسطة الكروان ; 11-04-2008 الساعة 08:38 AM
رد مع اقتباس
  رقم المشاركة : ( 27 )  
قديم 19-09-2008, 09:59 AM
الصورة الرمزية الفرح المهزوم
 
الفرح المهزوم

 الأوسمة و جوائز
 بينات الاتصال بالعضو
 اخر مواضيع العضو
  الفرح المهزوم غير متواجد حالياً  
الملف الشخصي
رقــم العضويـــة : 436
تـاريخ التسجيـل : Sep 2008
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 25 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : الفرح المهزوم is on a distinguished road
افتراضي رد: ركن الطنبور ( ارجو التثبيت )

 

 ساقية نواحي

يا جاية من بعد السنين هدت حصون الامنيات
انا قلبي بالشوق والحنين لا عرفتو حي لا عارفو مات
وريني كيفن ارتجيك وانا عمري فات فيهو الفوات
يكفيني اقفلوا باب هواك وابكيك واغنيك زكريات

جاياني بعد الليل دخل وانا كت راجيك الصباح
وكتين لقاك كان الامل واشواقي اقوى من الرياح
جيتيني يا نجمي الافل والدنيا تتشايح جراح
في سكة عاقلا لو غفل تدميهو بي صادي الرماح
وانا بقبلك من غير زعل طبع المحبين السماح
لكن معاك فطن الوحل حنمشي كيف ونهارنا راح

***
ما بين عواطفي وشوقي ليك خايف متاهات الجنون
لو عقلي اختارك رفيقة بينزف القلب الحنون
ولو قلبي اختارك حبيبة توهتي بالعقل الظنون
جهجتي عمري سنين معاك محتار وراك انا كيف اكون ؟

***
وصبحت مواسم الدنيا صيف والصيف رزازو رهاب رهاب
وما خدرت واحة امل لو ماهطل فوقا السحاب
وساقية نواحي ولا بتقيف يسقن دموعي انا في اليباب
لكني لو بتق عشم بيبتق الصبا والشباب

***
يا ساكنة ما بين الضلوع في روحي جوة سواد عيني
انا قلبي ملكك من زمان كل ما تجرّحي نبضو حي
ما انتي اقرب ليهو مني وانتي اقرب منو لي
وما طال مسكنك الفؤاد انا ليه اوريك العلي

***
وبرجع خلاص من سكتك قنعان ومتألم براي
واكشح رمادا مع الرياح واحة امانينا وهواي
يؤسفني اقولك ذكرتك تفتح جراحاتي وبكاي
ومحل مشيت نار الظنون موقودة قدامي ووراي



تحياتي

 

رد مع اقتباس
  رقم المشاركة : ( 28 )  
قديم 19-09-2008, 10:03 AM
الصورة الرمزية الفرح المهزوم
 
الفرح المهزوم

 الأوسمة و جوائز
 بينات الاتصال بالعضو
 اخر مواضيع العضو
  الفرح المهزوم غير متواجد حالياً  
الملف الشخصي
رقــم العضويـــة : 436
تـاريخ التسجيـل : Sep 2008
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 25 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : الفرح المهزوم is on a distinguished road
افتراضي رد: ركن الطنبور ( ارجو التثبيت )

 

 عيوشه عيوشه
للاستاذ الشاعر محمد الحسن سالم حميد

منبوشة .. منبوشة
نبشوها قبالك .. بت حالا زي حالك
ذي كلمة مربوشه
عودها إنبعت حرقان .. زي شتلة معطوشة
عينيها رماشة .. أم لمبة فتاشة
من طاقة جاتا الريح
كتر البكا .. التجريح
خلاها دعموشة
تلوشة .. ولا ضفاف
خيم عليها جفاف
زي صرخة الغرقان فوق موجة بين فيضان
شعراتا منفوشة
وشفع مبارياها .. عيوشة .. عيوشة
الليل هديماتا .. وشمش الله برطوشة
تشرب من الشارع .. وتاكل من الكوشة
عيوشة .. عيوشة
وترقص لهن رقبة ، صقرية ، جابودي ، السامبا .. كاروشة
عيوشة .. جامايكا .. الهورس عيوشة .. اسلولي عيوشة
وعيوشة ما بترقص .. لكنها الدوشة
وتفلت من الشفع
في الفلتة تترتع ..
تدخل على بيتاً .. ستاتو منمدِّي .. ناساً بعرفوها
لكن بعافوها
دايرين غسيل عدي .. شاكرين يا دقلوشة
ويدوها عيشايي بي دمعة مرشوشة
وتنملك الشارع .. خطواتا مربوشة
السوق مع الأطفال .. عيوشة .. عيوشة
الليل هديماتا .. وشمش الله برطوشة
تشرب من الشارع .. وتاكل من الكوشة
عيوشة .. عيوشة
على قدر ما كاست .. عينيها ما لاقت غير مطبقة وبصلة
المطبقة انهردت .. والبصلة مقروشة
ما قلنا مقشوشة
قشوها قبالك .. ديشك يا عيوشة
يا الحاضر الغايب .. في الدنيا ما جايب خبر المدينة الكان
على رغم ما فيها من فاقة من حرمان
مرات اياديها تعطف على الإنسان
بي فكة في قروشا
بي كلمةً طيبة .. بي فضلة في مطعم او برتكانايتاً ضرباني في كوشة
والليلة بانت زي .. بيتاً في آخر الحي .. ناساتو منبوشة
يا جرحنا الهايم .. طول النهار حايم
يلبد إذا ما شاف صحبانو مكشوشة
يضحك إذا الكومر .. قبل على كوبر
ولا المديرية .. ينمطق الفرحة .. بس فرحة مغشوشة
إن تنجا من كشة .. دردير وتلتيلة ..
كيف تنجا من جوعة .. من بردها وليلا
عزت برنداتا واوكارها مطروشة
بيت الله قافلنو
مستشفى غافرنو .. ساحاتو مرشوشة
كم يوم يعز النوم
رغماً عن المشموم .. والدوخة والدوشة
دي مدينة ما هيلك
مافي البيشبهلك .. ما في البناديلك
لافي البخاويلك
غير ناس أحاويلن قطعن أحاويلك
أصحابك الساعتك لا بد يعاينولك ..
صمتاً يجيبولك
باكر تلاقيهن .. في وجبة فوق كوشة
جنب مجرى يحكولك
ودونا لي ضابط .. كالعادة وانكفرن قال وين أوديهن
والعندي ما قادر بالموية أكفيهن
والعسكر أدونا
سوطين وفكونا
كالعادة يا اخونا .. حيكومة مربوشة
دايرين شغل .. مافيش
غير نغسل العربات غير نضرب الاورنيش
عتالة .. جرسونات .. شغلاً ما يوكل عيش
وبالحالة دي الكشة
بلدية والبوليس ... مرات يجيك الديش
ما يقبضوا الباعوض .. ما يقبضوا الضبان .. والما بدور فتيش
الارزقي السمسار .. إشمعنى نحنا وليش
إحنا الحرامين ولا البدسو العيش
الزول يخاف يكفر .. يرجع يقول معليش
شقيش نقع شقيش .. حتى السجن مافيش
مافيش يا عيوشة
من تكبري آهة وآه
وآدم بدور حواه
الطيرة بي عشوشة
الفارة بي جحارة .. الكل بي مأواه
وهنا في إبن آدم تاه
ملجاه أرض الله
لا أوضة لا حوشة
يا أبونا يا الأسود
يا أمنا القرقد
يا داجي وين نرقد
جاك المحل قاسيت .. لامن هجرت البيت
فض المطر صديت ..
أو صددوك غصب
دارك لقيتا حرب
كرت عليك فريت .. كان مافي غير تنفد
بي لونك الأسود .. بي شعرك القرقد
وبي فالك الشامخ زي تاج أبو الهدهد
لامن يطير في الجو .. من ها المدن ينفد
حاشاك من عيب تب
لي شينة ما ختيت .. دغري وعراض إيديك
بس كفها إتعود في الأرض يرمي الحب
ما قنبلة وديناميت
جيت المدن لاقيت
من سيدا ما لاقيت
تحرس عماراتو .. علشان تمسي تبيت
ويتربو زي ما ربيت
كم للعرق شديت
زوغت أمن .. كريت
جاملت جاراتو
وأو تتم ترحل لي سيد خلاف السيد
يتغيروا الأسياد .. لكنو نفس القيد
نفس الربط ذاتو
يا ماشي دون راس خيت
وين كنت لما الناس إنقسموا الواطة
في مدن تجز الراس كان زولو ما طاطا
كت مافي ولا أبيت .. واصبحت مقطوع راس
زي ديل كتير من ناس لا أوضة لا ضل بيت
وفتحنا لاقيناك .. أول ما شالنا الحيل
بالراحة في ذات ليل
يا أبونا خليناك .. خففنا ليك الشيل
تقلت بنا الخرتوم
وفرنا لقمة عيش .. موية ومحل للنوم
سامحنا .. عافينا .. يا أصلنا الحنّان
غيرنا اسامينا شان نحيا باطمئنان
دينق إنقلب عثمان .. هاشم بدل دلدوم
من وين ؟؟
من ام درمان وناس بيتنا منوفين
بس لكنة الرطّان تفضحنا .. بعض الحين
وإن كنا يوم في يوم ماشين بننعوّد على لهجة الخرتوم
في ولاد عرب بالكوم
طالعين سوا ونازلين .. يفرقنا إلا النوم
ما الحالة من بعضا .. مطروش ومطروشة
وأكوان وقد قابل .. في كوشة عيوشة
يا التحكي دون تبكي .. وفي وشو بتعاين
شوف فيهو شن باين .. غير دمعة مقشوشة
قشوها ناس أخوان .. أكوان وعيوشة
بي صبر كم طول
على حال حا يتحول
قصر الزمان يا زول ولا الزمن طوّل
لا بد يتحول
ما فيهو من آلام .. في يوم من الأيام لي دنيا مفروشة
بالعافيي والطعام لي كل فم .. ما دام في غلابة بي ديوشا
وبجاي و بغادي قلة وكتر بوشة
تخمت حكام مندلدلة كروشة
فاوة وتفل لاقّي
ونار الغضب باقّي
تالاها محموشة
جرفت لبقة الليل وانطنبجت دينك لا عينا بي شموشة
الحال حا يتحول .. قصر الزمان يا زول ولا الزمن طول
لابد من فوقة .. ومن تنتهي الدوشة
قولاً قبل قلنا .. وكتين نصر نحيا مافي البكتلنا
قولك يا عيوشة .. يا اب نفس طماعة غاشاك ومغشوشة
الدنيا دنيانا
زرع إيدنا نديانا .. لا صيص لا كدموشة
وماك ماشي جيت غاشي .. ليك خيرها ينسبّل
لا كُتّي شحّادة .. نديك وتتوكل
لا جيتنا دنّاعة .. نمسح لك الجردل
أخرت للساعة وتلبت في حوشة
في حزك المنجل وشوالة مخموشة
ناسي انو مزروبة ..
بي شوق حبايبنا وحارساها كلوبة
وكلوبة بات ووبة .. ويات لوبة بتحوشة
يا النفسو ماهية
شن جبهة متكية
بي عمة كاكية .. وطاقية طربوشة
جنب جبهة دغرية .. العمة مكوية .. فوق راسها ملوية
ترقش بياض نية .. وبالهيبة منقوشة
زي وشم فوق أكوان .. شلخاً في عيوشة
يا جرحنا الطوّل
جاييك زمن طيب .. خيراتو ليك أول
صدقني يا طيب .. يا أرض يا جدول
كارتنو بي معول
والليلي تتجول .. عينيك مدهوشة
من كنت تتسول .. في مدينة ما هيلك ومن كوشة لي كوشة

 

رد مع اقتباس
  رقم المشاركة : ( 29 )  
قديم 19-09-2008, 10:09 AM
الصورة الرمزية الفرح المهزوم
 
الفرح المهزوم

 الأوسمة و جوائز
 بينات الاتصال بالعضو
 اخر مواضيع العضو
  الفرح المهزوم غير متواجد حالياً  
الملف الشخصي
رقــم العضويـــة : 436
تـاريخ التسجيـل : Sep 2008
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 25 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : الفرح المهزوم is on a distinguished road
افتراضي رد: ركن الطنبور ( ارجو التثبيت )

 

 يقول حميد:
يا طالع الشجـرة ... جيب لي معاك خيمة
تستر من المطرة ... إن كـبت الغيـمـة
جيبلك معاك قمحات ... قمحاتنا في الشيمة
وغنم الحلب رايحـات ... ضلمـنا ضليمة
يا طالع الشجـرة ... جيبلك معـاك خيمة
خيمة السعودية ... دفـو مـا بتدفيكا
لبن اليهـودية ... بلــدك ينسيـكا
قمحاً من أمريكا ... خازوق ركب فيكا
غير خير بواديكا ... مافـي اليكفيـكا
يا طالع الشجرة ... من خيمتـك التوبة
جيبلك فروع خضرا ... أو جافة يا دوبا
في الحرة في المطرة في عز برد طوبة
نمرق من الوكرة ... وتبقـالنا راكـوبة
يا طالع الشجرة ... قبِّل على الحلة
قول ليها يوم بكرة ... كربتنا تنحلا
ننزل نضويكي ... ضرعاتنا مادِلة
قادرين نسويكي ... وعقابن على الله
تحياتي لك اخي حفيد المك
ولي عوده انشاء الله

 


التعديل الأخير تم بواسطة الفرح المهزوم ; 19-09-2008 الساعة 10:16 AM
رد مع اقتباس
  رقم المشاركة : ( 30 )  
قديم 11-11-2008, 10:23 AM
الصورة الرمزية الشلالي
 
الشلالي
:&: عضو مشارك :&:

 الأوسمة و جوائز
 بينات الاتصال بالعضو
 اخر مواضيع العضو
  الشلالي غير متواجد حالياً  
الملف الشخصي
رقــم العضويـــة : 488
تـاريخ التسجيـل : Nov 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : المملكة العربية السعودية
المشاركـــــــات : 116 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : الشلالي is on a distinguished road
رد: ركن الطنبور ( ارجو التثبيت )

 

 اجمل بيتين في القصيدة دي انا راجيهم يا غالي ...
مولاي اه من غلبي ... لو عندك ضيفهم وما تبخل علينا وكتر خيرك ما قصرت ..

 

رد مع اقتباس
  رقم المشاركة : ( 31 )  
قديم 19-03-2009, 08:41 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي مكتبه جميع كلمات الاغانى السودانيه

 

 محــــــــــــــــــــــــــمد الامـــــــــــــــــين
بدور القلعه

السيوف ألحاظك تشهرا
للفؤاد المن بدرى انهرا
اخفى ريدتك مرة و اجهرا
نار غرامك ربك يقهرا

يا بدور القلعة و جوهرا
صيدة غيرك مين الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى

يا بدور القلعة و جوهرا

الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا

يا بدور القلعة و جوهرا
عالى صدرك لى خصرك برى
فيه جوز رمان جلى البرا
الخطيبة و ردفك منبرا

يا بدور القلعة و جوهرا
جلسة يا ابو الحاج اتذكرا
و رنة الصفارة اتفكرا
وهبة بى مزيقتو اتحكرا
كم طرب افكارنا و اسكرا

يا بدور القلعة و جوهرا
العيون النوركن بجهرا
غير جمالكن مين السهرا

يا بدور القلعة و جوهرا

****
الجريده

سارحة مالِك يا حبيبة
ساهية أفكارك بعيدة
بقرى في عيونك حياتي
وإنت مشغولة بجريدة
بتقري في إيه كلّميني
ياسلام مهتمه عامله
يعنى لازم تقرى هسا مقالْ
بحاله، وقصّه كاملةْ
كم شهور مرّت علينا
وبينا فرقه شامله
العيون رويانا تبكي
والقلوب مشتاقة امله
أي حاجة تمر بخاطركْ
قصة أو أخبار جديدةْ
عندي ليك خبر أهمْ
جايبو بي أشواق شديدةْ
أسمعي وطاوعيني مرّة
أيوة، ما تخليك عنيدهْ
عايز أقول لكْ
ليه أقول لكْ
ما بقولكْ
مش مخير
ساعة مرت ساعة واكتر
والوقت روّح إتأخر
زى عنادك عايز اعاند
لكن يظهر ما حا اقدر
امرى لله كنت عايز اقول
بحبك يا وحيدة
بقرى في عيونك حياتي
وعاملة مشغولة بجريدة

****
وحياه ابتسامتك

وحياة ابتسامتك ياحبيبى وحياة عينيك
قلبى حاذرك ومن زمان سائل عليــك
كلو لمسه فى خيالى عن جمالك هى فيك
قبل ماشوفك كنت فاكر الريد مستحيل
كنت هايم فى طريق خالى طوييل
لليلى دون الناس كللو ااهات ولويل
تشهد الايام ويشهد الليل والنحيب
قلبى عاشق ودربى خالى من حبيب
قلبي عاشق ودربى خالى من حبيب
لكن يا
حــــبــــيــــبــــــــى
من يوم ماشفتك قلبى للدنيا ابتسم
اشرقت دنياى وفارق دربى الهم
فى انتـــــظـــــــــــــارك
ياحبيى رايح ارعاك بى حنانى
القى فى قربك سعادتى وانسى
تعذيبى وهوانى يبغرو العشاق
من هوانا فرحة الريد والامانى
ياحبيبى عشت لليا وعشت ليك
هاك عهدى وهات ايديك
وحياة غرامى اهدى عمرى
وروحى ليك
انــــا روحى ليك

****
خمسه سنين

خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين
ودرب الريد معاك أخضر
خمسة سنين، بريدك كل يوم أكتر
أحاول مرّة بس أنساك
عشان يا غالية أتذّكر
أجي وألقاك، ديمة معاي
وألقى هواك ملك دنياي
وفي أعماقي إتحكّّر

****
اربعه سنين

اربعه سنين عاشهم الحب
الليله عيد ميلادهم ياقلب
وجدنا الحار زينة الدار
ابننا البار ابننا الحب
صونو يارب
اربعه سنين تجربه وزاد
مهرجانات حب واعياد
اشتياقات قلبى رياد
انفعالات ليها ابعاد
اربعه سنين عاشهم الحب
الليله عيد ميلادهم ياقلب
طفلنا الحب طفل من نار
طفل بعيش اغرب اطوار
يضحك الحان يبكى اشعار
يامر الناس يمشو
مشوار اربعه سنين
اربعه سنين عاشهم الحب
الليله عيد ميلادهم ياقلب

****
غربه وشوق

جيناكم ياحبايبنا بعد غربه وشوق
نغالب فيهو ويغالبنا
ونكتم اه تظهر اه تتعبنا
حنين لشوفة الغالين مدوبنا
بعد غربه وشوق
هناك غربتنا ما هنتنا ياحلوين
هناك الهم بدل واحد يبين همين
ومهما قلوبنا تتاوه سنين وسنين
مصيرو الحى يلاقى احبة لو صادقين
سماع اهلا من الاحباب شروق امال
ووصف البهجة بالكلمات محال يتقال
حلاوة العوده غنيناها فى موال
تحكى عن الولف واصلو الولف كتال

****
جانا الخبر

جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
رجع البلد
بعد السنين المره
يادوب العيون سهرن هجد
ياحليلو مارجع البلد
وعيونا ما سهرن هجد
فى عيونو شوق
انهد لحب للناس للوطن
ماغيرت ريدتو السنين
ومابدل احساسو الزمن
شفنا المشاعر الحلوه
فى ساحاتنا بى الامال مشن
انت ما نسمه فى الهجير
انت ما راحة ضمير
انت ما بهجة مشاعر
انت ما رحلة عبير
انت ماياكا الامير
كيف نسيبك تمشى تانى
وانت نورة البلد
العذاب فارق طريقنا
والعيون سهرن هجد

****
سوف ياتى

يا نديمى دعك من عثرات قول
واترع الكاس تناجى الكون مثلى
تظننى ابيد العمر لهوا لا لا كلا
اذ انا جسم به البركان يغلى
سوف ياتى باسم الثقر يلوح بالامانى
ضىء عينيه بريق وغموض ومعانى
يحمل الروح اليا يزرع العطف نديا
يسكب الاهات همسا فى ثنايا اذنيا
وبها احيا وانسى ما ضنانى
حينما يبدو حبيبى فوق افق القلب يحبو
فوقه هالات نور بها الاضواء تخبو
واغاريد الامانى فى حنايايا تشب
مثل سريان الحقيقة فى مشاعرنا العميقة
مثل حلم الدهر ياتيك سريعا فى دقيقة
عندها انسى ديارى
عهده بالحب ايام ستكثر وتطول
ويح قلبى منك يا بدرى اذا حان الافول
قبل ان نحصد زرعا ماؤه قد كان دمعا
وتباريحا وشوقا وصدودا وامل
انما قلبى عنيد لا يبالى لا يمل
ينظم الحب اغانى
لا
لا
لا تسلنى
ضىء عينيه بريق وغموض ومعانى

****
ياحاسدين غرامنا

ياحاسدين غرامنا ياقاصدين خصامنا
شوفو غيرى وغير حبيبى
يادايرين تقولو وماقادرين تقولو
ايه عايزين تقولو فيا وفى حبيبى
قولو وقولو قال مهما تقولو قال
مارايحين تنالو منى ومن حبيبى
قلبين ضماهم غرام
اتنين دنياهم سلام
محال يحصل خصام
بينى وبين حبيبى
عهدى فيه وعهدو فيا
ريدى ليه وريدو لليا
اوصف فيه ويوصف فيا
نصبر كمان نصبر شويه
نشيل املنا نقابل اهلنا
يقولو اهلا خلاص قبلنا
يتم منانا يفرح املنا
ونعيش برانا نعيش فى جنه
لا يقولو قالو لا يقولو قلنا

****
بعد الشر عليك

قالو متالم شوية ياخى بعد الشر عليك
النضاره الفى شبابك والطفولة الفى عينيك
والقلوب الحايمه حولك ياحلو بتتمنى ليك
بكره تشفى وبكره نفرح يا حبيب العمر بيك
ياخى بعد الشر عليك
انت ماشبه الدموع انت ماشبه العذاب
انت ماكلك عواطف انت ماكلك شباب
العمر عندك اسير والعمر غيرك سراب
ياخى بعد الشر عليك

****
همس الشوق

يا ريتنى لو أقدر أقول
فيكِ الكلام الما انْكتب
واجلى المقاطع بالدهب
وافرد صباح حُسنِك وشاح
يمسح عذاب عمرى المسطرّ باللهب
بريدك
كلمه كان رفّت
يِهش ثغر النجوم ويسطعَ
ولما ينادى همس الشوق
يقيف كل الزمن ويسمع
عيونك ديل عيون أهلى
حُنان زى نغمة فى مقطع
وطُهرِك تاج جواهرهُ العزه
وانتى العزه ليك تركع
بحبِك يا صباح العيد
ويا فَرَح العريس السار
واحِسّك فى سما الأزمان
شمس بِتضَوى للمشوار
زمان يا حلوه ساقنى الليل
وغِبْتَ وضعتَ فى الأسفار
ولّما لقيت عيونك ديل
بديت اعشق عيون الدار
وَحَاة ريدى اللى شاف طيفِك
كتير قُباّل يلاقى ويشوف
جراح الماضى بيك نامت
وغابت كلُ رعشة خوف
بحبك ومافى غيرك نور
يهِل ويغمرُ طريق الشوف
وما فى بَلَاك نور بِسْطَع
ولا فرحاً يسوقنى يطوف

****
حروف اسمك
حروف اسمِك

جمال الفال

وراحة البال

وهجعة زول بعد ترحال

وتنّية حلوة للشبال

ودنيتنا ومشاويرنا

وغنواتنا الى ما بتِنقال



حروف اسمِك

نجوم ركّت على الياسمين

فرح فى عين جمالها حزين

أساور فى إيدين طفلة

بتحفظ فى كتاب الدين

زَفَافَ عاشقين بعد فرقه

وسط باقات دُعَا الطيبين

حروف إسمِك

عقد منضوم بخيط النور

وطلة وردة من السور

ونغمة تنادى من طمبور

وشُعلة فرحة فى الوادى

تَشِع جَذلانه ليها شهور



حروف إسمِك

وَكِت أشتاق وأرحل ليك

وأسرح فى عسل عينيك

بِتَحضِنّىِ......

قَبُل ألمسَ حرير إيديك

تأرجِحنى..وتَفَرحنى..وتخلينى

أدُق سدرى

وأقيف وسط البلد واهتف

بريدك يا صَباح عمرى

****
كلام زعل

بتقول هواي تستبعدو
وتضحى بيهو وتفقدو
ليه كلام زعل انت مابتقصدو
بينى بينك شوق عمر
لانام لا مد انحسر
بينى بينك
لا الشعر قادر يقولو ولا الوتر
وتقول هواي تستبعدو
وضحى بيهو وتفقدو
ليه كلام زعل انت مابتقصدو
ماقلت ليك انا
من قبل ده ساعد عواطفك ساعدة
خليها تهداء شوية مش كده
وتقول هواي تستبعدو

****
عويناتك

اقول ليها عويناتك ترع لولي وبحار ياقوت

مناحات ريد حزاينيه بغازل فيها مأساتي

وفي شرف العبور ليها بموت واكسر شراعاتي

تقول لي غناك حزين غناي حزين

وانا الواهب قصائدي الباكيه للفرحه

وانا البديها شان ريدي وصباي طرحه

قول ليها عويناتك زي سواد قدري

مكحله عمري من بدري

لو بقدر اسافر في بريق لحظك وما ارجع

تقول لي خايفاك تتوجع واتوجع

اقول ليها عويناتك ديار وعدي

مسوره بي جدار صمتك

عذابي معاك بريدك قبل ما اعرفك

ولو بقدر اشيل من الزمن وقتي

بموت في لحظه واوهب ليك عقاب عمري

****
بتتعلم من الايام

بتتعلم من الايام مصيرك بكره تتعلم
وتعرف كيف يكون الريد وليه الناس
ليه ليه بتتــــالـــم
متين عرف الهوى قلبك
متين فاضت بااهات متين سهر
عيونك ليل طويله ساعات
وحاتك لسه مابتقدر تقاسم قلبى دقاتو
اقابلك وكلى حنيه واخاف من نظرتك لليا
واخاف شوق العمر كلو يفاجئك يوم فى عينيه
ورى البسمات كتمت دموع وبكيت من غير تحس بيا
وبكره وبكره الريد الريد بدون مواعيد يزورك
ياحياة عمرى وتقول ياريتنى لو حبيت
زمان من بدرى
وتعال تعال تعال فرح ليالينا وتعال قبل
السنين تجــــرى

****
زاد الشجون
ماهو باين فى العيون وين حنهرب منو وين
الهوى البعث الليالى العامره بى ذاد الشجون
يفتح قلوبنا ديار محبه ديار محبه ديار حياه للعائدين
مابنقاوم وكيف حنقدر وين نهرب منو وين

مافتكرت الحظ يساعد عمرى يورق من جديد
من بعد فرقتنا ديك مين كان بيفتكرك تعود
كنت بحتاج ليك بشده وانت بعيد
مافى عيشه بلاك بتبقى ومافى نشوه ومافى ريد

ده الهوى الجنبك عرفتو عاطفه ملتهبه وجنون
ويـــن حنـــهـرب مـــنو ويــن

اه ادعينا وقلنا تانى ماحانشتاق فى عمرنا
وقبل ماتمر ليله واحده بحراره الشوق غمرنا
كم كم لهينا وقلنا يمكن ندفن الحب فى سهرنا
الحياة صعبة علينا وبى اثر فقدك شعرنا
شفت كيف حبك حياتنا انت يالحبك حياتنا

وكــيف بدون حــبك نكـون
وين حــنهــرب منو ويــــن

شفت كيف حبك بيعمل يشغل الوجدان ويعذب
اه وبرضو بتقول عنى خادعك وانى بتلاعب وبكذب
ليك حق دنياك خاليه لابتشيل هم لابتتعب
كنت تتعلم تجامل لو فؤادك مره جرب

انو مايدق دقه واحده الا ويتفجر حنين
يفتح قلوبنا ديار محبه ديار حياه للعائدين

****
الحب والظروف

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر
* * * * * *
الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر
* * * * * *
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر
* * * * * *
لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر


****
يا معاين من الشباك

يامعاين من الشباك
يااحلى زول شفناك
ارحم قلوبنا معاك
وشاركنا نحن هواك
يا كامل لاوصاف
ياالكلك جمال وعفاف
عايزين نقول بنخاف
تهرب وما تنشاف
ناوين نزور والديك
نطلب ياحميل ايدك
نوعد بالعمر نفديك
لو العمر يرضيك
ياغالى ليك هوينا
الشباك يشهد لينا
كم مرة رحنا وجينا
لو بالعيون قول لينا
انك ياجميل حابينا

****
بدور القلعه

السيوف ألحاظك تشهرا
للفؤاد المن بدرى انهرا
اخفى ريدتك مرة و اجهرا
نار غرامك ربك يقهرا
يا بدور القلعة و جوهرا
صيدة غيرك مين الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى
يا بدور القلعة و جوهرا
الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا
يا بدور القلعة و جوهرا
عالى صدرك لى خصرك برى
فيه جوز رمان جلى البرا
الخطيبة و ردفك منبرا
يا بدور القلعة و جوهرا
جلسة يا ابو الحاج اتذكرا
و رنة الصفارة اتفكرا
وهبة بى مزيقتو اتحكرا
كم طرب افكارنا و اسكرا
يا بدور القلعة و جوهرا
العيون النوركن بجهرا
غير جمالكن مين السهرا
يا بدور القلعة و جوهرا

****

 

رد مع اقتباس
  رقم المشاركة : ( 32 )  
قديم 19-03-2009, 08:59 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 محــــــــــــــــــــــــــمد وردى

من غير ميعاد

من غير ميعاد
واللقيا أجمل في الحقيقة بلا اتظار
صحّيتي في نفسي الوجود
ورجّعتي لعيوني النهار
كل الطيوب الحلوة يا مولاتي والجيد الرقيق
واللفتة والخصل اللي نامت فوق تسابيح الغريق
وخطاك والهدب المكحل وفتنة التوب الأنيق
في لحظة مرت كالظلال تعبر رؤاي إحساس عميق
فتحتي جرح الليل عسى من صمتي ما قادر أطيق
صحّيتي في نفسي الوجود
ورجّعتي لعيوني النهار
لو مرة بعدك يا زمان الغربة تجمعنا الصدف
أنا كيف اعود من طيبة أول نظرة للدار منكسف
وا ضيعة الوتر اللي ما غنيت معاهو ولا عزف
من صدفة عابرة بلا سلام قلبي الغريق في الهم نزف
ياريتني ما شفتك ربيع ولا كان يلازمني الأسف
صحّيتي في نفسي الوجود
ورجّعتي لعيوني النهار
ضاع الكلام ماتت حروف اللقيا قبال اهمسا
والله ما غابت محاسنك لحظة لا الجرح اتنسى
للّيلة ما وشوش نسيم في روضو وما غرد مسا
للّيلة ما سافر عبير في الطيب يغازل نرجسة
للّيلة يا حبي الكبير في حرقة لافيني الأسى
صحّيتي في نفسي الوجود
ورجّعتي لعيوني النهار

****
احبك احبكأحلى فصول العمر حنانك
حتة لقيتَ مكانك اجمل
أجمل سكة مشيتَ عيونك
أحبك أحبك أنا مجنونك
ساكن فيني هواك وبريدك
جوا القلب النبض يصونك

معاك معاني حياتي تبدا
وافتح باباً ياما انسدَّ
أشوف العالم ربوة جميلة
عليها نسيم الصبح مخدّة
وبيني وبين النهر عشانك
عشرة بتبدا
وبين عينية وخد الوردة
تبقى مودة
أصالح روحي
تبرا جروحي
ابشر باسمك اهلل أغني
أقيف اتحدى

أديتيني مشاعر حية
عوضتيني الزمن الماضي
زمن الجرح الأكبر مني
وقاسي علية
وبيك صادفني ولقى عنواني
رزاز الفرح الخلَّى الجية
أريت صادفني حنانك بدري
لو لاقيتك بدري شوية

****
الوصيه
الوصيه
حلفتك يا قلبي حلفتك بري
خليهو الغرام
يتنكر لحبك
وريهو الخصام
ليه تتهان يا غالي
ليه والذل حرام
إتعذب لوحدك
ليل والناس نيام
إن جاك يوم يصالحك
قول ليهو الكلام
أو آيات حنينة
بترد السلام
أوع يا قلبي تنسى في لحظة الوصية
أنا عرفك حنين بتشمت علية
أوع يا قلبي تنسى
أوع يا قلبي
حلفتك يا قلبي
الخانك تخونو
والفيت غرامك
أوع في يوم تصونو
وزي ما أبكى عيني
سهر لي عيونو
أوع تقوللي تاني
ما بنعيش بدونو
أريت الحب لقينا
غير همّو وشجونو
أوع يا قلبي تنسى
أوع يا قلبي
حلفتك يا قلبي حملتك أمانة
الفاتك عهود ما تبكي عشانة
حلفتك تقول لي إيه آخرة بكانة
الدنيا الجميلة
والحزن الحلال
الطير في غصونو
الساجعة في حنانا
كل الناس تغني
ليه نحن الهم طوانا
ليه ..ليه
يا قلبي ليه
قول لي بأمانة
أوع يا قلبي تنسى
أوع يا قلبي

*****
حرمت الحب والريده

حرمت الحب والريده
الطاهر ابراهيم
قست الدنيا علية
وجافى النوم عينية
مع هجرانك لية
حالفة تغدري بية
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
فكري الحيرتيهو
وعقلي الودرتيهو
صوني وعدك ليهو
أوعك تخلفي بيهو
حرمت الحب والريدة
برضي ما أرضيت
صعبان علي وحياتك
ياريت لو ماحبيت
خليتيني في حيرة
وما راعيتي الجيرة
والله أنا جارك وانتي
يا جارة بهواكي رغم الغيرة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
الحب والريدة
رمز الحب والريدة
أنا برضي ما أرضيت
صعبان علي وحياتك
ياريت لو ماحبيت

****
اخادع نفسى بى حبك

اخادع نفسى بى حبك
أخادع نفسي بي حبك وامنيها
واهرب حتى من ذ****
الاقيها
دموع الحسرة في عينية اخفيها
نار الشوق اقول الصبر يطفيها
اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر
شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه
تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول

****
اسعد الايام

أسعد الأيام
مر بي في عام
شفت فيه حبيب كالربيع بسام

أسعد الأيام أشرقت شمسو
بالسعادة وراق وابتسم صبحو
تلهم الإنسان حسنو في نفسو
قلنا فيه كلام
كل حب وغرام
تلاقي فيه نصيب والفراق اقسام

شفت فيه حبيب مالو لو جاني
وفي سكون الليل طيفو ناجاني
أو عذاب قيثار حبو أشجاني
يهدي لي أنغام
تسمو بالأحلام
تلهب الفنان روعة الإلهام

الجمال في سحر الوجود ضافي
والعلي معلوم ليس بالخافي
وانت سر حبي وبلسمي الشافي
المودة مُدام
والتجافي حرام
في جفا الأحباب لذة الآلام

****
ياناسينا

حبيبي الدنيا دي الفراقة
والله الدنيا دي الفراقة
المشتاق مع المشتاقة
يا الله تاني وين نتلاقى
يا ناسينا يا مجافينا حن علينا

حبيب مشتاق اشوف عينيك
وشعرك موج على خديك
هناي في بسمتك ..في وقفتك.. في مشيك
بالغالي العزيز أفديك
يا ناسينا يا مجافينا حن علينا

عارف قلبو ما بنساني
عزاي في الدنيا بس يطراني
تجي للعذول الجاني
فرق بينا ليه يا زماني
يا ناسينا يا مجافينا حن علينا

كل ما أميل أجد ذكراه
بين الروض عرفت شذاه
في دنيا الغرام أهواه
كن نسايني ما بنساه
يا ناسينا يا مجافينا حن علينا

الجو قلبي احتلاه
صبحي مساي دوام اطراه
فارق دربي ما هماه
يا الله تاني وين القاه
يا ناسينا يا مجافينا حن علينا

بفرش ليك قلبي وسادة
وازقيك من غرامي سعادة
لو عاد الحنين يالسادة
أقضي عمري فيك عبادة
يا ناسينا يا مجافينا حن علين

****
الحنينه السكره
نورت و في الحفلة جات
يلا غنن يا بنات
للفرح للامسيات
السعادة الليلة جات
الحلاة الما بنقدرة
الحنينة السكرة
سمحة والله و مقدرة
جينا ليها نذكرا
السهرة لازم تحضرا
بشبابا تنورا

رسلت من بعيد
نظرة لي فنان بيريد
الفرح ما رد ايد
ابقه كيف على قلبي سيد
والليالي مدورة

الليلة كم تم المنا
وجب الحلوة الهنا
رقصة واحدة تلمنا
واخطف الشبان انا
وبالسعدة ابشرا

فايته يعني خلاص كدة
ريدنا يعني ياداب ما بدا
الزهور شالت ندى
والعيون تعبت ندا
انت فينا مخيرا

****
يا نسمه

حظك جميل دائما تسافري
بلا تصاريح للسفر
و تعودي عبر المستحيل
نديانه زي صدف البحر

يا نسمة لا تتأخري
عذبنى طول الانتظار
قبال تجي رشي المحنه بكل دار
كل البيسأل طمني
و انا في البعيد مشتاق لهمسه
من الوطن يا نسمة

ارتاحي فوق الأمسيات
تلقي الحبايب لسه في
اريتني لما الليل يضيع
في المجلس الدافئ الوفي
سارح اغني الذكريات

يا نسمة يا جاية من الوطن
بتقولي لى ايام زمان ما برجعن
باكر برجعني الشجن و اتهني بيك
طول الزمن يا نسمة

****
الحبيب

الحبيب قلبو طيب
العواذل بدلوه
يا حبايب اسألوه
لو تناساني وتبدل
بغرامي ذكروه
&&&
اسألوه ليه نساني
حتى من كلمة ملام
ليه يخاصمني بعيونو
كلموني بالغرام
خبروه باشتياقي
لو يحن ينسى الخصام
بعيونو حلفوه
لم يحلف صدقوه
انا عارف قلبو طيب
العوازل ضللوه
&&&
اسألوه ليه يخاصم
والسعادة بين ايديه
ذكروه بالليالي
الاولى ايام التقيته
كلموه قولو ليه
في غيابو كم شقيت
بحياتو حلفوه
لم يحلف صدقوه
انا عارف قلبو طيب
العوازل بدلوه

****
يا طير يا طاير

يا طير يا طاير من بعيد فوق الغمام
من ربوعي أحمل الشوق يا حمام

انشالله تمشي وتشمي يا طير لي تعود
لي حبيبي تحمل الحب والورود
احكي عني وقلو يا طير هل يعود
من فؤادي ليهو ليك ألفين سلام

يا طير يا طير خوفي بس تنسى الكلام
يوم تشوفو هالّي زي بدر التمام
في جبينو نور يشع يضوي الظلام
في عيونو يرقد الشوق والغرام
حِبِّي عارف إنو في صمتك كلام

ياطير يا طاير لي حبيب زي اليمام
هادي طبعو زي صغير قبل الفطام
ديمة ضاحك ثغره يعلوه ابتسام
من فؤادي ليهو ليك ألفين سلام

****
من طواقى الجبهه
من طواقي الجبهة من دقن الترابي
من اباريق تدلق الدم في المواعين والكبابي
من حقوقنا ايتامنا من سبحة مرابي
من صدى اهات سنابل دابها في حوضا بتشابي
من قنابل نازفة في حلق الطوابي
بالقرار الأربعيني رخيص ونابي
جيتنا في اول بيان للعزة والحرية مابي
يا البشير بالشر معمد انقلابي

صوتك المسلوب مطرّق بالاراجيف والخيانة
صوتك المغضوب معلق فوق مصابيح الحزانى
وحبلك المفتول مصنّع من دقون تحت الديانة
جيتنا في تهريج برامج هشة مهدود حيل كيانا
من كتاب عرابي يتاجر بالديانة

والعصابة كلابا تنبح والقوافل ما بتهابا
ماشه وماشه وفي طريها دبمه للوعى ارتهانا
مهما حبلك زاد متانة
مهما مشنقتك تدلت ما حترفعك مكانه
انت ماذاكرت ماضي زمن رفاقتك في الخيانة
يوم هبوب الريح على زمن المهانة
دكت الحصن المحصّن بالزنازين والعيون
بالمكايد والظنون
بالطموحات المهابي

****
اقابلك

اقابلك في زمن ماشي
وزمن جاي و زمن لسه
اشوف الماضي فيك باكر
اريت باكر يكون هسه

***

و قصر طول مشاويرنا
ورقش بالفرح جلسة
على النيل والقمر
مرات يبين في الموج ويدسه
ونحن نقابلو
زي طفلين كلامم كلو بالهمسة
وزي عصفورة قلبها دابو
حنة وبالولف حسّ

***

اي عيون بتتقبل
الا عنيك ما بتتفات
في عنيك بتوه
كيفن حلاوة البسمة في القاسيات
وعطر الصندل المستني
يفرح بيك فرحتو جات
وحاتك خلي منو شوية
عشان يتكاحلن منو السمحات

***

بلاك النجمة لا بتتعلا
لا بتتدلاّ فوقه هلال
عليك الريده طلي علينا
يالختينا فيك آمال
تجينا فرح ترفرفي فوقنا
نستناك بالموال
والشوق بيني وبينك انتي
زي ما تقول مطر اهطال

****
نختلف او نتفق
اقابلك في زمن ماشي
وزمن جاي و زمن لسه
اشوف الماضي فيك باكر
اريت باكر يكون هسه

***

و قصر طول مشاويرنا
ورقش بالفرح جلسة
على النيل والقمر
مرات يبين في الموج ويدسه
ونحن نقابلو
زي طفلين كلامم كلو بالهمسة
وزي عصفورة قلبها دابو
حنة وبالولف حسّ

***

اي عيون بتتقبل
الا عنيك ما بتتفات
في عنيك بتوه
كيفن حلاوة البسمة في القاسيات
وعطر الصندل المستني
يفرح بيك فرحتو جات
وحاتك خلي منو شوية
عشان يتكاحلن منو السمحات

***

بلاك النجمة لا بتتعلا
لا بتتدلاّ فوقه هلال
عليك الريده طلي علينا
يالختينا فيك آمال
تجينا فرح ترفرفي فوقنا
نستناك بالموال
والشوق بيني وبينك انتي
زي ما تقول مطر اهطال

****
ما بنساك
لو بالصد أبيتيني
لو بالنار صليتيني
انا لا مابنسك
***
لو حاولت نهجرني
اوتنسني من تاني
ترجع يوم تجد حبك
بدد شكي و احزاني
بدل همي في الدنيا
واعاد بالفرحة احزاني
***
لو تعرفني اني امير
انا ريدك براعيه
قلبي الراجي ليك سنين
ماممكن تجازيه
كان راجيك و بيتألم
وكيف كنت ناسيه
***
لو بس شفت آهاتو
ما كنت يوم بتتبسم
لو تابعت دقاتو
ومابتقدر براك تحلم
كنت رجعت صافيتو
ونسيتو الدموع و الهم
***
مهما جرت صديتني
بدون اسباب وبكيتني
على درب الهوى و الشوق
براي يا ناس خليتني
اداري دموعي من الناس
اقول ياريتني ياريتني
نعود من تاني نتلاقى
و آه لو مرة صافيتني

****
شن بتقولو
شن بتقولو في الفرح المعذب سيدو
في الريد المضيع زولو
***
شن بتقولو في الزوله دمعو يبكي كتيرو
في الشايل هموم الناس همو العندو غالبو يشيلو
في الما راضي بالحرمان ولا راضي لحناني يشيلو

***
ياما قالو و قالو قالو
في الزول قليل اعمالو
و العايش بيقول في حبيبو
اراك ما بتتم آمالو و البترآء يلقى الريد
مالو الريد بيعاتب بالو
***
في دنيانا نحن نعيش و ما همانا
لم تفوتنا لحظة جميلة اجمل لحظة تستنّانا
و الحبان نشيل نديلو
اجمل ريدة ما حبانا

****
يا راجيانى

يا راجياني و ما ناسياني
يام الغربة بتتحداني
و انا بتحدى الزمن الجاير
لو في بعدك يتحداني
***
استنيني و انت مصيرك تستنيني
لم سحابة تلاقي سحابة تمشي تسألي عن عنوان
كل ما تلاقي مسافر عايد تمشي وتسألي عن عنوان
وانا عنواني عيونك انت واي ممان تمشيهو مكاني
***
يا الفرهدت فرح جواي انا جملتك بي الواني
انا علمتك تاخدي المعنى و من احساسي تدي معاني
انا سافرت عشانك انت و سبت البلد لما ناسياني
كم حاولت اصارحك ياما الا العزة بقت مانعاني
***
استنيني ولو حاولت تصدي حنيني
يام حتشقي ما اظن تلقي
حنين زيي يريدك تاني
الايام وانا قربك انتي
مهما تطول محسوبة ثواني
انت جمالك ياهو جمالي
انت زهورك من ريحاني
الافراح بعرف ميعاده
واي زمان تلقيهو زماني

****
الناس القيافه

في الناس القيافة حبينا اللطافة
في دروب المحبة فتنا بعيد مسافة
شفنا خدود نية جذابة و هنية
شهقتنا ابتسامة و طلعة ملائكية
الوجنات بتشبه ازهار موسمية
و الخصر المضمر و القامة الطرية
***
شفنا عيون كحيلة فتانة و جميلة
تعبانين وراها و نجري سنين طويلة
لا خلينا ريدة ولا بقينا حيلة
نطمع في لقاها و غالبانا الوسيلة
***
نظراتنا كاتلانا و برموشة آسرانا
حبيناها نحن و درنا الموت برانا
كم نحن الحبايب منتظرين حنانا
الارواح تشابي تتلهف عشانا

****
حبيب القلب

حبيب القلب ياأغلى الحبايب
مالو حبك وراني العجايب
أحاول انسى حبك يا حبيبي
وارجع تاني مستغفر وتايب

شبابي الغالي أفنيتو عشانو
وخلى قليبي تايه عن مكانو
أشاور قلبي يتحول حنانو
يزيد شوقو ويتمنى احتضانو

نسيت الود والعشرة الطويلة
وكيف تنساها ما بين يوم وليلة
أشيل من فكري ذ**** الجميلة؟
محال يا روحي ما باليد حيلة

عليك الحب يا رب الوسامة
تشيل روحي وتديني ابتسامة
ألوم قلبي على حبك ملامة
واشوف حزنك واقول يا الله السلامة

****
الهوى الاول

أخادع نفسي بي حبك وامنيها
واهرب حتى من ذ****
والاقيها
دموع الحسرة في عينية اخفيها
نار الشوق اقول الصبر يطفيها

اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر

شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه

تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول

****
المرسال

مسكين البدا يأمل
أملو يغلبو تحقيقه
والعاشقة جفا المعشوق
الليلة وا سهرو ونشاف ريقو

امش قول ليهو ياالمرسال
عساه يراعي ملهوفو
حبيبك و بي وراك
جارت عليهو وخانتو ظروفو
فقد صبرو شرد نومو
لهيب الشوق خنق جوفو
نحول جسمو شحوب لونو
براك أحسن تعال شوفو
مسكين .. مسكين

براي السويتا في نفسي
قلبي الحب ما واعي
عشق زولا مجافيهو
وما كان للحصل داعي
اقول اتناسي حبو يزيد
تزيد بالتالي أوجاعي
طريق الحب مشيت فيهو
تعذر تاني ارجاعي
مسكين .. مسكين

خطاباتي البوديها
تقول لا بتمشي لا حاجة
وديت ليهو زول مرسال
والمرسال مشى وما جا
بقيت انا والنجوم بالليل
سوا نساهر ونتناجى
والناس اللي كانو سبب
رموني وبقو فراجة
مسكين .. مسكين

****
الحنين يا فوادى
انا عارفك يا فؤادي
طال عذابك وا سهادي
وا شقاي انا وا عذابي

لم تمر النسمة بالليل
من ديارم تشفي العليل
فيها قصة حبي النبيل
فيها ريدك وريدك جميل

يا نسايم احكي الغرام
ودي ليهم مني السلام
قولي ليهم طال الخصام
قل نومي وعز المنام

وين واشوفك وين يا ضنين
بس فراقك ليه بالسنين
لو عرفت حبيبك أمين
مابتخونو وتهجر حنيني

ياما بعدك شفت الألم
قل نومي وصبري انعدم
شفت دموعي وراك صارو دم
كل ما شدتو معاك انهدم
كلمة وحدة سقتني

 

رد مع اقتباس
  رقم المشاركة : ( 33 )  
قديم 19-03-2009, 09:21 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 عثــــــــــــــــــمان حســــيــــن

كيف لا اعشق جمالك

ما رأت عيناى مثالك .. و كيف لا اعشق جمالك
كيف لا اعشق جمالك .. و انت مغرى
زنت بى ادبك جمالك .. و انت سحرى
فيك اجمل شي خصالك .. و انت بدرى
و ابعد الغايات منالك
لو رنيت ترسل نبالك
قلبى لاعب بيهو مالك
ليهو حق لو كان هوانك
و كيف لا اعشق جمالك
بسمتك توحى الاغانى
و اسمى ايات المعانى
فى هواك لاقيت هوانى .. و بيهو راضى
معتلى قلبى و لسان
انت ذى زهر الخميلة
تزدهر فى روح جميلة
و عاليه اخلاقك نبيلة
و يخجل البدرين هلالك
و كيف لا اعشق جمالك
انت رافل فى نعيمك
و بس انال منك جحيمك
و قول لى كيف اظفر بليمك
نارى تطفا..روحى ترفا
فى سما العز ذى كماك
كيف لا اعشق جماك

****
كل لحظه
كل لحظة بتمر عليا أنت في خاطري خاطري وعنيا
أنت في فني البعيشوا في المدي الابدية
***
انا لوعارف خصامك لي ايامه بتطول كنت ما اترددت لحظة لما حار بيا الدليل
انسى ظلمك وارجى حلمك وانسي كل الراح قبيل
لكن حبك فوق ارادتي حبي ليك فاق المستحيل
***
قدر ما حاولت أخاصمك وأنسي الامي واسايا
واكتم الغيرة الفي قلبي واطوي جرحي في الحنايا
القي اثرك في حواسي وظلك يتبعني في خطاي
القي كل الدنيا حولي تهاتي بي اسمك معايا
لكن انت هدمت املي باقية عشرة نبيلة سامية


واعذروني اذا غلطت في الكلمات أو كتبت حاجة غلط بس انا بحب الاغنية دي شديد وحبيت اكتبه في المنتدي.

****
لو احبك
لو خلاص انكرت حبي..
في النهاية .. لا وحبك
لا وحبك لن تكون ابدا نهاية ..
انت عارف نظرتك كانت بداية
و ما اتغيرت..
ما بتغير حبنا.. ناس قالو وشاية
انت وحدك يا حبيبي اخترت قلبي
و كنت حابك..
كنت تتمنى اطيب حسنك
و ازدهي شبابك..
رحت تغريني ..
تغريني بحنانك ومرة تغمرني بعتابك..
كل يوم تزرع حياتي بالامل و يهون عذابي..
كنت في قمة شعوري ..
قلت فيك اجمل غنايا ..
فجأة يتبدل مصيري ..
القا احلامي وسمايا..
لا لا لاوحبك يا وحيدي ..
مستحيل نرضى النهاية..
حبنا اكبر من الدنيا و اطول من سنينا..
فيه من وطني المسالم كلو طيبة و اغلى زينة..
فيه من عاطفتي معنى الكلمة و العشرة الامينة..
نبني للعشاق منارة وتفرح الحزينة...
و برضو يحصل..
تنسى عشك ..
في النهاية ..
لا وحبك لن تكون ابداً نهاية..

****
لمتين لمتين
شجن ؟؟؟
لمتين يلازمك في هواك مر الشجن..
ويطول في أيامك سهر .. ويطول عذاب
ياقلبي لو كانت محبتو بالتمن ..
يكفيك هدرت عمر .. حرقت عليه شباب
لكن هواهـ أكبر وماكان لي تمن ..
والحسرة مابتنفع ومابيجدي العتاب ..
أحسن تخليه لليالي ولي الزمن..
يمكن يحس ضميرو ويهديه للصواب..
لكني أخشي عليهو من غدر الليالي..
أخشي الاماني تشيب وعشنا يبقي خالي..
هو لسة في نضارة حسنو في عمر الدوالي ..
ماحصل فارق عيوني لحظة او بارح خيالي..
أغفرلو يااحنين وجاوز من ظلم ..
ما أصلها الأيام مظالم
والعمر غمضة ثواني..
وأصبر علي جرحك وان طال الألم ..
بي جراحنا بي أشواقنا بنضوي الزمان..
انا عارفو بكرة بيعود في رعشة ندم ..
ننسي الحصل بيناتنا والسهر اللكان ..
تصبح حياتنا نغم .. عشنا يبتسم
وتعود مراكب ريدنا لي بر الامان ..
لمتين .. لمتين

****
ربيع الدنيا

يا ربيع الدنيا فى عينيا يا نور قلبى يا معنى الجمال

يا اخت روحى يا معانى هوايا عشته فى دنيا الخيال


انا فيك عشقته الروعه ما احلاه فى الدل والدلال

والمعانى الراسمه نور اشراقة فى عينك ظلال

وابتسامتك لما تأسر قلبى وتحكى عن المحال

تحكى عن شوقك اليا تحكى عن بعد الوصال


من قلبى من اجل المحبه وهبته ليك شعر الغزل

مع انو قدامى الطريق انا عارفو يا السمحه انقفل

مافى قسمه ومافى يا نور قلبى حتى بصيص امل

لا قدرته اقرب من ضراك ما قدرته لى بعادك اصل


يا حبيه ليه قلبك قسى وكتمتى ما تخفيه عنى

انا عشته فى حبك مقيم ما عرفته نكران او تجنى

ما عرفته غير حبك غرام وسبحته فيهو سنين بغنى

سكبتو دمعاتى الغوالى سكبتو حبى وسكبتو فنى

****
يا نوره
يا نورة يا نور القلوب يا نورة يا نور الامل
يا نورة من بعد الفراق احزاني كم ابكت مقل
يا نورة

يا نورة يا زينة الحسان يا باقة من احلى الزهور
يسكر شذاكي العاشقين وتفرحي القلب الكسير
يا نورة ما تنسي الوداد الصنتو من اعماقي نور
من قلبي دفاق الحنين لقلبك الفياض شعور
يا نورة

يا نورة يا امل القلوب التايهة في بحر الزمان
في لهفة تسال عن حبيب يرعاها بالحب والحنان
يا نورة يسرق السنين وغرامنا وريدك امره هان
من بعد ما نورتي قلبي وبيك دنيا الامان
يا نورة

يا نورة لو دار الزمن لا بد تتلاشى القيود
الجايرة تفرق كل حبيب مشتاق يغني حبيبو راد
يا نورة حبات الامل في قلبي كل صباح تزيد
تكفيني ز**** في الفؤاد لو عشت من بعدك وحيد
يا نورة

****
نادانى غرامك
ناداني غرمك ناداني
في ليالي البعد وحياني
يا شريكة روحي ووجداني
***
ناداني غرامك يا دنيا
املي وتغريدي و الحاني
رددت صداها في غنية
من شجني وهمي وحرماني
هاجتني تعلاتي اللقيا
وحنيني الدافق اضناني
اشكيك لمين
انا قلبي سجين
وهواك ضنين
زبلت في غيابك ازهاري
وبكت في رياضك اخياري
وخيالك لما ناداني
انت بالفرحة اشجاني
وشدى بجمالك قيثاري
وابيت يسامرني الدن
يكتمني السر واكتمه
يا سر حطامي
يا كاس مدامي
وعميق غيابي ماساتي
في دنياي هواي
وهواي في دنياك شظايا
ودعتي لياليا وامسي
وطفات امانيا وشمسي
وبقيتي في ايامي رواية

****
شاغل فكري مالك

شاغل فكري مالك
يا المفرد في عصرك
ويا الكامل جمالك
شاغل فكري مالك
ومشغول بي دلالك
وماهماك سهادي
وتوليهي وبعادي
حاذر ولا تنافر
ولا عاذل وشالك
حجبوك يا مناي
وحسدوني وجفوني
وأغروك بالدعاية
أنا حافظ عهودك
وصابر في أذاي
أنا آمل تجامل
بي عين الرعاية
وترتاح الأعادي
ولي يتم وصالك
ليك يا حبيب أصرح
أقبل اعتذاري
ولو في الدهر مرة
فكر في مزاري
تعرف ما ألاقي
ومقدار اشتياقي
ونفرح بي التلاقي
وعلى مر الليالي
يبقى هوانا باقي
وعلي أكون في بالك

****
لا تسلنى

لا تَسلْ عَني لياليَّ حبيبي لا تَسلْ
لا تَسلهَا فَهي حلمٌ عابرٌ طاف بِذهنِي
لا تسلهَا كمْ تَعانقنا عَلى رِقة لحنِ
و قَضينا الليلة الأولى حديثاً وَ تَمنِي

لا تَسلْ عني لياليّ فقدْ بِتنَا حُطاما
كم حَرَقناها شُعوراً وأماني و غرامَا
و سَلِ الشاطئ لمَّا كنت ألقَاكَ دواما
و نُذيبُ الليلَ هَمساً و عِناقاً و ملاما

يا حبيبي أنت ألهَمتَ أغانيَّ و جَرسي
أنت في وحشة أيامي ندى أَورَق أُنسِي
أنت في عُمري ربيعاً دافئاً يملأ نفسي
أفلا عُدت و عادت قصة الحُبِ كأمسِ

****
اغرينى بالحب والهنا

مشيتني في درب المنى
اخر المطاف كان يا جميل
وحشة وضياع حسرة وضنى

هانت عليك عشرة زمان
لحظاتو كانت المشرقة
ريانة ترويك بالامل
مخضرة نادية ومورقة

لا شفنا فيها قسى الخصام
لا فرقة مرة ومحرقة
والليلة شوف اصبحنا كيف
جنة لقانا طواها صيف

ما كنت قايلك يوم تدور
من ده الخصام مين ابتدا
مين علمك انت النفور
وريني قول والحب كده
تهجرني ليه تحرمي ليه
في شرع مين الظلم ده

****
من اجل حبى

جاي تترجاني أغفر ليك ذنبك
ما كفاية الشفتو من نارك وحبك
أنت فاكر تاني أرجع لك واحاسبك
لا يا ناكر دربي أصبح ما هو دربك
كنت تحلم بالسعادة في كلمة مودة
وهي غير ما إنت فاكر
وهي في نبضة مشاعر
في القلوب الما بترد أي طارق أي زائر
شايلة هم الدنيا زاده ومالية كل الكون بشاير
إجتمعنا علي المحبة في ثواني
في طريق مفروشة بي حبي وحناني
وافترقنا كل واحد في طريقه
انا ضائع وإنت مخدوع بالأماني
كل زادي في ضياعي
قلبي مفتوح للأحبة
للجمال الأشجى روحي
في شعوري سحره شبه
ورسالة فني سامي
تدعو للخير والمحبة
إلا قلبك يا حبيبي
لسه ما أدرك وشبه

****
بعد الصبر

ليه تقول ايامنا راحت وانتهينا
يا حبيبى والله كانت ديك سحابة
لوحصل فى العمر مرة وافترقنا
عى غلطة ونحن نتحمل عذابها
كنت عايش كل ايامك محنة
وانا بحرق كل عمرى فى الصبابة
يا حبيبى ليه ماتبقى حياتنا جنة
ننسى ظلم الدنيا ناخد من شبابها
نبعد الشك من قلوبنا والمظنة
ونمشى فى دروب الامانى المستطابة
لست ادرى هل عذابى ام عذابك كان اكثر
حين شق الدهر بينا والفراق المر اجبر
غير انى كنت ادرى حبى كان اكبر
فلماذا كنت تخشى انت ماضى المسير
كل واحد ليه فى تاريخه ماضى اى ماضى
ليهو ذكرى حب قديمة
وانت عارف لما اخترتك حبيبى
كان فى قلبى جرح يندى بالهزيمة
لكن انت صرت اغلى حب عندى
وكنت راضى معاى بظروفى الاليمة
وكنت راضى بالشقا البتبع خطاى
والماسى المرة فى طفولتى اليتيمة
ليه ما نتحمل ونصبر يا حبيبى
بكرة نلقى الدنيا بى خيرها ونعيمة

****
خاطرك الغالى

دايما أطيب خاطرك الغالي وأسامحك لو نسيت
ودعت من يهواه قلبي يقربك مهما نئيت

كم مرة كم حاول يفرق بينا حاسد أو عزول
كم مرة قالوا جنيت عليه بدلت ضو أيامي ديل
لكني يانور العذاب أنا مابغير حبي قول
تلقاني دايما فى هواك تلقاني فى حبك أصون

أسأل عليك الليل ونجموا وكل أنوار الصباح
من كل طائر في سماهوا
أسأل مشاعرك عن هوانا وليه حنانك لي راح
الليل يجن غاية الألم والام تروح مع الرياح

حيران أسائل نفسى إيه كان السبب أصل الخصام
يمكن يكون فى حقك إتلومت فى ساعة ملام
لكن دة ما أظن يكون أنا قلبى ليك حفظ الغرام
ما أظن من عرف الهوي يعرف عداوة مع السلام

****
غرد الفجر

غرد الفجر فهيا ياحبيبي
واستهام النور في الروض الرطيب
وبغاث الزهر فوح مستطير
ونسيم الروص عطر وعبير
والدنا حب تناهي وشهور
فإلام الصد
وعلام الوعد
والجفا والبعد
وفؤاد الصب يشدو كالغريب
غرد الفجر فهيا ياحبيبي
أوتنسي قبلت يكفك لما
لامست جبهتي الحري ولما
هدهدت في مسرح الآلام هما
إنها نوري
غب ديجوري
مهد تبشير
وهي في الدنيا غنائي ونجيبي
غرد الفجر فهيا ياحبيبي
مهجتي تزداد في الحب اتقادا
عجبا لاترتضي منه ابتعادا
كفراش يبتغي النار مهادا
يالويل الصب
وعذاب الحب
وإبتئاس القلب
ياأماني يا أنيسي في دروبي
غرد الفجر فهيا ياحبيبي

****
عشره الايام

عشرة الأيام ما بصح تنساها
كأنه ما حبيتك وكأنو ما عشناها
وضمانا أحلى غرام
ليه تجفا دون أسباب
من غير عتاب أو لوم
أخترت غيري صحاب
وأصبحت قاسي ظلوم
هان ليك فراقي خلاص
وانا برضي حولك أحوم
كان عهدي بيك ترعاه
وأجمل صلاتنا تدوم
أمل المحبة سلام
بعدك أماني هواي
بعدك جنيته عدم
ولا عرفت صديق
لي قلبي غير الهم
كم غيري يشدو سعيد
وأنا في هواك مغرم
وريني أيه ضراك
لو كان صبرت شويه
وأسلم في الأوهام
ما كان فراقنا المر
في بيتي أو في إيدي
لكن ظروفك أبت
وقست ظروفي علي
واتلاشت الأحلام
وين حسن ظنك بي
وريني أيه صداك
لو كا صبرت شوية
عمر السنين أيام

****
أنا والنجم والمساء

أنا والنجم والمساء
ضمنا الوجد والحنين
حف في كأسنا الرجاء
وبكت فرحة السنين
آه يا شاطئ الغد
أين في الليل مقعدي
أين بالله موعدي
يا خطاها على الربا
عطر أنفاسها صبا
تحمل الشوق والصبا
أنا عادني الهم والضنا
انا والنجم والمساء
في الدجى شاق مسمعي
صوتها الملهم النغيم
في الهوى هاج مدمعي
حبها الخالد الأليم
كلما لاح بارق
من محياها خافق
خلدت لحن شهرتي
ألهبت ليل وحدتي
بالأسى والصبابة
يا ربا البحر أشهدي
هاهنا كان موعدي
وهنا كان مقعدي
أنا والنجم والمساء

****
أتذكرى فى الدجى الساجى

أتذكرى فى الدجى الساجى - مدار حديثنا العذب
وفوق العشب نستلقى ــ فنطوى صفحة الغـيب
وإذ مـالاح نجم سعد ــ نرشف خمــرة الحب
اتذكرى عهد لقيــانا ــ ويوم القبـلة السكـرى
وقبَّل ثقرى الظامى ــ فقـد لا تنفــع الذكـرى
وترقد فى يدى كالطفل ــ الثم ثغرك العطــرى
وقطرات الندى الرقراق ــ تعلو هامــة الزهد
والحان الهزار الطلــق ــ فـوق خمـائل النهر
ولما ينقضى اللــيل ــ وينـعس ساقـى الخمر
يرف الضوء كالحلم ــ يسكـب خـمـرة الفجـر
اتذكرى قبلتى والليل ــ يـروى طلعــة البـدر
كيف اناملى الحيرى ــ تداعب خصلة الشـعـر
وتنعس فى ظلال النور ــ تحـكم بالهوى العذرى
اتذكرى عهد لقيـانا ــ ويوم القبلـة الســكرى
وقبل ثغـرى الظامى ــ فقد لا تنفـــع الذكرى

****

داوم على حبي


داوم على حبي
واسال على قلبي
ما تفكر تنساني

الجنة يا غرامي منك
الدنيا تحلالي جمبك
حبيبي خلقوني احبك
وخلقوك علشان تهواني

يا اغلى من روحي عليا
واعز من نور عينيا
ما لي غيرك ما لي
امسح دموعي واشجاني

جمالك الهادي سحرني
وعطفك النادي غمرني
اشواقي عنك تسالني
من قلبي اهديتك سلامي

 

رد مع اقتباس
  رقم المشاركة : ( 34 )  
قديم 19-03-2009, 09:36 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 زيــــــــــــــدان ابـــــراهــــــــيم

دنيا المحبه

في بعدك يا غالي أضناني الألم
وعشت مع الليالي لا حب لا نغم
وين يا نور عيوني كم طولنا كم
من لمسات حنانك خلاص تمينا دور
أيام مرة خالية من طعم السرور
كل ما غنى شادي دوبني الشعور
وأقول يا ريت حبيب لو في الطيف يزور
لو كان التمني بينفع كل حبيب
ما كان السعادة بقت قسمة ونصيب
ولا قلوبنا الحيارى مع الايام تشيب
ولا عاش قلبي تايه في حبك غريب
لا تسأل مشاعرك ليه عيني بكن
يوم ودعني حسنك ولازمني الشجن
باكر يا حبيبي يعلمك الزمن
ليه دنيا المحبة للعشاق وطن

****
قصر الشوق

أقول أصبر على الهجران
أقول أنساك لا بد
أشوف بس طرفك النعسان
تخوني القوة والشدة
تصبر قلبي على الهجران
يثور ماضينا ويتحدى
يا قصر الشوق لو هداك
حبيبك ومر ليك صدا
بأبنيك بغلاوة الريد
محال أنا قصري يتهدا
أهي الأيام بتتعدى
ونرجع تاني لا بد
وحات عمراً قضيتوا معاك
محال عن ريدك ارتد
وراجي العين تلاقي العين
وأحضن إيدك البضة
وأهي الأيام بتتعدى
ونرجع تاني لابد
باب الريده وإنسد
نقول ياربي إيه جد؟
تمر أيام وتتعدى
ونقعد نحسب في المدة
مهما أجرب النسيان
ألأقي الشوق يمتد
ما باب الريدة وإنسد

****
لو احبك

لو أحبك أنا العمر كلو
برضو شاعر ما كفاني
انت فاكر للعواطف
ظاهرة في روحي وكياني
والمحبة البين ضلوعي
خالدة برويها بحناني
إن مساهر بالي فيها
وان نسيت كانت أماني
مشتريها بي شبابي
والشباب ما بجيني تاني
بين شفايفك ابتسامة
زي قمر ضوا في حياتي
وكل بسمة بتزيد شجوني
وما في زول يرحم شتاتي
لما تحكي الشوق عينيا
أو تعاتبك اغنياتي
كلمة حلوة من لساني
فيها أجمل ذكرياتي
بس بنظرة بترد عليا
ومن بعيد تلهم سكاتي
كن مجامل يا حبيبي
ويكفي انك تصطفيني
عشّي خاوي بالليالي
والنهار بشهد انيني
الضلام بكتب عليهو
بي حروف النور حنيني
والنجوم تشهد ضنايا
وتقرا فيك لمحة ضنيني
متين تعود أيام هنايا
وتاني ترجع تصطفيني

****
فى الليله ديك

في الليلة ديك لاهان علي
أرضى وأسامحك
ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك
جيت أقول مبروك عليك
ومديت يميني بلا
كلام ما قدرت قدامك أقيف
ورجعت حابس
أدمعي في الليلة ديك
في الليلة ديك
والناس تشارك فرحتك
حسيت بإني غريب
هناك وغريبة
إنتي في دنيتيك
حسيت معاني الفرقة
حسيت بالوجود
ماخذ سواد من حنتك
شفت الدموع خلف الرموش
مكبوته بي حسرة وضياع
ورعشة الكف الخضيب
مقرونة بنظرة وداع
جابو القدر في سكتك
في الليلة ديك لاهان علي
أرضى وأسامحك
ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك
جيت أقول مبروك عليك

****
داوى نارى

داوي ناري وإلتياعي
وتمهل في وداعي
يا حبيب الروح هب
لي بضع لحظات سراع
قف تأمل مغرب
العمر وإخفاء الشعاع
وأبكي جبار الليالي
هده طول الصراع
ما يهم الناس من
نجم على وشك الزماع
غاب من بعد
طلوعه وخبا بعد إلتماع
أه لو تقضي
الليالي لشتيت باجتماع
كم تمنيت وكم
من أمل مر الخداع
وقفة أقرأ فيها
لك أشعار الوداع
ساعة أغفل فيها
لك أجيال امتناع
يا مناجاتي وسري
وخيالي وابتداعي
تبعث السلوى وتنسي
الموت متروك القناع
دمعة الحزن التي
تسكبها فوق ذراعي
داوي ناري وإلتياعي
وتمهل في وداعي
يا حبيب الروح هب لي
بضع لحظات سراع

****
شقا الايام
شقا الأيام ....

وسهر الليل ....

بهون لو مرة حسيت بى ....

يزول كل الوجع وأرتاح ....

وأغرد زى كنار صداح ....

وتبقى الدنيا فى عينى .....

أزاهر وغيمة وردية ....

ولو سلمت مرة على ....

سلامك ليا عيديه.....

شقا الأيام وسهر الليل ....

وآهاتى الحزاينية ....

ملازمنى من يوم شفت عيونك الحلوة ....

ويومها عرفت كيف العين

مكامن ريد....

وجرة نمة من دوبيت ....

ضراعة فاتحة يوم العيد

فرح أطفال

وأهازيج زار

ونقرة طار ....

وبحة ناى .....

حزين غناى ....

ترانيم غنوة دينية

براى ..... والليل

وأهاتى الحزاينية ،

بيغشاني النعاس مرات ....

وطيفك يمر....

يغافلني....

يبدل حزني اشراقات

وأبداء معاك غناوى الليل

وأغالب الدمعة مابيه تسيل ....

أتارى الليل كمل كلو

عيونك مرة لو طلو ....

يزول كل الوجع وأرتاح.....

وأغرد زى كنار صداح....

وتبقى الدنيا فى عينى ....

أزاهر وغيمة وردية ....

ولو سلمت مرة على ....

سلامك ليا عيدية ....

****
ليه كل العزاب

ليه كل العذاب ليه كل الألم
بزرع في المحبة وحصادي العشم
ليه كل العذاب ليه كل الألم
لسه الفرقة حاصلة وبقاسي الألم
الدرب المشيتو مشيتو عشانك
عذب وزيد عذابك يا سلطان زمانك
عذب وزيد عذابك يا جبار زمانك
كل ما أجيك داني كايس لي حنانك
تبعد مني تقسى وتزيد الألم ألم
لو تعرف يا ظالم بحبك قدر إيه
بحبك والله عالم ده حب احترت فيه
بحبك زي عيوني ولو سألوني ليه
لأنك في عيوني في عيوني الألم
عذب فيني بالغ وزيد منو الكتير
لو يرضيك آذاي عذب يا أمير
قالو البهوا دايماً ياما يشوف كتير
وشفت غلاوتي عندك وحبيت الألم
ليه كل العذاب ليه كل الألم
بزرع في المحبة وحصادي العشم
ليه كل العذاب ليه كل الألم
لسه الفرقة حاصلة وبقاسي الألم
لسه الفرقة حاصلة وبقاسي الألم
لسه الفرقة حاصلة وبقاسي الألم

****
لا هماك عذابنا

لا هماك عذابنا
لا دموعنا وشقانا
نهديك المشاعر وتخون الأمانة
عارف ريدنا ليهو كم قاسينا فيهو
لو غاب من عيونا دقيقة دقيقة نخاف عليهو
أصبح لينا مرسى نرتاح في عينيهو
تمشي تخونا إنت تقول تتهنى بيهو
في ساعة غيابك نسأل وين تكون
وسدناك رموشنا وشلناك في العيون
كيف يرضيك ضميرك تتنكر تخون
العشرة الكانت ببتحدى الظنون
سبتا مصيرنا ضايع مرساه العدم
في بحور السراب بالدمعات وهم
عشان آمالنا فيك قلبنا ما ظلم
خلاص عرف الحقيقة
وما بفيد الندم
لا هماك عذابنا
لا دموعنا وشقانا
نهديك المشاعر وتخون الأمانة

****
حنين ياليل

حنـــين يا ليل
يا ساتر عيون الناس
أهم فيك و أناجيك
وأسافر في بحورك ديك
لا بتعب من الإسفار
ولا بغشاني مرو نعاس
لأتي بغازل النجمة
غزل بقوافي منسجمة
وحجوة بصورة منتطمة
وبيها أدغدغ الإحساس

حنـــين يا ليل ... يا
يا ساتر عيون الناس

براي سهران كمان زيك
بلاقي عزاي في ريدك
اقالد في النجوم وحدي
وأغني يا ليل مواويل
أصارع الموج والتيار
أغالب الدمعة ما تنهار
أسِــــر البسمة عشان
تضوي لي في المشـوار
حنـين يا ليل
يا حنــيِـــن
يا ساتر عيون النـاس

****
اسير حسنك

اسير حسنك يا غالي
في ريدك كم بغالي
اشيل من طبعك انت
واصبح حالي حالي
يا عبير يانسمه هاشة
ويافرح مليان اعاشة
شيل سنيني وشيل
نداها وشيل معاك
كل البشاشة
قول لي الغيوم
لو تاني رحلت وين
بين ظلال عينينا ماشة
سر جمالك في عيونك
غيمة تحضني وتسافر
تملي كل دنياي فرحة
وتبقي بكرة امل لباكر
يا حلات دنياي جمبك
ويا حلاتك وانت نافر
مستحيل دنياي تبسم
اوتفرح مرتين
ما خلاص ادمنت ريدك
ولهتك عيني سنين
وريني لما يطول غيابك
والقي تاني الفرحة وين

****
بنتاسف على الروح

بنتأسف على الروّح
من الايام ونتحسر
تسيل الدمعه لما نحن
لماضي الريد ونتذكر
اسفنا البينا ما طوّل
عمر رحلتنا كان ايام
وكل فرح قصد دارنا
رحل بطيف من الاحلام
ونحن هنا الأمل غابت
نجومه الحلوه في الأوهام
صحيح ما كنتا بصور
يفرق بينا نحن زمان
تخون إنسان بحيا عشان
يشيل دمعه عذاب انسان
غريبه الدنيا تجرح ناس
قلوبها محافظه على الإحساس
بيشرق نور ويضوى
زمان معانيه ابتساماتك
متين يرتاح عذابى
ومتين تغمرنى جناتك
جمالك ما نداوة لون
جمالك كلو في ذاتك

****
الهفه

لو تعرف اللهفة والريد والعذاب..
والشوق بطرق فى دروبك الف باب ....
لو تعرف دى الدنيا من بعدك سراب..
ماكانت روحت وكنت طولت الغياب ....
كنت فاكر الشوق يجبك والحنين..
وتعود لقلبى الفى هواك صابر حزين ....
لكنو بس طال الصبر بالسنين ....
يا الروحت طولت الغياب ....
لو تعرف اللهفة والريد والعذاب ...
والشوق بطرق فى دروبك الف باب ....
لو تعرف دى الدنيا من بعدك سراب ....
ماكانت روحت وكنت طولت الغياب ....
الليل حزين دمعاتى صامته بتبللو ....
ممتد طويل ماليهو حد فاقد نهايتو ....
بالله كيف اقدر اطيق واتحملو ....
يا الروحت طولت الغياب ..
لو تعرف اللهفة والريد والعذاب ....
والشوق بطرق فى دروبك الف باب ....
لو تعرف دى الدنيا من بعدك سراب ....
ماكانت روحت وكنت طولت الغياب ....

****
جميل ماسلناهو

جميل ما سألنه
ولكن هويناهو

بديع فى تدنيه

وديع حين تلقاهو

عجيب فى معانيه

اذا أدركت معناه

مليح البدر فتاة

ملاك قد عرفناه

فريد فى محاسنه

فريد فى سجاياه

غزال فى تلفته

صباح ما وحيناه

جمال فيه إشراق

تريح النفس رؤياه

عشقناه ولكن

تعبنا إذ عشقناه

سكارى عند رؤيته

حيارى عند ذكراه

يعاتبنا بنظرته

بلاذنب جنيناه

****
اخونك

أخونك .. هل تصدق أخونك؟
ما أظن أصدق أخونك
لو شافت عيونك إيه حاصل بدونك
دي الدنيا بقت عدم
والفرح من غير نغم
والسعادة بقت وهم
والحلوة من غير طعم
وبرضو تصدق أخونك؟!
يا سلام على ريدي
خلاك بقيت سيدي
لو الأماني بإيدي
كنت أهديك عيوني
وأسقيك من وريدي
يا هنايا وجديدي
يوم أشوفك يبقى عيدي
وبرضو تصدق أخونك؟!
ذكرياتك دايماً أماني
صورة حية لي غرامي
عشتها بروحي وكياني
يا سروري وابتسامي
مهما قلبك جار سباني
انت برضو مثار اهتمامي
وبرضو تصدق أخونك؟

****
غربه وشجن

ما اصلو ريده اصبح حياتي
من يوم فؤادي لهواها انهدي
وانا عايش اقاوم في الظروف
راجيها تعطف وتحن للنداء
ماكان محال اهديها الغرام
او ابقي راهب ليها واعبدها

يا غالية يا زينة حياتي
مشتاق لشوفتك لي زمن
وانت عارفة شبابي كلو
وهبتو لي حبك تمن
ألقاك متين وحياة سنين
واتهني بي قربك زمن

لما تهيمي بالبسمة تتفجر
بسيماتك درر
تلقينا في غربة وشجن
تايهات قلوبنا بلا سفر
تملآ من بعدك لهيب
ماصبرنا من بعدك ودر
من بعدك إنتي يعيش منو
ومن تاني مين يتمني العمر

****
بتبدل مع الايام

بتتبدل مع الأيام
حرام يا غالى تتنكر
ونتقابل بدون كلمات
ولا لمسة حنان تسأل
ربيعى جفت ازهارو
جفنى الليله اتبلل
نسيتنا خلاص
بننساك يوم اتذكر
تحاول تستعيد عشك
تلقي الليل عليك يسهر
وياما الليل يطول بيك
علي الضيعتو تتحسر
حرام يا غالى تتنكر
مصيرك بكره تطرانا
ومصيروا زمانك يتغير
تجيني ويحضنك قلبى
اقول ما كنتا تتنكر
ودموع الحسره لو بتجيب
الضيعتو كان اكتر
حرام يا غالى تتنكر

****
بقيت ظالم

بقيت ظالم نسيت الناس ياسيد الناس

جنبك عمري كان املا مفرهد يا غرام الروح

زهور بتملاء دنيايا بالاماني تفوح

وبعدك ياما بتالم حزين وانوح

غريب انا من غير اهل

وقلبا حزين مجروح وحيد مجروح

بحبك عمري ما اتنكرت ما جافيـت

حرام ياغالي انا طول عمري ما حبيـت

لغيرك يوم ولا اتمنيــت

خلافك ريده ما حبيــت

ولا غنيت اغاني الفرحه وما اتهنيت

وقبل دا انا ما حسيت

بطعم الدنيا من تبيت

****
قلبك ليه تبدل

قلبك ليه تبدل صدا وليه تحول
انا طول عمري مخلص يا اخر حب واول
***
إيه الشفتو مني من حبي وحنيني
ايامي القضيتا من عمري وسنيني
اعبد في جمالك ياملهم فنوني
إنتا خلاص نسيت البينك وبيني
مابنساك وحاتك يا اخر حب واول
***
يابهجت شباب واملي العشت بيهو
سقيتو الطيف حناني وانت حياتي فيهو
روحي حولو حايمة حولو والروح تسال عليهو
قلبي الحب سامي مشغول
ديمه بيهو طول
وحيات شبابك قلبك ليه تبدل
قول وحيات عيونك حبك في دمايا
سامر جوة قلبك وعايش في خيالك
انا لسه عندك حبيبك وكل امالك
إنتي خلاص نسيتني شاغل ريدي مالك
مابنساك وحاتك يااخر حب واول

 

رد مع اقتباس
  رقم المشاركة : ( 35 )  
قديم 22-03-2009, 12:07 AM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 ابــــــو عركى البخـــيت

ابـــو عركــــى الــبخـــــيــت

كلمات اغنية ياقلب

يا قلب انا كنت قايلك تبت من تعب السفر
ومن مخاواة القماري ومن شراب موية المطر
تاريك كامن ليا ... بشيتا كتر
تاريك لابد ليا ... بشيتا كتر
ما زمان انا وانت لفينا المواني
بالقطارات والمطارات والسفن
ودقينا اجراس الجديد
وعدنا ترتيب المعاني
الليلة راجع لي تبقبق
بتنتل الآهة وترقرق
زي تقول يا داب عرفت الاندهاش
*****
يا قليب مالك عليا
ما انت عارف نقطة الضعف القديمة
وزيي ضايق الارتعاش
*****
يا قليب ياما سرحنا
مرة جينا والف رحنا
ومرة شاي عصرية في طرف الغمامة
ومرة دوبيت للمحنة
ومرة منديل مسقي حنة
ومرة حاجاتا اجن
وانحناءات للحمامة
جاي تسألني الدبارة
يا قليب ما فيش دبارة
لا المراكب قادرة تكسح في النزيف
ولا نحن شايفين الفنارة

++++
كلمات اغنية : لوكنت ناكر للهوي


لو كنتا ناكر للهوى ذيك كنتا غفرتا ليك
كل العذاب العشته فى حبك وكل حقى عليك
لكنى عايش للهوى وكل يوم اترجا فيك
ورينى كيف أغفر وانت شقاى سببته بيديك
حاولت اخدع نفسي يا ظالم واهجر حبى ليك
حاولت امنع نفسى منك وتانى ما امشى واجيك
ورحلت عنك وعن ديارى وهدمت كل امل لديك
وبرضى ما قادر لما اسيبك لما انساك بشتهيك
مع كل دفقاتى الحنينة وكل دمعة شوق سجينة
تهاتى بيك روحى الحزينة واشقى لما تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك اجيبو
انت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو

++++
كلمات اغنية : بخاف
بخاف
بخاف أسال عليك الناس
بخاف أسال عليك الناس
وسر الريده بينا يذيع
بخاف أكثر كمان ياغالي
من إيديّ إنت تضيع
وأعيش بعدك حياتي جفاف
آه مواسم ريده بينا مافي ربيع
بخاف يا إنت لوجيتك
ألملم في خطاوي الشوق
وأزور بيتك
يقولو عليّ حبيتك
بخاف لوبرضي غبت عليك
تقول نسيت وجافيتك
بَهـِم لو صدفه لاقيتك
درب حِـِلـِّتنا جابك يومتشيل ياروحي ترمي اللوم
عليّ وتزيد همومي همومتقول جافيك وأنا نسيتك ؟؟؟
أريت تعرف
حنيني إليك ياريتك
كمان تعرف
لحد وين بعزك
وفي أعماقي حسيتك
ياريت انت تعرف
ياريت انت تعرف
وبس خايف إذا جيتك
حكاية الريده تمشي تذيع
ومن إيديَّ إنت تضيع
وأعيش بعدك آه حياتي جفاف
مواسم ريده مافي ربيع
++++
كلمات اغنية مرسال الشوق

مرسال الشوق ياالكلك ذوق

مرسال الشوق ياالكلك ذوق

أغشي الحبان في كل مكان

قول ليهم شفنا جبل مَره

وعشنا اللحظات حب ومسرّه

بين غيمه تغازل كل زهره

وخيال رمانه علي المجري

لوحة فنان تمحي الأحزان

صُفره وخـُضره ُزرِقه وحُمره

حلوه ونضِره وزفة ألوان

بين غيمه تغازل كل زهره

وخيال رمانه علي المجري


مرسال الشوق

وزهر ناير نادي وبسّام

وزهر ناير نادي وبسّام

بالحيل داير ريشة رسام

جيرانه جداول هيمانه

وصنوبره نادية وريانه

كزمرده في صورة بانه

طرتنا العزيزه العاجبانا

الدرنا تكون هسه معانا

وتشوف بعيونا النعسانه

وتتم الصوره الفنانه

ونقول ياربنا ياقادر

ونقول ياربنا ياقادر

يا واهب كل الشيءالنادر

ياالفنان أمرك صادر

تجمعنا كمان مره ومره

بين الحبان في جبل مره

بين غيمه تغازل كل زهره

وخيال رمانه علي المجري

مرسال الشوق
++++
كلمات اغنية واحشني
للشاعر التجاني حاج موسي

***

واحشني 00
يا الخليت ملامحك في حياتي
يا الرسيت مراسيك جوه ذاتي
الا باكر 00 لما ترجع
انا بحكي ليك عن الحصل
عن بعد المسافة 00وقربها
لمن يفارق زول عيون 00
غاليات عليهو كتير 00 وبحبها
والله احكام 00 يا قدر
والله احكام 00 يا مسافة وياسفر

* * *

واحشني 00
بس تاني 00لما بتسيبني وتسافر
خت في بالك 00 انو دنياي في مدارك
جد 000 لفافات الصبر انا 00 دفنتها
وحتى المقاطع 00 في غناي طوعتها
وغريبة 00 غنت فرقة لا لا مش فرقة
الله 00 الله تقصد شنو ؟؟
ما عرفتها
بس ممكن اقول 00
تجربة خطيرة جد 00 واجتزتها
لسه 00 واحشني
+++
كلمات اغنية

:: وعد::

__
بوعدك ياذاتى يا أقرب قريبه

بكره أهديك دبلة الحب والخطوبه

***********

وعد من قلبي وإردتي

ومن ضميري

مافي زول شاورني

ماشورت غيري

كل كلمه أقولا

بتعذب ضميري

هي البريده

وهي حتواجه مصيري

++++
كلمات اغنية

% امونة %

)()(

كل البنات 000أمونه ياخرطوم
معاي ساعة أفتح الدكان00
معاي ساعة الدرب بالليل
معاي في البص00علي أم درمان
وفي الكوبري الكبير000في الليل
أعاين في البحر00مهموم
ألاقي وجيها000شاقي النيل
وفي ساعة التعب والخوف
تشيل خطواتي00وأمشي عديل
*
دحين خاتي 00أكان يا يُمه00
صبحت نفسي ساعة الكتمه 00
من ضيق الزمن000والناس
وألقي دمي يفور00
تمد إيدينا 00تمسح00
في العصب والراس
أمانه كلاما00كان رفرف
وكت ساعة الدرس00ياخوي
يطير قلمي00
ويزغرد سنـّو في الكراس

++++
كلمات اغنية :

صاحبة في الزمن الصعب

لمّا 000لا ترحال يحلك
لا البعاد00 يقدر يحلك
لا القرب00يقدر يدوم
الكلام بصبح مفرّق
الدنيا تشبه لون بعاد
وأبقي أحوج ما أكون
أنا لي حضورك00بالجد بدورك
فجأة يشع00فيني نورك
والقاك نبتـّي من تراب السكه
سديتي الأُفق
لحاك حلمي الملوّن بهمومي
لما يومك00بلقى يومي
وفصل همومك00من همومي
نضحك من الواقع00سوا
نحن القدرنا علي التعب
حرقتنا 000ألسنة اللهب
ولسه00ماسكين الدّرب
يا صاحبه00في الزمن الصعب
++++
كلمات اغنية :

" عن حبيبتي بقولكم "

!()!

عن حبيبتي 00أنا حأحكي ليكم
ضل ضفايرا00ملتقانا
شدُّوا00أوتار الضلوع
أنا بحكي ليكم00عن حنانا
مرة غنت00عن هوانا
فرّحت00كل الحزاني
ومرة لاقت00في المدينة
الحمامات الحزينة
قامت 00أدّتا من حنانا
ولما طارت في الفضاء
رددت 00ألحن رضاء
وكانت أول مرة00في عُمر المدينة
أنو 00نام مكتوم حزينا
تحيا00محبوتي الحنينه
*
ساوّه ليكم00بإيدينا شاي
وحالبالكم00ضي القمرا
مخبـّيه في جيوب الليل
متى ما تدورو00بترويكم
وما ممكن00تخليكم
تجيب النجمه00تديكم
عشان كان نورا 00ماكفـّي
تجيب ضوا 00يكفـّيكم
وعن حبيبتي 00بقول لكم
ولسه برضي حاقول لكم
يلا000صفقوا كلكم
++++

كلمات اغنية :

: بستنشقك )::


وأكتم هواك جواى..على مر الزمن
وتعيشى فى على الدوام
وأبداً..أبداً ما أتنفسك ..
تتخللى الروح والمسام
وأتخطى بيك سخف الصغائر واللئام..
وأحبك تانى ومن جديد
وابداك معاى انا ياسلام وأحدثك
عن الزوا البرسل فيك الأغنيات
ومن الصغر كان بيعشقك
تزدهر فينى الفصول
ولما انم انا بغناك
قامتى بتطول
وابقى قادر انى اتمدد على طول الزمن
ومن المحن
ومن المحن ياعازة يا أم الكرام
وحدة نضالنا بتحرسك..
ومن المحن ياعازة يا أم الكرام
أنا والمعاى بنحرسك..
++++

كلمات اغنية :

^( ثمار دمي )^

انت معاي في جواي
غرستك آهة من ثمار دمي
وبنيت منك جمال دنياي
أريدك أريدك.. أريدك
.. انت فجراً طل فرح ناس
وخط بدمّو كلمة ريد بقت تاريخ
بني وشيد عليه الســاس
..أحبك انت مطراً
جا وسقي التيراب
وصبحت بيك حياتو خريف
.. وجدول فرحة فيك منساب
يناغم قلبي فيك ويقول
تعال نفرش دروب الريدة للأحباب
وزهرة حب .. جزورا حنان .. غصونا أمان
ثمارا بتدي طعم الريد
وريدا بيسعد الانسان
ومدام ما انت باقى معاي
في جواي
غرســـــــتك آه من ثمار دمي
وبنيت منك جمال دنياي ،
حأبني الدنيا جنة ريد
وأعطر بيه ديمة غنــــــاى .
++++

كلمات اغنية :

@ الجميل السادة @

الجميل السادة
وضاح المحيا
التفت يوم شفتو
ماقبلان تحية
من دلالو ولا مالو
خلا نيران قلبى حيه
ابتسامة الزول بتنبع من شعورو
كيف تزعل لو تعبر عن سرورو
والبقابلك بيتسم ليك من ضميرو
لو سمحت تجاملو بمجرد تحية
كان أملى تفرحنى منك ابتسامة
وابتسامتك حلوة بتزيدك وسامة
العيون تتلاقى ويتم انسجامها
وكل واحد بيحلم بلحظات هنيه
++++
كلمات اغنية

)_تعالو نغني _(

تعالوا نغنى غنى الايام الجايه كتير
ونفرح بيها سماء السودان
تعالوا نلم الوان الطيف
الفى الخرطوم ابناء شعبى
والفى امدرمان
تعالوا نفكر ايه البيحصل فى السودان
الجوع.. المرض.. الخوف
الشك عدم اطمئنان هد الانسان
تعالوا نقعد نحسب خطونا
من ما اخدنا الاستقلال
لحدى الآن..
اتقدمنا ولا اتأخرنا
اتأخرنا ولا اتقدمنا..
سؤال مطروح لى كل
فئه من فئة الشعب
بالف سؤال: دم اجدادنا
بيحرض فينا على الحرية
وبيذكرنا عشان ما نحافظ
على وحدتنا الوطنية
بس مكتسابتهم بصراعاتنا وبخلافاتنا
دفناها وبقت منسية...
حقو نشوف من وين بتجينا مشاكلنا
ومنو البيعطل حركة شعبنا بالزندية
ونجيبوا ونحاسبوا
بعدالة وبديمقراطية
انا شايف الجوع بيطل
من وقت لاخر
ليه!! وبلدنا سهول
اطفال بيتشردوا فى
الطرقات وبياكلوا الذل
ومنو المسئول
والحرب لعينة وممتدة وبتحصد فينا
ويا للهول ويا للهول
وبلدنا الغاليه ام الخير
فيها كمان ظهر البترول
اشياءنا بتنتاقض
وفى الواقع نحنا كتير وكتير
بندور فى الحلقة الواحده
كما البندول..
نكسرها كيف!! الحلقة
الواحدة دى نكسرها كيف!!
ونمدها جسر يوصلنا
والدنيا عجول..
يا حكامنا الدنيا عجول
ياساستنا الدنيا عجول
يا جنرالتنا الدنيا عجول
يا ساداتنا الدنيا عجول
++++

كلمات اغنية :

!_( معاك يبقي الزمن حاضر )_!


معاااااااااااااااك ببقى الزمان حاضر
بجي العالم قريب مني و يكون أجمل

بعيد منك بموت صوتي
و يغيب فرح الزمن يكمل

هواك مد الأفق جواي
رسم قامة الشمس أطول
و خلاك أخر المرسى
و كأنك نجمي من أول


هواااااااااااااااااك لاقى الوطن جواي
رجع صوت الحواري يحوم
بقى الزمن الجديد أخضر
و رنت ضحكة
نعس جرحي القديم و ارتاح
عرف رمش الليالي النوم

و غسل نبعك ملح دمعي
و انزاح الظلام مهزوم

معااااااااااااااك يبقى الزمن حاضر

معاك رجع الصفا الصداح من الهجرة
و اتكتبت على الأبواب معاني النظرة لبكرة
همد موج الحزن و غابت حرقة الذكرى
و أصبح يقيني معاك
هوى و إلفة و جمال فكرة

معااااااااااااااااك يبقى الزمان حاضر
أحبك
أحبك
تدي لعمري الأمااااااااااان
و ترجعي الشمس النست عمر الزمان
و تعودي بالفرح الأصيل
و تسافري بي من فوق وهاد المستحيل
و تركي بي في حضرة الزمن الجميل
و أحبك
أحبك
أحبك
++++
كلمات اغنية :


**( الزيتونة )**

الشافه خضره وزيتونة لو
شفتو الفرح افى عيونها
والقمر برقص فى سنونها
كان سبتو كلام يا عزالنا
ارتحنوا سبتونا فى حالنا
وتتكلموا ليه مالكم ومالنا
مشغول بى دلال وشاغلنا
ومفتون بجمال وفاتنا
من بدرى ومسهرنا
قول لينا انتى استنا
طبعا كيفن فيك الحنه
يا الاصلك ما داير حنه
وكيفن بنوسه تتني
وكيفن يصلك بالله سؤالنا
الفيك اتكلموا عزالنا
ويتكلموا ليه مالن ومالنا
اللي عشانك ينداح ويتشتت فى عيونك
ويترامى خصل عبر جبينك
واتمسح زاد حولينك
وحين رسم البسمه النديانه
ختالوا قمر جوه سنونك
دوبني بقيت مفتون لونك
وفنان وشارب مكنونك
يا الماك مهتمه بأحوالنا
يا الفيك اتكلمواعزالنا
ويتكلموا ليه مالن ومالنا .
++++
كلمات اغنية

+_! إحذرو اللصوص _!+

أحذروا اللصوص
كلمات وألحان وأداء أبو عركى

لصوص هذا الزمن أحذروهـم..

أحذرو اللصـوص

أفتحو العين الكبيرة عشان تشوفهم...

أفتحو عينكم كبيرة عشان تشوفهم

مرحلة مرحلة تابعوهم..

أرصدو كل تحركاتهم وأنتبهو ليهـم

وضحو ليهم أنكم أنتو بتعرفوهم

سرقو البلد..كتلو الولد..نهبو الدهب....

وسرقوالأمل من أعين الناس الحيارى

وكل معاناة هذا الوطن منسوبة ليهم....

وأصلو مابتغيرو الا أنتو تغيروهم

شدو حيلكم غيروهم .
++++

كلمات اغنية

^!!! عبدالحليم !!^

كلمات وألحان وأداء أبوعركى

عبد الحليم الزول القيم ومستقيم..

رحلت مننا دون متستأذن حبايبك ماشى وين؟؟

عبد الحليم الراحل الحاضر مقيم

كنت داير أغنى ليك ...

وأعرض بين صحابك وبين قبيلتك أهز وأتباهى بيك

أخواتك أنت يزغردن

طارق يهز من فوق عزيز

أمك أنت تجرتقك

شيخ مكى يحضنك ويحتويك

وصحابك فى الأبيض وفى المدائن بيدعو ليك

الليلة غناى بجيك حزين..فيهو أسى ومليان أنين

اتمنى من مولاى رب العالمين

برزخك يكون مع البررة

الكرام المكرمين
++++
كلمات اغنية

Q إحساسي بيك فايت الحِدودQ

كلمات د.عفاف الصادق وأبوعركى
ألحان وأداء أبو عركى

من زمن بعيد شديد خلاص
أحساسى بيك فايت الحدود
وأنتى روحك سامية بى
وكل يوم بتزيد تجـــود
غبت منك ورجعت ليك..لقيتك
أنتى حبيبتى باقية على العهود
وعرفت أنك باقية لى وأنا باقى ليك
وعشت لوعة حب جميل
غط المساحات والسدود
تاريك أنتى قدر كده..ومتغلة فينى بلا حدود..
تاريك أنتى الروعة الكلها فى الوجود
مشيت بعيد شلتك معاى
سافرت بيك..لقيتك أنتى صباحى نور..
بيسبحى فى شرايينى
وبستطعم حنين ريدك بخور
ومن قلبا شعوف وشفيق رسلت
ليك الشوق عشان يشوفك كيف..
لاقاهو شوقك لى فارد
جناحوالوريف.. ويتقالدو الأتنين...
بكو وبكو حتى دمع العين
سأل شوقى قال ليهو رايح وين؟؟
رد شوقى وقال رسلنى زول
ملهوف لزول حنين ولوف
تاريك أنتى قدر كده ومتوغلة فينى وبالألوف
تاريك أنتى الروعة الكلها فى
الوجود ومتوغلة فينى بلا حدود
+++++

كلمات اغنية

x جسمي إنتحل x

جسمي انتحل كيف العمل
وانت الطبيب عندك شفاي
لوكنت تبعد في زحل
أويوم بقيت قمه في سماي
لابد في يوم انا ليك أصل
واشرب براي منك دواي
حـن يا طبيب واكشف علي.
وريني مـاسبب الألم
اعطف علي وارحم عيني..
قالوا الشفادونك عدم
شوف الدموع ماليات عيني
.شوف الألم وين أنكتم
أنا يا طبيب قلبي أنجرح
بس كيف جراحوبتلتئم
العمرو ماضاق يوم فرح
ولاحتى في الدنيا أبتسم
كيف بس يعودليهو الفرح
.من بعد ما عاش الألم
قلبي العذب من زمن
يشكي وآهاتو التمن
حن ياطبيب داوي القليب
العاش حياتو مع الحزن
ضمد جراحو ومره سيبو
ينساها ويــــلات الشجن
+++++++
كلمات اغنية

( اه لوا عرف )

آه لو اعرف من آي الأفاق تهب الريح
لكنت سبقت الريح
وكنت نشرت علي جنبات الأفق ردائي
من أقصاه الي أقصاه
لحجب ريح الحزن القادم عن عينيك
وأنصب عرشك فوق الشمس
واعزف موسيقاي
محبا في ملكوت الله
آه لو أقجر
كنت ملأت حديقتنا الجرادء
بالزنبق و الدفلي
وكنت غسلت كآبات الفقراء
من أجلك يا عيني
لكني لا أملك إلا الكلمة في شفتي
اسطرها حينا في الضخر
وحينا مثل المجنون
علي صفحات الماء
زمني قاس
زمني جلاد لايرحم
زمني وجه يتفجر من شفتيه الدم
زمني يا آخت هواي ـأصم
يخنقني كس لا أتكلم
و أنا إنسان يتألم
وأنا أبصر أسمع أعلم
أعلم أن الحرية تحكمها القضبان
أعلم ان الثورات تموت وتولد في الإنسان
أعلم أن لاشئ سوي ظلمات
لاشئ سوي روح مظلم
لو ماتت في شفتي الكلمات
و لو أطبقت عليها الفم
زمني قاس
زمني يا أخت هواي عجب
مؤسم جوع وجبال ذهب
زمني يا أخت هواي أصم
++++++

كلمات اغنية

))) ست التوب (((

ست التوب
شفت التوب و ما لاقاني أجمل منو
بس التوب ... شوفو التوب
وسيد التوب يكون كيفنّو
***
نظرة سريعة مريت بيها ما أتمتعت
خطوة وحيدة بيني و بينها لو أسرعت
خلت طيبها مالي الساحة
زيها مافي لا شاهدت لاني سمعت
***
من جاراتها قادلة حلاتها
دخلت بيتها سرت حداها
داير ألقاها تب ما لقيتها
حتي الحنة ديك ما نسيتها
قادت ناري لو تطفيها ليّ يا ريتها
***
أستنيت و قلت أظن ترجع تاني
يمكن أشوفها
,أصلو الزول حياتو أماني
نظرة بريئة
مهما نابني ما هماني
لو ألقاها يرتاح بالي و يصبح هاني
+++++

كلمات اغنية

@ نظرات عيونك @

نظرات عيونك
سورت بوميض مشع
اسرت القلب
مرتاح زمن
من لوعة العشق
البرسل من عيون مليانة حب..

نظرات عيونك
صحت الغنا فى فى الحنايا
وعمرت فينى الزوايا
وجددت فينى الطرب..

اهى دى العيون
الفيها كل الكون بتجمع ضياءهو..
واهو ده الجمال
الفيهو بنسى الزول شقاهو..
واهو ده الزمن
ونحنا عشاق لى زمنا..
باللفيهو وبالعليهو
وبالمعاهو
ونحنا عشاق ليكى انتى..
++++
كلمات اغنية

( من معزتك )

من معزتك أنتي لي

من معزتك آنت لي
ختيتى قلبك فوق أيدي
وقتي ليهو عزيز على
عليك الله احرسو لي
فى صباح وفى عشى
وقتلى لي معاك سلامه

يوم رحيلك من البلاد
دارك مرصع بالسواد
غيم حزن كل اليتامى
وانشر بين كل العباد
وفارقت الناس السلامة
++++

كلمات اغنية :

// منو القال لي //

منو القال لى من اول

احب عينيك كان ما أسال

قليبي المرهف الحساس

قال لي تعال وامشي معاي

بريتو وقلت في خاطري

الاقي الحب والقي هناي

ولما خلاص بقيت غرقان

في بحرك انتي يا دنياي

رجعت اقول صحي الاقدار بتجبر ناس

وحكم الدنيا ما بي راي

شوفو الشوق حكايتو معاي

عشان لاقيني زول بكاي

هجر دنياه عشق دنياي

يصحي عيوني من النوم

يشيلها يعدي بيها نجوم

الاقي نجومي شايله الشوق

عشان ناسيها برضو نقول

شوفو الشوق حكايتو معاي

عشان لاقيني زول بكاي

هاجر دنياه عشق دنياي
++++

كلمات اغنية

مابتشبه

للشاعر : هاشم صديق

////
ما بتشبه القمر
للشاعر هاشم صديق

ما بتشبه
القمر
البتاوق من سما
لا بتشبه
البحر الخدار
وجمالها ماحاق
فى غنا
مشيها زى
قدل البشاير
بى مهل
وحديسها زي
همس النسايم
للنخل ايدينها
صابغن الورد
وسلامها زي
روق الجداول
فى الارض
+++++
كلمات اغنية:

/// دبلشيم///

أرضك ظمـــــأي
والخريف شح هذا العام
والمتسولون يزحفون
والاقــــــزام….
يعربدون في نواحي المملكة
ياملكا متوجا علي حطام
ياقائدنا بغير معركة
هذا أوان المعركة
****
يادبشــــليم
الحق صوت الله
وكلمة الحق
هي الحياة
فلا تضق ذرعا
اذا تحركت به الشفاه
اسامعي يا بدبشليم ؟؟!!
الفجر منصوب الوشاح
وابتسامة الشفق مصفرة
ونحن والغيوم شاهدان تحت قبة الافق
أسامعي ؟!
اكاد ان اشم نفس الرائحة
اكاد ان المس باليدين
****
في الارض ثورة
وفي السماء ثورة
ياديشليم
الارض تطحن النجوم
والريح تمضغ الغيوم
وا تعذب نوم العين
فكيف تستغذب نوم العين
وانت بين بين ؟؟؟؟؟؟!
اعلم ان الموت حق
والحياة باطلة
والمرء يعيش
ومهما عاش الا ليموت
وكل صرخة
مصب نهرها السكوت
واروع النجوم
هاتيك التي تضئ درب القافلة
+++++++++++

 

رد مع اقتباس
  رقم المشاركة : ( 36 )  
قديم 22-03-2009, 12:22 AM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 الاستاذ عبد الكريم الكابلى


اغلى من عينيا

يا اغلي من عــينيا واحـلى من ابتسـامك
احـن مـن الـمحـن ال فـى رقـة سـلامـك
لاكن بعادك طال
مكتوب فى جبينى قرامك وانت عارفــو
بايـن فـى كـلامـى فـى عـيـنـيـا شـــايفـو
لاكن بعادك طال
قـلبـى دعـاهـو حـبـك كيف يقدر يخالفـو
قـلـبـى دعـاهـو حـبـك مـابـقـدر يـخـالفو
لاكن بعادك طال
يـاصـدق مـوده عـاشـت فى الـضـمـيــر
تقاسمــنى المـسره و تــمل فـؤادى نـور
انسى معاك صعابى يهون امرى العسير
لاكن بعادك طال بعادك طال
واقـولـيـك يـاحبيـبى غيـرك مـافـى تانى
ليـك نـزرت عـمـرى ليـك رقيب حنانى
ومن جنات هوانا نهـدى النـاس اغـانـى
لاكن بعادك طال بعادك طال
*****
رمية الكابلي


ماله ايقظ الشجون فقاست وحشة الليل
ماله أيقظ الشجون فقاست وحشة الليل وأستثار الخيالا
ماله في موكب الليل يمشي ويناجي أشباحه والظلالا
حاسر الراس عند كل جمال مستشف من كل شئ جمالا
هين تستخفه بسمة الطفل قوي يصارع الاجيال
ماجن حطم القيود وصوفي قضى العمر نشوة وابتهالا
خلقت طينة الأسى وغشتها نار وجد فأصبحت صلصالا
ثم صاح القضاء كوني فكانت طينة البؤس شاعراً مثالا
يتغنى مع الريح إذا غنت فيشجي خميله والتلالا
صاغ من كل ربوة منبرا يسكب في سمعه الشجون الطوالا
هو كالطفل لاعب يبني الرمال قصورا هي أماله ويدك الرمالا
هو كالعود ينفح العطر للناس ويفنى تحرقا وأشتعالا

****

كيف يهون




كيف يهون عندك خصامي و ترضى من عيني تغيب
و أنت بيك أسباب سعادتي و أنت أكتر من حبيب
شفت بيك الدنيا نايرة وعشت فيك أملي الخصيب
إنت أحلى من الأماني لما تغمرني و تعربد
و أحلى من طير الخمايل لما يتمايل يغرّد
و من جميلة جديدا تم لما تتنى و تزغرد
إنت ياأحلى الحبايب ما تهون حبي و تبدد
عشرتي فاقت حناني قلبي بيك دايما معيّد
وحبي ليك يا نور عيوني كل يوم يخضر يفرهد
ورغم حبي عليك أهون
ياحنان الدنيا كلو قصدي في حبك نبيل
حبي أجمل عاطفة سامية و الله و أكتر من جميل
لو وصفتك وقلن طاهر كنت في وصفك بخيل
نور جمالك يا حبيبي بادي ما داير دليل
عشت عمري أغني ليهو في انتظارك لو تميل

****

الشرف الباذخ
خليل أفندي فرح



نحن ونحن الشرف الباذخ دابي الكر شباب النيل

قوم قوم كفــاك يا نايم شوف شوف حداك يا لايم

مجدك ضلّ وشرفك ولى وانت تزيد زيادة النيل

مـن تبيـنا وقمـنا ربينـا ما اتفاسلنا قط في قليل

ده ود عمي وده ضريب دمي وانت شنك طفيلي دخيل

ما بننسى الجميل يا صاح وما بنختى الدليل والله

نحن نطارد العنزه الفارده ونحمي الدود مشارع النيل

يــانزلانا امرقـو الـذمه كيف ينطاق هوان الأمه

زردوا حلوقنا وأكلوا حقوقنا وديل دايرين دمانا تسيل


****
أكيد أكيد نتقابل


تصدق آمال و تطول أجيال
و نتقابل
و بتعرف كيف يا أجمل طيف
ضيعنا سنين ما بنتقابل
يا أمل وثاب و أماني قرون
يا سحر خلاب يا سحر حيكون
بنتقابل
لو إنت سراب تلقاني ظنون
لو إنت عذاب تلقاني فنون
و نتقابل
دوبني عتاب و أغموني شجون
أجفاك و أرتاب بس كيف ده يكون
كان إنت عذاب في عيوني عيون
بنتقابل
بريدك بحبك مغرور بحبك
بقلب مسحور بحبك سايقني شعور بحبك
يا عطر منثور بحبك
أنا شايف الحال الشايلو الفال
بيناتنا أجيال
بنتقابل

****
غربة



زمان الناس هداوة بال و إنت زمانك الترحال
و ليلم عمرو ما سأل و ليلك لي صباحو سؤال
قسمتك يا رقيق الحال مكتوب ليك تعيش رحّال
تسامر في الغيوم أشكال روائع تذهل المثال
شبه سيرة زفة بطبّال وعروسه في جبينا هلال
مواكب فرحة من أطفال يحاكو السمحة بت الخال
و قبال ما الصور تنشال على خيوط الأمل و الفال
وصبح الناس يجيك مرسال
يشيلك فوق وسط عينين يوديك مقرن النيلين
يخدر فيك عقيد ياسمين
و تقوم شتلة محنة مثال أريجا دعاج و حزمة نال
قبال توتي أم خدارا شال عيون أم در لبيت المال
غريب و الغربة أقسى نضال غريب و الغربه سترة حال
قريب و بعيد حضور و زوال عيونك ما عيون أجيال


****

من قلبي عقبالك



من قلبي عقبالك يا راسي يازين
ياحشمة و جمالك يفرح كل عين
كان بالعين وصالك شايفو كتير عليّ
بين أترابك أزاهر شفتك ساهي سادر
يكفيك النظر
كل الفيك زاهر نادي و طعمو نادر
حيرني وسحر
بحلف بالضفاير و الشعر الدواير
و النور و الجهر
ودلال الحراير الغرّ النواضر
ربات الخفر
لو ما طبعي نادر من أحلى المنابر
أناديك يا قمر
يا متجاهل و شاعر إني عشان نواضر
أدمنت السهر
سهري ياهو الباقي ليّ
****

أنا لو تصدق


يا شباب عمري المفتق
شلت كل الريد مشاعر حلوة نديانة و خصيبة
و اشتهيت يهلّ وعدك لي هناء و أفراح وطيبة
آه لو بتعرف كيف تهش أشواقنا تهتف لعيونك
كيف يلح الشوق و يسأل كيف ترق أشواقنا ترمز لعيونك
كيف يغالي الشوق و يسأل
و نحن من خلف المدى الفرقنا طول لو بتعرف
نرسم الليل في البعاد جنة لقاء
نبني تعريشة حنان طول بدا
ونعانقه في اعماقنا باقات من مرح
تجعل صبانا الغالي زغرودة فرح
حتى الكلام لوجيتنا ما بنحكيه بنفس الحروف
كلماتنا تتفجر غزل بين كل فاصلة تعيش ظروف
والشوق دوام يغري الخيال يسرح وبى حسنك يطوف
احلامنا تتناثر أمل في كل روضة تضوع قطوف


عقبالك أغنيّ في فرحك أقول
أجمل غنوة عندي تطرب كل زول
في وصفك يا راسي يا أبلغ خجول
يا الحيرني تيهك يا الشرحك يطول
يا الأسعدت عمري فيك دايما أقول
من قلبي و عقبالك يا راسي يا زين

****

ما بنخاصمك



نحنا مابنخاصمك بس نجاري طبعك
ياجميل
توعد وتخلف تخلف ونوعد
برضك بخيل
و تاني تحلف ما تسيبنا تبعد
و الأمل قليل
لأعصابنا تتلف و آمالنا تسعد
و نقول جميل
كيف تنسى ريدنا دايما تبالغ
و إنت اللطيف
و إنت راجي عيدنا يوم حبيب تخاصم
قلبك حليم
خايفين بايدنا نرجع نسالم
نلقاك طيف
قلبي السيلتو كنت بتغازلو
بالصد قبيل
مهما ابتليتو الباذلو باذلو
رافض بديل
طال ما إنت ناكر قاصدغيابك
ناسي الأصول
طال ما إنت ناكر لالامن عتابك
نرجع نقول
لابد باكر يرجع صوابك
ترجع تميل


****

نسيم الصبا



يانسيم الصبا النجدي أريجك لمدى الأزمان
يداعب خصلك الأوزان وطيب أنفاسك الوردي
يريدني سباك لي عهدي القبيل ضمخني بالإحساس
و كان لي كل حين إنسان تزيد أفضالو من سعدي
بدورك لو تقيف عندي عشان أوصيك بتحنان
وصاية تشيلا في الأجفان لناس عندهم كبدي
مكانم مني في بعدي وديارم في عيوني رهان
و لون يختال على الألوان و حسنو بالجمال يعدي
تشيل عيني و تسيب سهدي و معاك غناية الرحمان
ترافقك في الدجى العتمان تحرسك و لي خطاك تهدي
و تنزل بوفى الوعد على الحي الحكى و نعسان
قبال ما ينبّه الآذان لدرب الرحمه و الرشد
و تملا بطيبك الهندى صدور ناسا ظراف و حنان
تهاتي النجد على الشأن و حاتك مثال على للحيا بيجدي
و تابع عيني بتودي على الحي الحلى النعاس
تقودك فوق على الأغصان لي نبعا حاشا مو غسنان
و حاتك فاق على الشهد


زينة و عاجباني


تعجب كل شاعر يلعب بالمشاعر
عليها يهنيني و يقول زينة و عاجباني
أنا بي ريدا ناذر إني أكون مغامر
بكل غالي عندي أضحي ولا أحاذر
بقلبي و الأحاسيس بأدق المشاعر
بالأيام وعمري وكل عزيز و نادر
لأنها لو عرفتو عفافا عليّ قادر
لما يزيد حنيني أقول زينة وعاجباني
كم قلبي المعنّا بأشوقي غنّى
ليك يا عاجباني
كم في السر تمنى يشوف في إديك حنى
حريرة يا عاجباني
كان في دهرو فنا يضوق لحياتو معنى
معاكي يامالكاني
هو الفاقد المحنة و دايما ليك أحنّ
منو لأحزاني
ما قادر أجاهر ريدا عليّ ظاهر
لما يزيد حنيني أقول زينة و عاجباني

****
المراية


نور و زهور و عطور واستلموا المجال
صوت منساب بلور و شبه ناس قلال
خفة روح عصفور و إشراقات خيال
خلى قلوبنا طيور و حال أرواحنا حال
و مشينا بعيد شايلين العيد
في قلوبنا و في دروبنا ورى البسمة الرنانة
يا شوق يا نغم ياقلوب فرحانة
يازوق يا فهم يا عيون سرحانة
كلميني يا مراية أنا شايفك طربانة
حكوا ليك حكاية ولاّ كنت معانا
و لاّ إنت بتقري ياساحرة ظنوني
و لاّ شفت الصورة شايلاها عيوني
و لاّ يبقى أكيد عداك غنانا


****

جار


لو مابتنزار و بطبعك حار
قلبك مشغول و ملان أسرار
تسحرني و أقول أهواك ياجار
عايز قربك لكن محتار
لما أصافيك تكويني بنار
و إن خاصمتك بتقلبو هزار
و إن عاتبتك بتسوي هزار
كيف أعمل فيك يا أجمل جار
وصّوك عليّ يا حبيب عينيّ قايلنّك حنين
مابترضى ليّ طول الليالي و سهد الحنين
بخيال قبيل بشوف بالحيل لحظات سرور
كان ضمانا ليل زي سواد عينيك الكلو نور
و أنا ليه إحتار بين الأسرار
و صوني أحب لسابع جار
و إنت أول جار يا أجمل جار

****

بعادك طال



يا أغلى من عينيّ وأحلى من إبتسامي
و أحن من المحنة الفي رقّة سلامي
بعادك طال
مكتوب في جبيني غرامك وإنت عارفو
باين في كلامي في عينيّ شايفو
قلبي دعاهو حبك كيف يقدر يخالفو
لكن بعادك طال
يا أصدق مودة عاشت في الضمير
تقاسمني المسرة تملأ فؤادي نور
و أنسى معاك صعابي يهون أمري العسير

و أقول ليك يا حبيبي غيرك ما في تاني
ليك تذرت عمري و ليك رقيق حناني
ومن جنة هوانا نهدي الناس أغاني

 

رد مع اقتباس
  رقم المشاركة : ( 37 )  
قديم 22-03-2009, 02:36 AM
الصورة الرمزية الكروان
 
الكروان
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  الكروان غير متواجد حالياً  
الملف الشخصي
رقــم العضويـــة : 109
تـاريخ التسجيـل : Sep 2007
العــــــــمـــــــــر :
الــــــــجنــــــس :  Egypt
الـــــدولـــــــــــة : بعيـدأ عـن الحيـاه.!
المشاركـــــــات : 3,582 [+]
آخــر تواجــــــــد : ()
عدد الـــنقــــــاط : 83
قوة التـرشيــــح : الكروان will become famous soon enough
افتراضي رد: مكتبه جميع كلمات الاغانى السودانيه

 

 تسلم يا حبيبنا....عى هذه الكلمات الرائع بجد تسلم الايادي

وفى انتظار المذيد مهنا

تحياتي

 

رد مع اقتباس
  رقم المشاركة : ( 38 )  
قديم 23-03-2009, 11:08 AM
الصورة الرمزية مرح
 
مرح
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  مرح غير متواجد حالياً  
الملف الشخصي
رقــم العضويـــة : 396
تـاريخ التسجيـل : Aug 2008
العــــــــمـــــــــر :
الــــــــجنــــــس :  Qatar
الـــــدولـــــــــــة : الدوحــــة
المشاركـــــــات : 2,036 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : مرح is on a distinguished road
افتراضي رد: مكتبه جميع كلمات الاغانى السودانيه

 

 مباااااالغة يا محمد مهدي
قمة في الروعة والابداع ..
مجهود خرافي اتمنى تواصل ..
تسلم ايديك ..

 

رد مع اقتباس
  رقم المشاركة : ( 39 )  
قديم 23-03-2009, 05:23 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 

اقتباس:
المشاركة الأصلية كتبت بواسطة الكروان مشاهدة المشاركة
تسلم يا حبيبنا....عى هذه الكلمات الرائع بجد تسلم الايادي

وفى انتظار المذيد مهنا

تحياتي
لك التحيه اخى كروان على المرور

 

رد مع اقتباس
  رقم المشاركة : ( 40 )  
قديم 23-03-2009, 05:25 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 

اقتباس:
المشاركة الأصلية كتبت بواسطة مرح مشاهدة المشاركة
مباااااالغة يا محمد مهدي
قمة في الروعة والابداع ..
مجهود خرافي اتمنى تواصل ..
تسلم ايديك ..
ياخى ما معقول مرح منورانا بى جاى
نورتى البوست اختى
لكى التحيه

 

رد مع اقتباس
  رقم المشاركة : ( 41 )  
قديم 24-03-2009, 01:24 AM
 
ESHRAQA
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  ESHRAQA غير متواجد حالياً  
الملف الشخصي
رقــم العضويـــة : 736
تـاريخ التسجيـل : Mar 2009
العــــــــمـــــــــر :
الــــــــجنــــــس :  Sudan
الـــــدولـــــــــــة : sudan
المشاركـــــــات : 46 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : ESHRAQA is on a distinguished road
افتراضي رد: مكتبه جميع كلمات الاغانى السودانيه

 

 الله عليك وياسلام على الرقي والزوق الرفيع.....

*****بعد السماح تقبل مني مشاركتك ببعض إبداعات أحبابنا...

من إبداعات أستاذنا وحبيبنا الأستاذ محمد الأمين

للكاتب..صلاح حاج سعيد

يا نرجسه.........

من طيف صلاح ياتو شي

انت الجمال أراك خواصه وكل شي

كل زول يشوفك ينتشي

ويلاقي فرح الدنيا كلو على وشي

يا أسمى أيات الكمال والرقه والزوق والفهم

يا ممكن مكمل السحر الحلال والضحكه والحس والنغم

يا فكره تجتاح الخيال...تملاهو بالخير والعشم

يا نشوه الفرح المحال تعرف قلوبنا معاه هم

ياااااا نرجسه....يااااانرجسه

يا روعه الليل البهيج...هناك في العيون الناعسه

يا دهشه الشوق المهيم....نكتم مشاعرو ونجسه

يا كلمه بين شفتين حنان....للمولا أشياء يحفظه

يرعاك من شر العيون....يحفظ محاسنك يحرسه

***من طيف ملامحك ياتو شي...***


ومبدعنا عثمان حسين.....

الوكر المهجور....

كانت لنا أيام....في قلبي ذكراها

ما زلت أطراها...يا ليتنا عدنا....أو عادت الأيام

إن أنسا ماأنسا..ذ**** يا سلمى

وبكينا المسلوب...والصمت قد عما

تحلو لنا الشكوى...والحب والنجوى

لن أنسا نجواكي...والهمس والبسمه

وحرارة الأنفاس...في قبلتي لما

ضمتكي يمنايا...يا سعد دنيايا

وغفوتي في صدري....نشوانا بالأحلام

كيف أنسا أيامي...بي فكرتي الكبرى

يا محيا إلهامي...وقد نمت بالذكرى

ذكرى لياليكي...في خدر واديكي

الليل أهواه...في شعركي الناعم

والنور أنوار...في طرفكي الساهر

لكن تباعدنا...دهراً وما عدنا

للوكر يا سلمى...أو عادت الأيام



****ويا سلام عليك وبقول ليك...(يامحيا إلهامي..وقد نمت بالذكرى)

وفعلا ذكرتنا بأجمل ما سمعنا وكانت ذكرتك لينا زي ماقال الفنان...فعلاً....

من نظره هويتك وبيك مفتون****سمرة لون وزادني جنون

يا زوق الروح الفات الذوق****دا دلال وجمال وقوام ممشوق

وعبير فاح في ثانيه يسوق****لي دنيا عجيبه وعالم فوق

خلاني أسير لعيون حلوين****فرقه في لحظات مرت سنين

وهويت حسنك أنا في كل حين****أنا والأشواق ليك مشتاقين

بهواك يا غالي وبتمناك**** لا تعيد وتغيب أنا بترجاك

ما سر الروح يا غالي رضاك***كيفن أجفاك وأنا طالبو رضاك


****ولك الشكر والتحايا فقد أسعدنا وأحييت بدواخلنا ذكرى جميله

وأتحفتنا بجمال فننا العريق*****كل الأماني باالمداومه على

إسعادنا************************************

 

رد مع اقتباس
  رقم المشاركة : ( 42 )  
قديم 24-03-2009, 11:38 AM
الصورة الرمزية مرح
 
مرح
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  مرح غير متواجد حالياً  
الملف الشخصي
رقــم العضويـــة : 396
تـاريخ التسجيـل : Aug 2008
العــــــــمـــــــــر :
الــــــــجنــــــس :  Qatar
الـــــدولـــــــــــة : الدوحــــة
المشاركـــــــات : 2,036 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : مرح is on a distinguished road
افتراضي رد: مكتبه جميع كلمات الاغانى السودانيه

 

 اشراقة يسلم زوقك ياعسل ..
رائعة عثمان حسين وحلاوة الاختيار ..
سلمت يمناكي ..

 

رد مع اقتباس
  رقم المشاركة : ( 43 )  
قديم 24-03-2009, 01:31 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 

اقتباس:
المشاركة الأصلية كتبت بواسطة eshraqa مشاهدة المشاركة
الله عليك وياسلام على الرقي والزوق الرفيع.....

*****بعد السماح تقبل مني مشاركتك ببعض إبداعات أحبابنا...

من إبداعات أستاذنا وحبيبنا الأستاذ محمد الأمين

للكاتب..صلاح حاج سعيد

يا نرجسه.........

من طيف صلاح ياتو شي

انت الجمال أراك خواصه وكل شي

كل زول يشوفك ينتشي

ويلاقي فرح الدنيا كلو على وشي

يا أسمى أيات الكمال والرقه والزوق والفهم

يا ممكن مكمل السحر الحلال والضحكه والحس والنغم

يا فكره تجتاح الخيال...تملاهو بالخير والعشم

يا نشوه الفرح المحال تعرف قلوبنا معاه هم

ياااااا نرجسه....يااااانرجسه

يا روعه الليل البهيج...هناك في العيون الناعسه

يا دهشه الشوق المهيم....نكتم مشاعرو ونجسه

يا كلمه بين شفتين حنان....للمولا أشياء يحفظه

يرعاك من شر العيون....يحفظ محاسنك يحرسه

***من طيف ملامحك ياتو شي...***


ومبدعنا عثمان حسين.....

الوكر المهجور....

كانت لنا أيام....في قلبي ذكراها

ما زلت أطراها...يا ليتنا عدنا....أو عادت الأيام

إن أنسا ماأنسا..ذ**** يا سلمى

وبكينا المسلوب...والصمت قد عما

تحلو لنا الشكوى...والحب والنجوى

لن أنسا نجواكي...والهمس والبسمه

وحرارة الأنفاس...في قبلتي لما

ضمتكي يمنايا...يا سعد دنيايا

وغفوتي في صدري....نشوانا بالأحلام

كيف أنسا أيامي...بي فكرتي الكبرى

يا محيا إلهامي...وقد نمت بالذكرى

ذكرى لياليكي...في خدر واديكي

الليل أهواه...في شعركي الناعم

والنور أنوار...في طرفكي الساهر

لكن تباعدنا...دهراً وما عدنا

للوكر يا سلمى...أو عادت الأيام



****ويا سلام عليك وبقول ليك...(يامحيا إلهامي..وقد نمت بالذكرى)

وفعلا ذكرتنا بأجمل ما سمعنا وكانت ذكرتك لينا زي ماقال الفنان...فعلاً....

من نظره هويتك وبيك مفتون****سمرة لون وزادني جنون

يا زوق الروح الفات الذوق****دا دلال وجمال وقوام ممشوق

وعبير فاح في ثانيه يسوق****لي دنيا عجيبه وعالم فوق

خلاني أسير لعيون حلوين****فرقه في لحظات مرت سنين

وهويت حسنك أنا في كل حين****أنا والأشواق ليك مشتاقين

بهواك يا غالي وبتمناك**** لا تعيد وتغيب أنا بترجاك

ما سر الروح يا غالي رضاك***كيفن أجفاك وأنا طالبو رضاك


****ولك الشكر والتحايا فقد أسعدنا وأحييت بدواخلنا ذكرى جميله

وأتحفتنا بجمال فننا العريق*****كل الأماني باالمداومه على

إسعادنا************************************

لك التحيه اخى على الاطلاله الجميله

 

رد مع اقتباس
  رقم المشاركة : ( 44 )  
قديم 01-04-2009, 03:51 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 عــقد الــــــجــــلاد

شين ودشن
الشاعر صلاح احمد ابراهيم
الحان حمزة سليمان


شين ودشن
حر سيافى شين
شين ودشن
كلمة مافى شين
وهظاروا خشن
بسموم وسوافى
تسال شن الحبة الفيهو
الحب في زاتو مبرر كافي
ماشين ودشن
حار سيافى شين
عشان بقعة خراب
مافيها شجر
راويها سراب واطاطا حجر
حصحاصا يولع في الرمضاء
الحب سلطان مسلط نافى
لغيروا مرض لكن شافي
الشعب الحر الفعلو بسر
آب لحما مر
في الزنقة أم لوم قدام ميلين
البسمع فيهم يا أبو مروة
بي فرارة ينط من جوة
يبادر ليك من غير تأخير
دا اخو الواقفة يتعشى الضيف
الحافظ ديمة حقوق الغير
سيد الماعون السالي السيف
الهدمو مترب وقلبو نظيف
لا تسالنى عن حب وطني الفقران وغنى


الاهليه
كلمات محمد ود الرضى
الحان فاطمه بت بابكر


بسم الله ابتديت متل البرق لاحت
فى الشين والفسل بقينا نتباحت
طال الكان قصير والعالى اتاحت
والصولات حليلن ملكتن راحت

مالك يا زمان شبعتنا هولا
لبست الناس تيابا حاشا مى هولا
يات من كان يجي دماعو مبهوله
ولله راحت بقت البواجهولا

مالك يا زمان شبعتنا وح ووحيح
صح الدون كضب
كضب العوالى صحيح
يات من كان انا جعلتو لى صليح
عقرب حزّه لى ويا نفسي زين ومليح

فى احوال الزمن صار الفكر حاير
والياباك خلو عندو شن داير
فوق اهل الفكر كاس الوحيح داير
نفد سوق النفاق سوق السمح باير

تب الشباب ان بقا كواس
تب الصبى ان قطع المروة خلاص
تب الشايب ان بقى وسواس
تب الاقربين الاتفاتتو الامغاص




نقطة ضوء
في اللحظة ديك والتو
لحظة الميلاد
كنت نقطة ضؤ
فرهدت بيك فرهيد
وانتشيت بالريدأنا
وطرت بيك الجو
**1**
قالو ايضا بت
قلت مالو ولو
بختي بختي .. انت بتي ..
امي اختي.. همي شيلي ..
شيلي ..شيلي
شيلي مني.. مني ختي

إتي

بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين ...كستني توب
نجدنا كم.. كم مرتبه
جيهت بيتنا القديم
السقف داك والمسطبة
**2**
قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا هي...بتوصلنا
وتحصلنا ...تفك الحيرة
ما بتتسلط وما بتتعنت
ما بتتعنت وما بتتسلط
ما بتاوق في حق غيرا


يابا مع السلامة
اشعار محجوب شريف
الحان شمت محمد نور



يابا مع السلامة يا سكة سلامة
في الحزن المطير
يا كالنخلة هامة
قامة واستقامة
هيبة مع البساطة
اصدق ما يكون
راحة ايديك تماماً متل الضفتين
ضلك كم ترامى حضناً لليتامى
خبزاً للذين هم لا يملكون
بنفس البساطة والهمس الحنون
ترحل يا حبيبي
من باب الحياة لباب المنون
روحك كالحمامة بترفرف هناك
كم سيرة وسريرا من حولك ضراك
والناس الذين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك
يا حليلك حليلك يا حليل الحكاوي
تتونس كانك يوم ما كنت ناوي
تجمع لم تفرق بين الناس تساوي
نارك ما بتحرق ما بتشد تلاوي
ما بتحب تفرق من جيبك تداوي
الحلم الجماعي والعدل اجتماعي
والروح السماوي والحب الكبير
في الزمن المكندك والحزن الاضافي
جينا نقول نفرق نجي نلقاه مافي
لا سافر مشرق لافتران وغافي
وين عمي البطرق جواي القوافي
يا كرسيه وسريرو هل ما زلت دافي

يا مرتبتو امكن في مكتبتو
قاعد يقرا وزهنو صافي
يا تلك الترامس وينو الصوتو هامس
كالمترار يساسق يمشي كما الحفيف
كم في الذهن عالق ثرثرة
المعالق والشاي اللطيف
تصطف الكبابي اجمل من صبايا
بينات الروابي والضل الوريف
احمر زاهي باهي يلفت انتباهي
هل سكر زيادة ام سكر خفيف
ينده للبنية يديها الحلاوة
والخاطر يطيب
يدخل جنو منو محبوب الشقاوة
يستنى النصيب
الدفو والنداوة السنا والعبير
كالغزلان هناك في الوادي الخصيب
حيث الموية عذبة والغصن الرطيب
كم تحت المخدة اكتر من مودة
للجنا والغريب
عش وعشب اخضر جدول من حليب
يابا ابوي يا يابا
الشمس البتطلع بلت منو ريقا
والنجمة البتسطع فيه تشوف بريقا
الندى في حركتو يطفيها الحريقة
ننهل من بركتو زي شيخ الطريقة
شاييهو وطرقتو والايدي الصديقة
يلا نسد فرقتو حب الناس درقتو
يا موت لو تركتو مننا قد سرقتو
كنا نقول ده وقتو لكنك حقيقة
النفاجو فاتح ما بين دين ودين
نفحة محمدية دفئاً كالضريح
ميضنة كم تلالي جيداً في اليالي
مجداً في الاعالي
مريم والمسيح
قلباً نبضو واصل ما بين جيل جيل
ما بين كان وحاصل او ما قد يكون
ما بتشوف فواصل الا الذكريات
وآلام المفاصل بعضاً من شجون
يابا مع السلامة يا سكة سلامة
في الحزن المطير

الحصاد
الليلة جمأة بكرة اللتنين
الأمين كاريكا جيركمنا
جنوبيا جيركمنا إي نشابيا جيركمنا
كرا كرا ****را سبارقا ****را يملا
ماماتريا ماماتريا ليلة مشي
بابور مويا دايما تمشي كايوا
كين تمشي
كين ترجأ


لو فؤادك
لـوفـــؤادك خـــبـا حـبـك مـن عـيـونـك بـحـتـي به
لـودفـنـتـى الـشـوق فى قـلبك بسـمـتـك دلـت عـلى
انـتـى حـبـك لـى ظـاهـرمـهـمـا انـتـى تـدارى فـيه
شـايـفـو مـكتـوب فى جبـينك كل حواسك شاهده به
الا ايـه مـــانـع لـسـانـك قـــولـت احـبـك فـيهـا ايـه
اصلو قايـلـه الحـب حـرام مـالـو لـو جاهـرتـى بـه
مادام هواك شريف وطاهروفى العفاف ميثالو نادر
فى الـفــؤاد انـبـــل مشـاعـر تخـبـى حـبك لـى ليـه
كـلـمـه واحـده مـن عيـونـك راجـى لـيها بالـسـنـين
هـى امـلـى البين ضلوعى وهى ذات قلبى الحنـيـن
بـوحـى بـيـها يـاحـــيـاتـى امـنـيـاتـى لـيـك تـبـيــن
بـكـره تـبـقـى شريـكه لى وابقى ليك وافى وامــين
جوه قلبى يكون مكانك وافنى عمرى اسير قرامـك
وكـل غـالى يهـون عشانـك و كل يوم يذداد حــنين



الطمباره والغناى



نحن اهل الفرحه جينا

لاالمدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه



مسدار ابو السرة لي اليانكي
الشاعر محمد طه القَدّالْ
اللحان عثمان النو



أُمّاتِي القِبيلْ
بي حِنّهنْ لجّـنّي
كَرفة وقَلدة
كيف شوق اللّبن رَجّني
حُزناً جاني في مَيْع الصِّبا يلَجِّني
أطلعْ مِنِّي يا جلدي المِنمِّل جِنيِّ
واطلعْ مِنِّي يا حُزناً بِقى مكَجِّني

خَلّني أبدا مُسداري
وأودي قفايا لي داراً بِقَتْ مِي دَاري
جِيتَا ..
وجِلْدِي بينو وبين عضاي الشّحَمَة
إلا النّار بِقَتْ قِدّامي
جِلْدِي اللّيلة بينو وبين عَضَايَ المافي
إلاّ تراني شَوّالْ الكِبِسْ
نِفّيخْ جَراريب الوَرَمْ هَدّامِي
في جِلدي الورم قُولَنْلي
وللاّ صَحِي الورم عَضّامِي
سفريتك مِي الفي النيّة
وميها الكانت محريّة
خابراكْ عِرِّيفْ ..
ذم العُربانْ واللاّ قِيام الوردية
مالكْ ؟؟؟
تَرْيَانْ ومندِّي
كاسي الكِتّان والهندي
قولَكْ كِكّيفْ ترجى البيشان
واللاّ الغُربة البي الزِّنْدي
برقاً عِبْدِللِّي الوَزْنِ
يا طاشْ .. يا جاب المُزْنِ
فَرِّقْ يا الضّيفْ
فِعْل الغَضْبان ..
أم فِرفيرات الحُزْنِ
وشِنْ القَعدة
يا أبو السُّرة
في ضُل العمارات أم كمرةً برّة
ضُقْنا الحَنْضَل اليانكي
وبَلَعْنا المُرّة
كِمْلَتْ كوتة التُّمبَاك
صَقَعْنا الجِّـرّة
ووكت إتقفّلَتْ شِقّيشْ
قَبَلْ بي المرّة
نَرْمي أمُرنا في بلد المعاني الحُـرّة
الشّمْ خَوّخَتْ
بَرَدَنْ ليالي الحّـرّة
والبرّاق بَرَقْ ..
مِنْ مِنّا جاب القِرّة
شوف عيني الصِّقير بجناحو كَفَتْ الفِرّة
تلقاها ام خدود الليلة مَرَقَتْ بَرّة
مَرَقَتْ بَرّة تغلي مديدة الحِلْبة التَسَمِّن رِدْفَها
السَمِنْ المبَسْتَرْ يانْكي
والويقود بعيرات الدُّخان في العين
وفي الفَشْفَاشْ يسوِّي عمايلو
شِنْ فايدة مديدة الحلبة والويقود بشيلو اليانكي ؟؟
يا ابو السُّرة
قامت من دخاخين العمى تلمِّع وشِيها
اليانكي مِسْتَنِّيهَا
كان اليانكي مستنيها في مراية السَجَم في اللّيل
لقيتها مِتِلْ فريخ الطّير
مَرَقْ ود عينها من ود عينها
رجّافة المزمّلْ حُمّى
جَفَلَتْ مِنّو
وَقَعَتْ عندي
صدرها بغلي
يا ابوالسُّرة
شُفْتَ اليانكي في ود عينها
سُقْتَها للبحر
يمكن يغسِّل عينها من اليانكي
فُتْنَا الحَجْرة بالكَتّة وغطسنا مسافة
تبقى قَدُر مسالك الرّيدة
ما لاقانا من يغبانا في البحر الفَدَرْ تحتاني
ناس عارفاها
ناس عارفاكا
ناس عارفاني
ناديت القعوي والبُلْطي
قرقور السّمَك ودّاني لي دابي الخُشَشْ
نادينا عُمّال الطّمِي
عُمّال الطّمِي الصّارقيلا
والقَرْمُوط
وود الموية
فُتْنَا عليها
كانت نايمة
عَجّال البحر حارساها كانت نايمة
بين حجرين وضُل ساسوية كانت نايمة
وعُمّال الطّمِي الصّحونا لّمُو حصى البحر
قسموهو ياتْ من كان سبع جمراتْ
دابي الخُشّة قال :
أدُّوها في الجمرات تلات سبعاتْ
قُلْنا :
أدُّوها في الجمرات تلات سبعاتْ

مَسَكْنَا دَرِبْنَا
عُمّال الطّمِي الصّحوها
خابرين الدّروبْ
مَرَقوبنا فوق مُشْرَعْ مسارب الضّيْ
لقينا الدُّنيا تترجّانَا
قُوقَا القِمْري
خَوّى صِقيرْ
وعَوّى حِديْ
وعُمّال الطّمِي الصّحونَا
لَمُّو على البعرفو الصّيْ
حَصَى القيزان
دوابي الدّارْقَة
والسِّحْليّة
والنّاسْ التِّحِتْ
النّاسْ التِّحِتْ خابرين عَمايْل اليَانْكي
مَرّة معونة لي اللّغّاف
ومَرّة دَوانْكِي
شِنْ معناهو جيبها إن كان ملوهو بوانكي
صوتها مكتِّمو القَرَبين سيوف وسَوانْكِي

قولَنْ لي الأَخْلو ديارو
دمّكْ فَرْهَدْ في نارو
غَوّرْ في الأرض
طارو صَقْرين
ولاد الأرض ما طارو
لحمي غَطّى بِنْ عَمِّي
شو صار حالو يا إمِّي
منديل العِرْضْ في بيت الدِّينْ
دمِّي ما يخلِّي دمِّي
إمنّا من دير ياسينْ
صِرْنا في جِزْر التّين
عَمْ نسقى بعضْ
حُبّ الزّيتونْ بدّو يرجع للطينْ

صابرا تحت الدورية
صابرا فوق الدورية
صابرا فوق الدورية
يا حال الضِّدْ
لحم الطِّفلين نابت غُصنْ الحريّة
جِذْري مو في شاتيلا
ما قال حالي يا ويلا
حِنّا في الأرضْ
أرضِ فلسطين
يا إمِّي هيلا هيلا
يا إمِّي هيلا هيلا
يا أُمِّى هيلا هيلا
هيلا
هيلا
هيلا

هيلا وهيلا يا ابو السُّرة كُجْ العين
تخبر الشّينة من الزّينْ
تَفُرْز الطّاري من السّاري
يا ابو السُّرة كُجْ العينْ
ومدُّو صباعك السّبابي
قول لي الغَافي هويْ يا زول
هوي يا غافي يا زول هويْ
أرخي الغُردة للعَنّافي
شِدْ القمري بالحوبابي
في مسدارنا
شِلْنا نهارنا
في إيدينا من ساسو البحر عقدينْ
مَسَكْنا دَرِبْنا
عُمّال الطّمي الصّحونا
خابرين الدِّروب مرقوبنا في مُشْرع مَسَارب الضّيْ
لقينا الدُّنيا تترجّانا
قوقا القِمري
خَوّى صقيْر
وعَوّى حِدَيْ
وكُنّا جماعة
دابّات الأرض والسّايمة
عَوّامة البحر والطّيرْ
وحتى الغيمة قصّاصة الأَتَرْ
فوق راسنا شايفة الدّربْ
ضِنيب اليَانْكي
قال القمري لي الضُّليلة :
خَلِّكْ صاحية زوغ اليانكي لا يودِّرنا
قال الدّابي :
إن يغباها ما بيغباني
ولمّا الشّمْ مودِّعة غاربة
وَصّتْ جملة الصّقّار عيونهنْ كَارْبة :
أبقو أَلِفْ
بَفوت لي المِتْلَكُم ناهضينْ
وفوق ديناب عريباً غادي
قال السِّحْلي لا نغشاهم
ديل عُربانْ توابع اليانكي
قال الجمع لا نغشاهم
ديل عربان توابع اليانكي
خَلُّوها العريب الغايبة
والسّراقْ طبيقو معاهو
تيجاناً عروشها الخروعْ ..
الهَشْ ..
العَويشْ
الناّر تَعَلِّبْ فوق عُقَال العَرْشْ
ولا خَسّانا بي هادي العروش الهـُرْبة
يا ابو السُّرة .. لا عَقّالْ
مَسَكنا دربنا
والشمس البتوقد فوقنا
ولمّ لميمنا
لمّ لميمنا والشّمش البتوقد فوقنا
شدّ شديدنا لا التِّمثال مَشيّلْ روقنا
عَالَم حُرْ يدوعِلْ فوقنا
لي يوم سوقنا
نبزُق فيهو .. في ود عينو جَرْ واسوقنا
يا شمسي طِلِّي .. طِلِّي
شاوري عَ بيتي دِليِّ
كَيّال الكيل .. ختياري ماتْ
ظِلِّي عَمْ يحرس ظِلِّي
عَادِلْ عَ خَييّ ميلي
خَييّ ما يحمل شَيلي
ما خَفّ الشّيلْ
ثاني المرّات ناطِرْ رصّاصِي سيلي
عيني في الفيل ما ظِلّه
كِلْنا ندريه ما نضِلّه
يا ويل الويلْ
نرمي الجمرات عَدِّ المستشْهِدْ كِلّه


حصار
اشعار سعد الدين ابراهيم
الحان ابوذر عبد الباقي



اقول باختصار لانك كانك هموم الحصار
اهو بعدت عنك فايه يعني صار
احبك تصور بكل الحواس
لانك كانك براك انت ناس
مشاعلك يضون بما لا يقاس
ويخبن تجاهي ويصيبن نعاس
احبك حمائم لاجل السلام
فوق الغمائم تحلق دوام
وما القى منك برغم الهيام
سوى طيف وعودك كلام في كلام
احبك تصور برغم الحواجز
برغم الاماني الوساع العواجز
اريدك تصور وافتح نوافذ
يجي الفجر باكر منور وناجز



تبتبا
اشعار محجوب شريف
الحان شمت محمد نور



تبتبا تبتبا تبتبا تبتب
باكر تعرف تقرا وتكتب
وياما ترتب
نحنا بنحلم وكم نتمنى
هي تحقق كل ما تحب
تبني حياتا الند بالند
اي مكانة وخانة تسد
هدهدا هدهد كل الورد ينوم ويفرهد
زي عصفورة تطير وترك
تحبا وتمسك وتاني تفك
سيبا تفكفك سيبا تلكلك عايزة تنطط
بكرة حترسم وياما تخطط
بكرة حا يبنوا مدائن ضو
ما بيعكر صفو الجو صفارة حرب
تشطب من قاموس الدنيا
الضرب الشك الخوف
ينعموا كم بالشم والشوف واغاني الحب
افتح بابك آمن تب
زي ما النهر بيلقى مصب
اي حمامة بتلقى الحب
تلقى الورده الندى في الكم
تلقى حداها جناها الام
يرضع صافي حليب الحب
نقدل نحنا الجد والعم
تملا عيونا كهارب سد
باباً جاب الهم والزم والصد ينسد
نفرح لما ندمع جد
مد البصر الامل يمتد
العمل يشتد البنا ينتم الغنا يمتد
هدهدا هدهد
اكتبي اكتبي الف المد
حمام وسلام وسعادة بجد
اكتبي اكتبي ياء المد
سرير وعصير وعبير ينشم
اكتبي اكتبي واو المد
حقول وعقول تقرا المجهول كتاب الغد
اكتبي علم وسلم
لا حد يئن لاتسمع بم
لا ينزف دم
لا يعجز رد
لا يعجز طب
لا دمعه في خد
تبتب


باب السنط
محجوب شريف
حمزة سليمان


ود باب السنط والدكة والنفاج
والحوش الوسيع للساكنين افواج
واللمة التى ربت جنا المحتاج
والنار الدغش
والريكة جنب الصاج
والسكسك المنضوم
حول الجبينة نجوم
والفنجرية تقوم
تقهوج الحجاج
طق طرق يا بن
القهوه كيف ومزاج
طق طرق يا بن
خلي النعدل الراس
ونحصل الترماى



الخرطوم
كلمات التجاني حاج موسي
الحان مستر كيم اوق مان


يا جمال النيل والخرطوم باليل
ياراضعة من نيلين حضنوك من أزمان
يا قبلة الزائرين يادرة السودان
ضمخ شذى الياسمين والورد والريحان
عشاق سمر باليل سحرم جمال النيل
أجمل ليالي هنا لما القمر يظهر
والونسة تبقي غنا والغنوة تتنقل
وتفوت علي امدرمان وهناك تكون اجمل
لوبس تطول ياليل وتزيد جمال النيل



يا ليلي


يا ليلي ليلك جن
معشوقك اوه وأنّ
أم مرحى فوق جبلنا
أصلو الاكسير معدنا
الشرب بالكوب والدنه
وكل الغشاهو تهنا
وبعد الارض سهلنا
سقنا وتيرابا شتلنا
تربالنا سامر وغنا
صاح بالجلاله ورنا
مطر الفيوض ما ونا
نبعن سيوف الجنة
توريقنا دور ودنا
وعلج رقابو تحنى
خدموهو اللبسو شرايتو
وكل زول فرش سرايتو
عدد السبعين مضرايتو
صوبروهو غزو رايتو


فاجأنى النهار


فاجأنى النهار
وأنا ماشى بيناتا
أتساقط باقي حنين
لسه عيونك ياها عيونك
تكسر باب الدم السرى
وتجرى تنعس عشب القلب
وتبكى سماهو فراش
يا ناعس بين الخلوه وريحة الصندل
فلت الطين
النيل قصاها ضفيرتو
وشراها رماد
وفجا حنين
يسرى الحلم الموجوع
لابطلع وقت اللقياء
ولا بهجرنى جواي ضلوع
يا مولود مظلوم في رئتك
ميز ريحة المطره او اٍتخيل بيناتنا رزاز
انا حلفت بنات الشجر
الماطر ماتنزل صفقه
تعرى صفير الريح
يلقى غناهو صرصار
الليل الماكر
همست شجره لتانى شعاع رباني
شاقي الحله
يدخل صرة شافع
ويطلع ايقاع نوبه
اٍحنا حفايه في بلدك اٍتلفتت فوق كتفينا
ود العين ندى وطار
عصفور نبت فينى الريش
صفقت جريت فرحان
ما تغطيني إنا عرقان من وهجي الفينى


ايدينا للبلد


ايدينا ياولد ايدينا للبلد
الغربه ان شاء الله تعقري ياتعدمي المال
الفقري يا تعدمي
الشيك الخضري والله شلتي العيال من بدري
والله شلتي
ايدينا ياولد ايدينا للبلد
كان اخويا اللبره جانا والله يصلح الحال معانا
والله يصلح الحال معانا شلنا الغربه المئخرانا
شلنا الغربه
ايدينا ياولد ايدينا للبلد
ننتج بي ايدينا والله نخلص العلينا شان
تشيل ام ريكا دينا نبني دارناوتبقه لينا
نبني دارنا
اخلاصنافي العمل ا خلاصنا في العمل
يسوقنا للامل
حكومه كان تنصلحي كات تعرفي عيشي
وملحي كان تشوفي
اللبي تزحي ماتباري القول تلحي كان
تعرفي
كان الحكوم صلح سودانا صار مليح
ايدينا ياولد ايدينا للبلد

ايدينا للبلد


ايدينا ياولد ايدينا للبلد
الغربه ان شاء الله تعقري ياتعدمي المال
الفقري يا تعدمي
الشيك الخضري والله شلتي العيال من بدري
والله شلتي
ايدينا ياولد ايدينا للبلد
كان اخويا اللبره جانا والله يصلح الحال معانا
والله يصلح الحال معانا شلنا الغربه المئخرانا
شلنا الغربه
ايدينا ياولد ايدينا للبلد
ننتج بي ايدينا والله نخلص العلينا شان
تشيل ام ريكا دينا نبني دارناوتبقه لينا
نبني دارنا
اخلاصنافي العمل ا خلاصنا في العمل
يسوقنا للامل
حكومه كان تنصلحي كات تعرفي عيشي
وملحي كان تشوفي
اللبي تزحي ماتباري القول تلحي كان
تعرفي
كان الحكوم صلح سودانا صار مليح
ايدينا ياولد ايدينا للبلد


ودود الابتسامة


ودود الابتسامة
بشتكيلك منك الحزن الدفين
خلي بالك للغمامة تملى
تملى لما تنزل لا بتشكي ولا بتحكي
الا تطلع من انين الارض وردة وعش حمامة
شفتك امبارح معايا
كنت بين نايمة وصاحية
تحتويني الريدة والشوق والعنا
وانت صاحي ترفع ايدك للشموس العالية
وتدفئ الغنا
ينتميلك قلبي يا اب قلباً حنين
بشتكيلك منك الحزن الدفين



عطبره
اشعار جمال عبد الرحيم
الحان طارق جويلي


من قمت من بيتنا ومشيت
بطاقتي صورة مصغرة
شايل معاي شنطة صفيح
حزمة هموم
ولدا متين بقي للسفر والاغتراب والدردرة
كان الزمان لسة رضى
والناس ظروفها مقدرة
وانا في القطار اصغر صبي
امال تفيض متفجرة
لما القطار صفر وقف
بهرتني صورة عطبرة
دي محطة الوطن الكبير كانت تضج متحضرة
ونزلت ماشي على الرصيف
اغبش هدومي مغبرة
الهجرة من زمناً قديم زي ساقية فينا مدورة..
عائلة ابوي عبد الرحيم من حلفا جات متهجرة
اديلة او والله رن فجلي
بلد نفاي اموقا كجلي نورين موقو
كن جواب كفاي
دقيتني نفص كورين لوجي
نفس القطارات والسكك
يوم مقبلة ويوم مدبرة
كان عمري 12 سنة
شايل التقيلة مبكرة
رحال بدون زاد لا متاع
كان لي كتاب ومفكرة
لميت شتات بعض الحروف
وقرايتي تبدو مكسرة
من قمت من بيتنا ومشيت
بطاقتي صورة مصغرة
شايل معاي شنطة صفيح حزمة هموم
ولدا متين بقي للسفر والاغتراب والدردرة



اولاد المــدارس
الشاعر فيصل محمد صالح
الحان عثمان النو


يــلا يـا اولاد المــدارس
فـي ربى السودان وسهله
يلا شخبطو في الكراريس
اكتبوا الواجب وحلوا
دينق زايد محمد احمد
فاس وطورية وزراعة
فاطمة زايد ميري ببقوا
غنوه نيلية بشراعه
وردتين على يامبيو
ووردة تالتة على رفاعة
يي بلدنا وكلنا اخوان
سوداني بلدنا يي
حرب زايد بندقية
يختفوا اللقمة الهنية
من أصابع طفل جائع
أمو حزنانة وشقية
حرب بتضيع ولادنا
يلا يا اولاد المدارس
هاتو من القلب غنية
للخضار والازدهار
للسلام والتنمية
للعصافير المهاجرة
تبني عشها مرة تانية



كل الخير
كلمات عماد الدين ابراهيم
الحان عثمان النو


لانك عندى كل الخير

وجيهك فرحة الدنيا

ودواخلك زى شعاع النور

عرفتك وكنت زى شفتك

قبل القاك

وزى انك بتنبعي من فرح جواى

تمسحي عن رؤاى الضيم

وتضحكي للزمان الجاى

وتتفجر مسامك ضي

مع الصبح الغشانا شوى

كأني معاك كائن حي

كأنو صفاك كأنو الحل

افارقك والعمر عندك

زهيراتاً غشاها الطل

واحاسيسك بتتكمل

غنيواتك بتتبارك مع

الايام وتتجمل

افارقك والزمان اجمل عشان

تشعل ملامحي ضياك كل مانجيمه

تتحول

وشان تفضل ملامحك فيّ زى ماكنتي في الاول

 

رد مع اقتباس
  رقم المشاركة : ( 45 )  
قديم 07-04-2009, 11:26 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 شــرحبيل احــــمد


الليل الهادى
يذكرنى حبيبى الغايب
من بدرى
خلانى وحيد
نصيبى نحيب
سهدى وبعدك جننى
متين ياربى القاه
ويسعد لى قلبى بلقياه
لو فاتنى يومين تبقى
لى سنين
سهدى وبعدك جننى
وحشتنى عيونك يا حبيبى
وهمسك ولمسك يا طبيبى
انته هناك ... وروحى معاك
سهدى وبعدك جننى



ستار يا ليل
لمن تجن
واحمل همومى اتوسده
واعيش براى
والوك ضناى
شوقى الشديد
الشايلو فى ضو النهار
ابثوا ليك اهات طوال
تشد رحال
ترحل بعيد
فوق للنجوم
ترحل بعيد فوق للنجوم
الممعنه ترجع صداه يهتف يقول
ستـــــــــــــــار يا ليل
ستــــــــار ياليل
لمن تضم كل القلوب العاشقه
تحمل ضناها ولوعته
تمسح دموع وتضم ضلوع
على القلوب الواجفه
والكان قبيل فى الجوف خفا
بنقال اليك ونقول عليك ستار يا ليل
ستـــــــــــــــــار يا ليل
لماالصباح يشرق صباح
وطيوره فى الاغصان ترف
لما الصباح يشرق الصباح
لماالدموع فى العين تجف
اهضم مناى والوك ضناى
واظهر سعيد ..اطهر سعيــــــد
واروح اعيد
كل الشريط من اولو
فى سرى فى قلبى الكبير
واهتف براى .براى .. براى
عز الصباح


تعال يا ليل
تعال يا ليل خليك معايا
داير اشكي ليك سهدي و اسايا
داير اشكي ليك هجر الحبيب
السابني و راح يا ليل برايا
سابني و راح خلى الجراح
الجوا في داخل الحنايا

منايا كان يا ليل حبيبي
يكون يكون معايا
يسهر معاي يا ليل معاي
حتى الصباح يسمع غنايا
اشكيلو كل املي الكبير
و اشواقي و كل همي و عنايا
لكن يا ليل راح الحبيب
خلاني اتوجع برايا

رغم الألم رغم الجراح
الفي حشاي في حشايا
دايرك يا ليل تسمه غناي
و تغني لي اجمل روايه
قول للحبيب الغالي دايما
زكرتو في دربي و خطايا
قولو يعود يشفي الجراح
الجوا في داخل الخلايا



لو تعرف الشوق

لو تعرف الشوق
انت يا المريود
كنت مابتروح وتنسانى
شلت ليك الشوق الشوق
لو بى اييدك كانت الاحلام
مابنسيبها حرام
نهجر الريدة ياحبيبى
تعال ليه بتنسانى
دى اصلها الريده
فى القلوب بتروق
تفعل الجميل
قالو اهل الريد
اصلها الريدة فى القلوب بدوب



حبيب العمر يا غايب

حبيب العمر .. يا غايب
بتدرى هواى ..
بحبك وإنت فى قلبى ..
نعيم دنياى ...
وعزّة نفسى .. تمنعنى ..
أبوح لى سواى ..
بآلامى .. وأحلامى و كل شقاى ..
ما إنت فى بالى يا حبيبى ..
ليه غيابك طال ..
حبيب العمر ما صدقت عنى تغيب ..
يصبح حالى فى لوعه كشمعة تذوب ..
وحالى البى لو جربتو يالمحبوب ..
كنت بكيتو من قلبك .. ودمعك سال ..
ما إنت فى بالى يا حبيبى ليه غيابك طال ..
وحات عينيك لهيب الشوق .. مصيرو رماد ..
تعال ارحمنى من هجرك .. كفاية بعاد ..
تعال الليلة ما بكرة .. بدون ميعاد ..
نحن فراقنا ما ممكن يا روحى محال ..
ما إنت فى بالى ياحبيبى ..
ليه غيابك .. طال



أرحل/التجاني سعيد
غناها محمد وردي

قلت أرحل ..
أسوق خطواتي من زولاً نسى الإلفة
أهون ليل
أساهر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الأرض منفى
عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد أعياد
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معاية لا بندم ولا بقضي العمر تبريح
أصلو العمر شوقا حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى
منــــــفـى
منــفـى
مـنفى




( أنا في التمني ) لـ( ود الرضي )
أنـا فــي التمـنـي ديـمـه هديـلـي سـاجـع
مـا لقيـت لـي مغيـث ولا لقيـت لـي مـراجـع
------------
داير أشوف حبيبي اليوم داك .. شفته رايق ودمعه ناقع
أسـود شعـرو حالـك .. أمـا صـفـاره فـاقـع
تتلاصـف خــدودو .. لا حـجـاب ولا بـراقـع
أشوف لعسـو ونواعسـو .. جـل البـاري صانـع
أشوف في خدو شخصي .. وفي صدري المضـارع
------------
يفـر خيـت بسمـه يشبـه .. برقـا ً ليلـو هاجـع
يرفـع لـي رشاشـو .. يسـبـل نـظـره واقــع
دايـر أشوفـو غافـل .. ودايـر أشوفـو جــاذع
يتغطـى بـي سواعـدو .. ويحنـو كأنـه واجــع
ويلتجـى بـى مرافقـو .. وأطــراف المضـاجـع
وتتلـب فــوق شفاهـهـو .. لـؤلـؤة المـدامـع
يـردد لـي نغيمـا ً .. تشـتـاق لــه المسـامـع
------------
أعاين فيهو وأضحـك .. وأجـري وأجيهـو راجـع
أقيـس بالليـل شعـرو .. ألقـى الفـرق شـاسـع
أقيـس الفـم بودعـة .. الـقـى الــودع واســع
ده مـا بيلقـاهـو زول .. زي الصـيـده نـاجـع



الزمان زمانك
عبدالرحمن الريح
--------------------
الزمان زمانك
أهدى لي مـن فـضـــلـك نـظـره فى رمانك
يا الفريـــــــد فـى عصرك قلبى فاقد امانك
حرام عليك تهجرنى وترضى بى حرمانك
بالكـمــال شــرفـــــت مـنــاطق ام درمانك
وبالجمال امــتــــــزت عـلـى شباب أزمانك
يا أنيس الصـيـــــــد أنــا فى الغرام إنسانك
انت روح شعـــرى وانا فى الشعر حسانك
ان قصدت هلاكــى تـجــدنـى مـن فرسانك
وان عـطــفــــت عــلـــى ذاك مـن إحسانك
يا الحنـيـــن فـى نفـسك قولى ويـنه حنانك
شلت قلـــــــبـى ودمــى خـضـبـت بيهو بنانك
ان مرقت تـــمــر فى الـروض عـلى افنانك
النجوم تـتـــــــغــزل فــى بـيــــاض اسنانك


أرجوك يا نسيم روح ليه
للشاعر محمد بشير عتيق
لحن
وغناء كرومة

أرجوك يا نسيم روح ليه
بي أشواقي صرح ليه
وأذكر صبوتي وسهادى
******
روح يا نسيم قول ليه
مثل شخصي واشرح ليه
إخلاصي وشعوري إليه
والأغرب كمان قول ليه
مع شغفي وميولي عليه
في تعذيبي برتاح ليه
بذكر حسنه في إنشادى
فأعجب مني شاعر وشادي
******
باللفظ الجميل آتيه
بين حالي واستفتيه
لو يصحى وبفيق من تيه
يتعطف يلين عاتيه
يشفي جراحي
وألقى صراحي
ويكون راحي
في رؤية خديده النادى
وقوامه الرشيق متهادى
******
هو حبيبي هو طبيبي
هو سميري هو أميري
حسن الكون تجسم فيه
يزدرى بالقمر لصفيه
ما دام كل عيب نافيه
أوصاف شعري كيف توفيه
ده الساكن ظلال في فؤادي
واختار في الهوى استعبادي


خلى العيش حرام

كلمات ابوصلاح



خلي العيش حرام مادام اري الموت يحل

مابين الرميش فوق لي الطريف الكحيل

هـزاز صدرو ميل فـدع الخصر النحيل

بالرجـاج يقـالع شـبه المهر الوحيل

النوم مـني فـرّ وقـلبي نـاوي الرحيل

مـن غير المنام طيف الخيال مستحيل

والاني اشتياقي وقـلبي اصبـح وجـيل

تتمـلك محاسنك روحي جيل بعد جيل

والاك الجمال يرفـع لـي قـدرك يجـل

يتمني الهلال ينصاغ لي قـديمك حجل

بنخوض الرماح لو كـان تـزيد او تقل

ونخاف مـن ضـمير الاهيف المنفـقل

بنقـابل المدافـع بالثـبات والعـقـل

ونهاب سيف عيونو اللمعو يبرق صقيل

يالمنـّك معـار تكحيل شويدن الخـميل

علمت الغصون مع النسيـم كيف تميل

مخـتارك يحـاكي الشولة دمعو الهميل

والتـختارو لي لاشـك جـميل ياجميل



قصيدة "تيه وإتاكا"

ود الرضي



"تيه وإتاكا..مراض وصحاح مقله الفتاكا..ظبي الرام..
خريف وشتاكا..ميل يا بان المصري أتاكا..النسام..
اللي أفتاكا..جاب لي روايحا ً لي هتاكا..وزادني هيام..

ـــــــــــــــ

ما بيغباكا..شغفي عليك ومتى أصباكا..تزيدني هيام..
وتريني صباكا..ونجري عتاب وحنان نتباكا..على الأيام..

ــــــــــــــــــ

لعلى أراكا ضحا ً تتجلى بطيب وأراكا و نجري كلام..
ويكون سمراكا..جواري حسان وبعض أمراكا وبعده تنام..

ـــــــــــــــــ

كفى قفاكا..بعاد حلماتك من كتفاكا..درر ومدام..
والراح فى فاكا..شعرك عتمة وبدر صفاكا..وحسنك تام..

ـــــــــــــ

غريزة حياكا..عجيب تستحي من نور محياكا..داخل السام..
ويفوح رياكا..ينعشني يجيب خمرا ً جالياكا..ولو في منام..

ـــــــــــ

الشادي شداكا..موجو ترتل تل نهداكا..و قود اللجام..
وتلا يداكا..وري الفن فرج ننداكا..و عوم يا حمام..

ما اسماكا..سماء المجد علوت سماكا ..عبير الشام..
وفاح نسماك..من تنا جيدك و حامي حماكا..حمى الإسلام"...



طول الليل للشاعر الكبير/عمر البنا

طول الليل أنا ساهر

وانت هاجرني حبيبي وين ماظاهر

مرة زاورني شوف تحولي الظاهر

شوف طرفي يناجي النجم الزاهر

لاتخف وحياتك بهواك مابجاهر

كن واثق حبي لحسنك طاهر

النسيم جاني بي طيبك زاير

قالت ليه فكري قد أصبح حاير

ما يروق غير ما أنظر محبوبي الناير

أنا لي حبيب ما بين جزاير

نايم مرتاح وحافاه وزاير

وأنا ديمة أنوح ونوم عيني طاير

صابر علي ظلم الزمان الجاير

يا العاجبك حسنك وللعشق ما فاكر

تزداد في صدودك وبي شوفتك ماكر

لو جاني خيالك أنا أصبح ناكر

لاني بحاسب من كلمة باكر

لي جيل عمرك انت ناهي وآمر

في هواك يا مدلل بحياتي أغامر

علي أريج وصلك ولحسنك أسامر

ويضيع نحسي بلقاك ياضامر


هواك و هواي

هواك وهواى بى جاروا وسبن أفكارى نظراتك

أحب تعطف تزيل وجدى واحب كل البحب ذاتك

بحب لونك بحب لونك بحب يا حبى نفحاتك

بحب فى خدك الزهرة وبخاف ترمينى لمحاتك

أخاف صدك بخاف جورك واحب تتهنى بحياتك

بحبك حبى للعافية وكمان يا سيدى وحياتك

بحب فيك الحيا الفطرى ويذوب من حالى صيحاتك

إذا فى حبكم ضعت واذا أُقبر فى ساحاتك

أكون للحظ دوام شاكر وأقبل أنت راحاتك

أحب أنظر جمال محياك وأخاف تسحرنى بسماتك

وأخاف لحظك يجرحنى واحب تسكرنى بسماتك

وأحب طيفك يأنسنى واحب تسمعنى نغماتك

وأخاف هجرك يطول بى و أخاف تحرمنى كلماتك

منعم يا فريد عصرك سعيد وسعيده ساعاتك

مكمل يا نزيه صافى وعفافك فطرى مافاتك

وديع وبديع مثال رقة حشيم والريم هوى صفاتك

أٍرت فؤادى يا ضامر ودمعى خضاب فى كفاتك

زيد يا دمعى فى سيلك وزيد يا صدرى زفراتك

حبيبك ودعك راحل زيد يا طرفى عبراتك

حمام الأيك حن مره تعال أسمعنى نبراتك

طربت أم در مقر أملى زمان كفاى عباراتك

 

رد مع اقتباس
  رقم المشاركة : ( 46 )  
قديم 07-04-2009, 11:47 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 البــــلابــــل


قطــــار الشوق متين ترحل تودينا
نشوف بلداً حنان اهلها
ترسى هنــــاك ترسينا

نسايم عطبره الحلوه تهدينا و ترسينا
نقابل فيها ناس طيبين فراقهم كان مبكينا

يا قطار الشوق متين توصل حبيبنا هناك راجينا
متين نحضن عويناتو لـ متين يسرع يحيينا

يا قطار الشوق ده ليل الغربه فيهو ودار
متين تسرع متين تكمل المشوار

عشان ما نلقى سيد الناس
و نطفي البينا من النار
نشوف عينيهو نعسانه
و لونو الزاهي كل نضار

يا قطار الشوق حبيبنا هناك
يحسب في مسافاتك
لو تعرف غلاوة الريد
أكنت نسيت محطاتك

وكان بدرت في الميعاد
و كان قللت ساعاتك
و كان حنيت علي مره
وكان حركت عجلاتك


بين اليغظه والاحلام
البلابل
نار البعد والغربة
شوق لأهلي والصحبة
شوق لكل جميل في الحي
شوق للشينة لو صعبة

بين اليقظة والأحلام
بين اجفان تقول للنام
أريت النوم يزورني اليوم
أنوم لو ليلة في كل عام

آه بتطلع بدمع العين
زفرة بتشعل أنفاسي
آه بتداوي فينا حنين
ولا زفرة بتجيب ناسي

لو عبرة تزيل غصة
لو ذكرى تهدي حنان
لو إنسان صبح قصة
أنا القصة يا أم درمان




وتانى البلابل
نحييـك ما بتحـيينـا
ونرضيـك مـرة أرضـينـا
احكـم فـينا بالدايـرو
ده ريـدك وانقـسم ليـنا

خـلاص اخـترت ناس غـيرنا
وهـم أغـروك تخـليـنا
بقـيت لامن تشـوفـنا كمـان
بتهـرب من تـلاقـينا
كأنـك ما عـرفـتنـا يـوم
ولا طـليـت في عـيـنـينـا

نـلاقـيك والصباح نعـسـان
وتـتحـاشـانـا يا زيـنــة
زمـان الحـال ده ما حالـك
ولا طـبعـك تجـافــينـا
اتـاريـك كـنت خـادعـنـا
سـرابـك مـوجـو غـاشــيـنا

 

رد مع اقتباس
  رقم المشاركة : ( 47 )  
قديم 08-04-2009, 02:41 AM
الصورة الرمزية جمال مختار
 
جمال مختار
&: كبار الشخصيات :&

 الأوسمة و جوائز
 بينات الاتصال بالعضو
 اخر مواضيع العضو
  جمال مختار غير متواجد حالياً  
الملف الشخصي
رقــم العضويـــة : 115
تـاريخ التسجيـل : Sep 2007
العــــــــمـــــــــر :
الــــــــجنــــــس :  Lebanon
الـــــدولـــــــــــة : السودان
المشاركـــــــات : 5,810 [+]
آخــر تواجــــــــد : ()
عدد الـــنقــــــاط : 20
قوة التـرشيــــح : جمال مختار is on a distinguished road
افتراضي رد: مكتبه جميع كلمات الاغانى السودانيه

 

 ود المهدي جد مستمتع في البوست بتاعك
صراحة شئ روعة واقدر كل الجهد . فكرة جميلة
واتمني تواصل علي كدا وياريت يكون مقسم
علي حسب الفنانين يعني كل فنان واغانيه
وبعدها تشوف الفنان البعده.

دائما بتابع وبكل اعجاب وتقدير

تحياتي يا غالي

 

رد مع اقتباس
  رقم المشاركة : ( 48 )  
قديم 08-04-2009, 12:18 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 منور البوست اخى
وبشكرك على هذه الطله الجميله
ومشكور على الكلمات

 

رد مع اقتباس
  رقم المشاركة : ( 49 )  
قديم 09-04-2009, 12:14 PM
الصورة الرمزية الكروان
 
الكروان
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  الكروان غير متواجد حالياً  
الملف الشخصي
رقــم العضويـــة : 109
تـاريخ التسجيـل : Sep 2007
العــــــــمـــــــــر :
الــــــــجنــــــس :  Egypt
الـــــدولـــــــــــة : بعيـدأ عـن الحيـاه.!
المشاركـــــــات : 3,582 [+]
آخــر تواجــــــــد : ()
عدد الـــنقــــــاط : 83
قوة التـرشيــــح : الكروان will become famous soon enough
افتراضي رد: مكتبه جميع كلمات الاغانى السودانيه

 

 الابداع اخي الرائع بوش واصل يا حبيبنا

ونحنا فى انتظار المذيد

 

رد مع اقتباس
  رقم المشاركة : ( 50 )  
قديم 09-04-2009, 04:52 PM
الصورة الرمزية محمد مهدى
 
محمد مهدى
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  محمد مهدى غير متواجد حالياً  
الملف الشخصي
رقــم العضويـــة : 272
تـاريخ التسجيـل : Apr 2008
العــــــــمـــــــــر :
الــــــــجنــــــس :  Sudan
الـــــدولـــــــــــة : القاهرة
المشاركـــــــات : 1,916 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : محمد مهدى is on a distinguished road
افتراضي رد: مكتبه جميع كلمات الاغانى السودانيه

 

 كروان اشكرك على المرور الرائع

 

رد مع اقتباس
إضافة رد




يتصفح الموضوع حالياً : 1 (0 عضو و 1 ضيف)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
جميع كلمات الفنانه(اصاله) الجنرال الاغاني العربية 112 02-11-2008 01:40 AM
كلمات الاغانى لى الاستاذ الكبير محمد الامين الكروان اغاني الرواد والحقيبة 24 19-08-2008 02:27 AM
جميع كلمات الفنان (كاظم الساهر) الجنرال الاغاني العربية 179 09-04-2008 07:20 PM
جميع كلمات الفنانه ( لطيفه ) الجنرال الاغاني العربية 89 09-04-2008 07:09 PM
كلمات الاغاني للفنان الرائع >> علي الحجار << الكروان الاغاني العربية 8 09-01-2008 08:38 PM


الساعة الآن 09:25 PM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd. Trans by
© منتديات شبكة سوداني ون ©

a.d - i.s.s.w